شباب المازدا 3 ارجو الدخول

[djabed]

مرحبا لدي سيارة كيا نيو سيراتو 2010 ح بيع واجيب مازدا3 متل ما الكل بيعرف السيراتو كتير التخبيط وعفشة ناشفة وانا انسان اكهره كتير النشوفة بالعربية هل العملية رابحة من ناحية الهدوء بالمشي بالسيارة ولا نفس الشي ياريت لو حد كان عندو كيا واشترى مازدا يحكيلنا الفرق بين العربيتين لانو فعلا شيء غير مقبول تخبيط كتييير وهاد شي بشع ارجو من لديه رد ان يكون محايد وشكرا

[djabed]

مافي حدا

[cameeron]

اهم ما يميز المازدا النعومة بجد فتوكل على الله

[S O P H O S]

فعلا مازدا مريحة عن الكيا

[MazdaFan]

مرحبا لدي سيارة كيا نيو سيراتو 2010 ح بيع واجيب مازدا3 متل ما الكل بيعرف السيراتو كتير التخبيط وعفشة ناشفة وانا انسان اكهره كتير النشوفة بالعربية هل العملية رابحة من ناحية الهدوء بالمشي بالسيارة ولا نفس الشي ياريت لو حد كان عندو كيا واشترى مازدا يحكيلنا الفرق بين العربيتين لانو فعلا شيء غير مقبول تخبيط كتييير وهاد شي بشع ارجو من لديه رد ان يكون محايد وشكرا

أنا ركبت و سقت العربيتين ، مازدا عفشتها انعم و أفضل من السيراتو

[medo_msmsa]

المازدا انجح عربية في الفئة دي في معالة الراحة مع الثبات

[abdullahalbadr]

بص يا باشا أنا عندي العربيتين (كيا سيراتو ، مازدا 3-2011)
بالنسبه للكيا سيراتو عيبها إن عفشتها نشفه شويه ، خصوصا مع الجنط 17 ، والتسارع بتعها مش زي المازدا ، كما إن الكماليات الموجوده فى المازدا مش موجوده فى السيراتو ، أنا بتكلم عن الهاي لاين ، (زينون ، مثبت سرعه ، كمبيوتر ، حساسات مصر وحساسات إضائه ) ولكن زي ما بيقول الناس (المازدا فازده ولو كانت جديده) العربيه أولا فيها عيب قاتل وهو إنها مش عليه عن الأرض ، يعني إثنين يركبو معاك وهتسلم على كل المطباط اللى فى الشارع مطب مطب ، والعربيه من وره أضيق من السيراتو ، كما إن شنطتها أصغر ، وقطع غيار زفت وإعادة البيع حدث ولا حرج ، أنا شاري اللي معايا ب 153000 جنيه بتاريخ 12/2010 ، فى شهر 12/2011 عرضتها للبيع أفضل سعر جابته 125000 ، رغم إن العربيه بحالة الفبريكه ولسه فيها ريحة الوكاله ، وفى حاجه مهمه جدا بالنسبه لصيانة السيراتو متوفره من شرق القاهره لغربها ، أما المازدا فالتوكيل حدث ولا حرج ، الميكانيكا فى أبورواش ، والسمكره فى قليوب ، يعني لو عندك الإثنين هتخودها كعب داير ، من الأخر المازدا عربيه لا تناسب مصر بتاتا ، عوزه شوارع نظيفه وتوكيل يصونها ويرعاها
هذا والله أعلم - إستخير وربنا يوفقك

[djabed]

شكرا على كل الاجابات مشكلة المطابات والاحتكاك حاجة مزعجة والشوارع حدئ بلا حرج على كل حال انا كرهان العفشة النشفة ملييت ياناس

[Roufa]

انا عندي مازدا3 2008 و اخويا معاه سيراتو 2010- الصراحه كل تعليقات abdullahalbadr صحيحة جدا بس في حاجه عايز اضيفها يمكن تفيدك , اول حاجه هل انت عايز عربية ركوبة و تعيش معاك يبقي مازدا طبعا لكن لو انت من النوع البيغير العربية كل سنه او 2 يبقي ممكن السيراتو عشان تلاقي فلوسك في البيع - تاني حاجه انا شايف ان المازدا فيها عيبين لو مش فارقين معاك يبقي هاتها و ماتفكرش اول حاجه انها واطية جدا و انا شخصيا بربع علي كل المطبات و ساعات في مطبات بتسلم عليها و انت لوحدك في العربيه بس بتاخد برده ثبات قوي علي الطريق و في السرعات العالية مش موجود في السيراتو العيب التاني و هي فعلا ان الكنبة و الشنطه صغيرين جدا علي عكس السيراتو بس دي عربية شبابية و دي عائلية .. اما لموضوع قطع الغيار فانا شايف ان الثنين زي بعض بالعكس ده في حاجات زي تيل الفرامل من التوكيل في السيراتو اغلي ... زي ما قولتلك لو انت عايز عربيه ركوبه يبقي مازدا و انت مغمض و كفايه انها ياباني

[احمد فهمى]

الماذدا افضل فى كل حاجه بس للاسف سوق البيع وقطع الغيار مبالغ فيها وعدم توافر اماكن الصيانه