رجاء المساعدة من مالكى مازدا 3 .. مشكلة فى السى دى

[dr_magedzidan]

عندى مازدا 3 2009 .. للأسف الكاسيت السى دى مش بيقرأ غير سيدهات أصلية(ده على حسب كلام اللى انا شاريها منه ) ..
لما نسخت اسطوانات ام بى 3 مش اشتغلت وبيقول Check C D
عملتها اوديو ببرنامج النيرو مش اشتغلت برده وبيدينى نفس الرسالة .. مع العلم انه شغال 100% على الكومبيوتر ..
يا ريت لو حد عنده حل او برنامج او طريقة اخلى بيها الاسطوانات تقرأ اكووون شاكر جدااا
ياريت اللى بيشغل السى دى يقولى بينسخها ازاى وباى فورمات وبرنامج ايه .. افيدونى من فضلكم ..


مش عارف ليه الادارة مسحت موضوعى الاول .. لسه مش لاقيت حل للمشكلة بتاعتى ارجو الاهتماااام

[MohammedAladel]

الإدارة لم تمسح موضوعك

حصل عطل فى فترة زمنية معينة اتسبب فى مسح كذا موضوع بمشاكاتهم

مش هقدر أفيدك بس إنت ممكن تشوف السى دى بتاعك بيشغل إيه الأول وبعدين تبتدى تنسخ اسطوانة سواء كانت أوديو أو إم بى ثرى ولو أغنية واحدة وجرب

وإنتظر آراء الملاك :)

[dr_magedzidan]

الإدارة لم تمسح موضوعك

حصل عطل فى فترة زمنية معينة اتسبب فى مسح كذا موضوع بمشاكاتهم

مش هقدر أفيدك بس إنت ممكن تشوف السى دى بتاعك بيشغل إيه الأول وبعدين تبتدى تنسخ اسطوانة سواء كانت أوديو أو إم بى ثرى ولو أغنية واحدة وجرب

وإنتظر آراء الملاك :)

شكرا يا باشا على الرد والاهتمام .. وباسف انى اسأت الظن بأن الموضوع اتمسح ...بانتظار اراء ملاك مازدا 3 لحل المشكلة .. هو بيشغل mp3 بس هى المشكلة كما ذكرتها فى اول الموضوع .. شكرا مرة اخرى على الاهتمام ..

[medokassem]

جرب تعمله ام بي ثري او اديو ولو مرضاش يقراهم يبقي العدسة بتاعته عايزة تتنضف ، ده كاسيت بوووؤس انا باظ مني ١٩٩ مره ولحد دلوقتي لو حطيتله ٦ سي دي بيعلق لحد ما بقيت اشغله بخمسه سي دي بس وعملتله وصلة Aux ارححححم

[WalidAdel]

جرب تعمله ام بي ثري او اديو ولو مرضاش يقراهم يبقي العدسة بتاعته عايزة تتنضف ، ده كاسيت بوووؤس انا باظ مني ١٩٩ مره ولحد دلوقتي لو حطيتله ٦ سي دي بيعلق لحد ما بقيت اشغله بخمسه سي دي بس وعملتله وصلة aux ارححححم

طيب ياريت ياباشا تفدني صلحته فين و ال aux ده سهل في عمايله ولا ايه لاني ناوي اصلا احيب ام بي ثري بشاشه 5 بوصه و الزقه علي الزجاج الامامي و اريح دماغيمن موضوع الاسطوانات ده

[medokassem]

عند اي واحد بتاع كاسيت وال Aux فكرتها انو هيحرق الوصله علي بوردة الكاسيت مش حاجة صعبة يعني مت اول صنايعي متوسط فيما فوق يقدر يقوم بالمهمة دي

[medokassem]

لا ابعد بعيد عن الام بي ثري اللي بيتلزق عل شباك ده الترامكو مركبينو ولو انتا غاوي ممكن تجيب الكاسيت الاصلي ابو شاشة تاتش gps, dvd, camera , mp3 ,..........الي اخره وده بتاع العربية الاصلي علي ابوه يعملو جديد٢٨٠٠ عند العالمية

[Magdyahassan]

انا عندى بيقرا اوديو فقط اصلى او منسوخ
عموما انا مش بستعمله لانى جبت mp3 موديليتور اللى بيركب فى الولاعة وبيركبله فلاشة وبينقل الصوت لسماعات العربية عن طريق ال اف ام

[levelpower]

بص ياباشا اولا انت تقدر تعرف عربيتك بتقرا Audio او MP3 من موديل العربيه قبل 2008 بتقرا audio لكن موديلات 2008& 2009 Mp3 دى حاجه و موضوع ان الكاسيت مش بيشغل غير اسطوانات اصليه ده كلام فارغ اكيد فى مشكله فى العدسه او محتاجه تتنضف و انت تقدر تنسخ الاسطوانه على اى برنامج بس حاول فى اعدادات سرعه الحرق اختار سرعه قليله شويه ياعنى مثلا 24x او 18x

[MohammedAladel]

إشمعن سرعة حرق قليلة ؟

[romar]

إشمعن سرعة حرق قليلة ؟

عشان ده بيزود جودة السي دي

[dr_magedzidan]

جرب تعمله ام بي ثري او اديو ولو مرضاش يقراهم يبقي العدسة بتاعته عايزة تتنضف ، ده كاسيت بوووؤس انا باظ مني ١٩٩ مره ولحد دلوقتي لو حطيتله ٦ سي دي بيعلق لحد ما بقيت اشغله بخمسه سي دي بس وعملتله وصلة Aux ارححححم

عمتها التنين وبرده بيقول check cd .. انا عندى AUX فى العربية اصلا نازلة بيها وكمان مكان شاحن زيادة غير الولاعة .. وشغال بيها دلوقتى بس يا رب الاقى حل للسى دى واشغله .. شكرا يا باشا

[dr_magedzidan]

انا عندى بيقرا اوديو فقط اصلى او منسوخ
عموما انا مش بستعمله لانى جبت mp3 موديليتور اللى بيركب فى الولاعة وبيركبله فلاشة وبينقل الصوت لسماعات العربية عن طريق ال اف ام

الموديولاتر حلو انا كنت مركبة فى اللانسر قبل ما اجيب المازدا وكان 100 %

[dr_magedzidan]

بص ياباشا اولا انت تقدر تعرف عربيتك بتقرا Audio او MP3 من موديل العربيه قبل 2008 بتقرا audio لكن موديلات 2008& 2009 Mp3 دى حاجه و موضوع ان الكاسيت مش بيشغل غير اسطوانات اصليه ده كلام فارغ اكيد فى مشكله فى العدسه او محتاجه تتنضف و انت تقدر تنسخ الاسطوانه على اى برنامج بس حاول فى اعدادات سرعه الحرق اختار سرعه قليله شويه ياعنى مثلا 24x او 18x

انا عربيتى 2009 وبتقرأ mp3 لانه مكتوب على الكاسيت .. يبقى اكيد فى مشكلة فى العدسة .. انا فعلا كنت بنسخ بسرعة قليلة 16 وعملت اوديو و ام بى ثرى بس مشتغلوووش هروح لحد يظبطهالى بقى .. هى العدسة بتحتاج تنضيف بس ولا ممكن تتغير ؟ ولو اتغيرت موجودة ولا لازم اجيبها من التقطيع ؟؟ .. شكرااا على المشاركة وااسف على الاطالة ..

[MohammedAladel]

ممكن تجيب منظف عدسة من كارفور أو من أى مول أو محل ألكترونيات متوفرة بكثرة