استفسار عن ضغط الهواء فى اطارات المازدا

[omarkhaled55]

السلام عليكم ورحمة اللة وبركاتة
انا كنت عايز اعرف المفروض الكاوتش يتنفخ على كام جوة البلد وعلى كام فى حالة السفر والسرعة العالية ؟؟؟؟
لو هواء ولو نيتروجين

شكرا للافادة

[Thebutcherr]

اللى اعرفه ان الكلام دة مكتوب على اللوحة الميتال اللى على القايم اللى مكتوب عليها رقم الشاسية

[romar]

وعليكم السلام ورحمة الله وبركاته....

القايم بتاع باب السواق حتلاقي عليه لوحة مكتوب عليها الضغط المظبوط للكاوتش.. عندي (مازدا 2011) فيه جدول عليه أربع أرقام:

1. ضغط الكاوتش الأمامي أثناء التحميل الخفيف: 35
2. ضغط الكاوتش الخلفي أثناء التحميل الخفيف: 33
3. ضغط الكاوتش الأمامي أثناء التحميل الزائد: مش فاكر أوي
4. ضغط الكاوتش الخلفي أثناء التحميل الزائد: 45

الاستبن أعتقد بيتظبط على 60.... بس اتأكد الأول.. أكيد حتلاقي مكتوب عليه أو في الكتالوج

[romar]

آه بالمناسبة الأرقام اللي على القايم دي اسمها الـ Cold Inflation Pressure. يعني المفروض تظبط عليها من غير ماتبقى عامل مشوار كبير بالعربية، وإلا الهوا جوة الكاوتش حيبقى سخن، والضغط حيقل لما الكاوتش يبرد.

[drmagieed]

متابع

[miro_elbaz]

عمتن المكتوب علي القايم ده انا لما بظبط عليه بحس اني راكب جمل.مازدا 3 2008 ايرو(جنط 16سبور)
عن نفسي بظبط 28 في الصيف وفي الشتا 30 اكتر من كده بحسها بتدب مع اني اعتقد ان 28 ده قليل اوي

[magedmamdouh]

يوجد على القائم طريقتين للضبط
احدهما( رطل للبوصه) والضبط على 32
والاخر(ضغط بوحده البار) والضبط على 22
ومن له خبره ياريت يفيدنا وبسرعه

[romar]

يوجد على القائم طريقتين للضبط
احدهما( رطل للبوصه) والضبط على 32
والاخر(ضغط بوحده البار) والضبط على 22
ومن له خبره ياريت يفيدنا وبسرعه

دول مش طريقتين... دول وحدتين قياس لنفس الضغط.. في مصر الوحدة المتعارف عليها هي رطل لكل بوصة مربعة (Pound Per Square Inch) أو psi اختصارا.. سيبك من الوحدة التانية عشان مش مستخدمة في مصر

[mohamedmajed]

طيب هوا ولا نيتروجين آيه الأفضل هنا

[magedmamdouh]

نيتروجين افضل طبعا

[wael_adel31]

ياجماعة فعلا لما بظبط الكاوتش نيتروجين على 36 (زى المكتوب على القايم) العربية بتدبدب فى النقر والمطبات الصغيرية؟
هل تعتقدو ان طرق بلدنا المفروض تدخل المعادلة؟ يعنى أظبط على 32 أفضل؟ أرجو النصيحة

[Thebutcherr]

انضم لجروب مازدا Mazda 3 Egypt club فيس بوك و اسال ملاك 2015

https://www.facebook.com/groups/2446137838/?fref=nf

[Omar Sarray]

النيتروجين بيبرد الكاوتش احسن من الهوا بيسخن كاوتش بسرعه والى اعرفه عامه تظبيط كاوتش 30 فى صيف وفى شتا 28 عشان الكاوتش بيمتدد وبينبسط يعنى

[borio1704]

مفيش حاجة اسمها ضبط شتا وضبط صيف

ضغط الكاوتش بيتظبط حسب الحمولة لإنه بيعمل قوة مضادة للوزن... فلما الحمولة تزيد المفروض تزود الضغط علشان تحافظ على شكل فردة الكاوتش ثابت..

والمفروض إنك لو بتتابع ضغط الكاوتش باستمرار مش هتلاقي فرق بين الصيف والشتا... ال30 psi بتوع الشتا هما نفسهم ال30 psi بتوع الصيف.. خصوصا لو ظبطت الفردة على البارد

ولو مشيت بالعربية أكتر من 2 كيلو ( اثنين كيلومتر ) يعتبر الكاوتش خلاص بقى سخن... وساعتها.. ابقى زود 3 psi على ضغط الكاوتش البارد علشان تعوض فرق تمدد الهوا.. ولما الهوا جوا الكاوتش يبرد يرجع للقيمة اللي على القايم تاني.

تاني... مفيش أي فرق بين الضغط في الشنا أو الصيف.



...

[magedmamdouh]

اضبط على 32 نتروجين مازدا 2008