ارجو المساعدة اريد معرفة سعر الفتيس الخاص بالمازدا 3 2011

[demoky]

ارجو المساعدة اريد معرفة سعر الفتيس الخاص بالمازدا 3 2011

[mazda3mazda]

ارجو المساعدة اريد معرفة سعر الفتيس الخاص بالمازدا 3 2011

الحقيقة أنا مش عارف تمن الفتيس الجديد كام بس أنا عندي سؤال... هو حضرتك بتسأل للمقارنة و من باب العلم بالشيء ولا الفتيس بتاع 2011 حصل فيه حاجة؟

يا ريت تطمنا عشان الواحد بقي يتشائم من اللي حصل للناس في الdsg بتاع الجيتا و الباسات و لو إني مسمعتش قبل كدة إن فتيس المازدا فيه أي مشاكل.

[medo_msmsa]

على فكرة هو نفس فتيس الشكل القديم فممكن تسأل الميكانيكي اكيد هتلاقيه ارخص واسهل من ال 2011

[demoky]

السؤال علي سعر الفتيس لاني كنت هشتري جيتا 2012 ولكن عندما سمعت عن مشكلة الفتيس و سعرة الذي رعبني قررت اقارن بين اسعار فتيس السيارات و المازدا عجباني ولكن قبل شراءها اريد ان اطمأن

[mody3on]

يا باشا الجيتا هتشتريها بالضمان واي حاجة بتحصل بتتغير في الضمان ببلاش
وبعدين المقارنة ظالمة جدا للمازدا .. الجيتا ب 220 الف والمازدا ب 150 الف
فرق كبير اوي يعني
ومعتقدش فتيس عربية مازدا كامل (قطع غيارها مش رخيصة ) هيكون ارخص بكتير من الجيتا

[mazda3mazda]

السؤال علي سعر الفتيس لاني كنت هشتري جيتا 2012 ولكن عندما سمعت عن مشكلة الفتيس و سعرة الذي رعبني قررت اقارن بين اسعار فتيس السيارات و المازدا عجباني ولكن قبل شراءها اريد ان اطمأن

الحمد لله طمنتني... أنا عن نفسي كنت متضايق من إن الفتيس و الموتور بتوع المازدا تكنولوجيا قديمة، يعني هما هما متغيروش من المازدا 3 الشكل القديم، يعني من 2004... و ده هتلاحظه إن ساعات بعض الناس بتقول إن استهلاك البنزين عالي شوية نسبيا، و ده كمان عشان الفتيس أربع نقلات بس (تقريبا أغلب الياباني ال1.6 كدة)... ساعتها كانت الناس بتقول إن المزدا متجربة و مفيش حد اشتكي من الفتيس أو الموتور قبل كدة لكن أنا مكنتش مقتنع ان ديه حاجة مهمة لأني كنت فاكر إن طالما العربية ماركة محترمة يبقي مفيش مشاكل و لو حصل حاجة هتبقي في الضمان... لكن اكتشفت بعد كدة ان موضوع الdsg ده منتشر قوي يعني عيب تصميم أو بشكل أدق عدم ملائمة للطرق المصرية (يعني العادي إنك تاخد مشوار ساعتين من المحور لمصر الجديدة علي الأول و التاني!!!) الdsg مع إنه تكنولوجيا عالية لكنه تحت الظروف ديه بيفرفر... و فيه ناس بتغيره في الضمان مرة و اتنين و بعدين بتلاقي الضمان قرب يخلص تقوم تبيع العربية عشان أعصابها بتبوظ! لأني سمعت إن ثمنه جديد 70 أو 80 الف و التوكيل مبيعرفش يصلحه، يعني لازم تغيير!!!

الخلاصة فعلا حضرتك معاك حق، لازم تقلق... و ممكن تتصل ب16670 غبور مازدا و اسأل بتوع قطع الغيار تمن الفتيس الجديد كامل كام... (لو اتخضوا و مكانوش جاهزين بالجواب و قالولك هنسأل و نرد عليك يبقي ده مؤشر كويس إن مفيش حد غير فتيس مازدا قريب !) :)

و يا ريت تبقي تطمنا علي السعر هنا... أهو برضه نعرف.