المازدا 3 = بيت مفتوووووووووح نفسي اشوفها من غير مصاريييييف

[medokassem]

انا خلاص جالي حالة احباط مش ممكن العربية مكملتش ال 7 شهور = 13000 جندي مصاريف
طبعا بدون حساب البنزين والزيوت عشان دي مصاريف ثابته هنتكلم عن المصاريف حاجة حاجة وعلي فكرة انا مش عامل الموضوع عشان اكسب تعاطف حد لا انا عامله عشان اطلع الكبت اللي جوايا نبتدي:
السيارة : مازدا 3
الموديل:2006
العداد:233000
اول يوم اشتريت فيه العربية كانت لمضة الايه بي اس منورة ,طبعا مينفعش لازم تكون كل حاجة شغالة في العربية ده كان تفكيري من 7 اشهر وليس الان اكييييييد عموما روحت كشفت عليها كمبيوتر طلع الحساس اللي علي الشمال قولت لا تتعمل في اتخن مركز صيانة في الجمهورية وههههوب علي سماااارت كار وواخد معايا 1500 جندي قولت هيقوم بالواجب والباقي هعزم الشله كلها علي كباب بمناسبة السيارة الجديدة واللي هيتبقي نطلع نصيف بيه في اي حته روحت بقي سمارت كار والمهندس طلع معايا يجرب العربية قالي العربية عايزة طنابير وقاعدة موتور قلت شكل مفيش عزومة ولا مصيف بس المهم العربية ترجع عروسة طب ياهندسة قولي علي اسعار قطع الغيار : قاعدة موتور ب 1400 بالمصنعية حساس abs ب 1000 جندي ايوه 1000 وطنابير ب1800 من غير مصنعية ومقص يمين 800 رغم ان الجلب كانت سليمة بس الفني قالي ده مرحل سيكا صغيرة و العربية كانت بتحدف سنة يمين فووق ال100 لما المهندس قالي الاسعار الحلوة دي قلتله انا مكنتش عامل حسابي لليلة دي شوف انا ممكن اجي بكره واعمل الحاجات دي قالي هتيجي ومعاك 5000 جنيه بكره تخيلو البق ده وانا لسه دافع تمن العربية من 48ساعة يعني حته لسه مشمتش نفسي في الفلوس قلتله لا مش بكره بكره بس انتا تعملي اهم حاجة دلوقتي قالي قاعدة الموتور (اللي فوق علي اليمين) وعشان انتا بلدياتي هوقفهالك علي 1400 بدل 1550 وابقي عملت معاك الواجب بس ماتخودش علي كده المهم روحت وقلت الاسبوع الجاي اروح الحرفيين بتاعت (الغلابة) اكمل الحاجات الناقصة وبعد اسبوع روحت مدينة الغلابة قصدي الحرفيين ...................................يتبع لعدم وجع القلب مرة واحدة وخوفا علي صحة الاعضاء!

[medokassem]

روحت بقي الحرفيين اول حاجة سالت عليها حساس الاي بي اس بعد لف ودوران لقيته ب١٠٠ جندي بس فرحت رحت للعفشجي قلتله ركبه مكان القديم قالي ياباشا هات رمان بلي للعجلة اللي هتغير عندها الحساس عشان ممكن يكون رمان البلي هو اللي بوظها ولازم رمان بلي اصلي عشان الاصلي فيه مجال مغناطيسي وده بيخلي الحساس يشتغل اما غير الاصلي فهو غير ممغنط ومش هيشغل الحساس طلعت علي العالمية خت منه رمان بلي علي ٤٥٠ جندي الحمد لله اول ماتركبو اللمضة طفت بس الفرحة ماتمتش العفشجي قالي العربية عايزة ٢ تيش ميزان ورا روحت علي ابو زيزو اشتريت منه ٢ الواحد علي ٢٠٠ جنيه ومنصحش حد يجيب حاجة من الرجل ده وهقول قدام ليييه كده الليلة كلفتني حوالي ١٢٠٠ جنيه ًقولت انزل الاسبوع اللي بعده الحرفيين عشان اعمل الطنابير وتكتمل الاحلام الحلوة والعرربية تبقي زي الفل .......... يتبع

[hugan]

متابع

[abdo7000]

متابع معاك
ربنا يقويك ويكفيك شرها
كمل وبعدين عملت اية تاني ؟؟؟

[أبومعاذ]

ونا كمان متابع و ربنا يعينك عليها

[medokassem]

اطف علي التاخير وهقول جزئ النهارده والبقية بكره انشاء طبعا لما خلصت اخر مشوار في الحرفين لازم ظبط زواية وترصيص وطبعا انا من النوع اللي بحب كل حاجة تبقي السليم والاصح واول مااشتريت العربية رحت عملت ضبط زوايا وترصي وبعد مشوار الحرفين عملت ضبط زوايا وترصيص والراجل بتاع الزوايا قالي العجلة اليمين مأخرة نص سنتي فافتكرت كلام سمارت كار عن المقص اليمين انه لازم يتغير يبقي دغوقتي عندي طنابير بايظة + مقص مقدور علييه رغم المصاااااريف اللي مش رحماني من ساعت ما جبت العربية ومش قادر اخد نفسي من المصاريف ما علينا اول ما استلمت العربية من بتاع الزوايا بعديها بكام يوم رايح اغير الطنابير روحت بالمرة اسأل علي قطع الغيار وقاعدة الموتور اللي عملتها عشان افهم الدنيا ماشية ازاي في الحرفيين سألت علي قاعدة الموتور لقيت الاصلية ب ٧٠٠ جنية والاستيراد منها ب ٤٠٠ جنيه اتصدمت وافتكرت المهندس بتاع اسمارت كارده عمل معايا الواجب فعلا ده خيطني في ٧٠٠ جنيه علي الاقل وياعيني انا اللي والدي بيدفع والراجل كتر خيره جاب عربية مش ذنب عليه تطلع عايزة مصاريف بعد مقولتله دي حلوة وحالتها ممتازة خلص فيها نرجع تاني لموضوعنا سألت علي الطنابير الاستيراد اتقالي من ٦٠٠ - ٧٠٠ بالتيل بتاعها طبعا الكل هيسأل طب ليه مخرتهاش اوفر لان الله يسامحه بتاع اسمارت كار قال دي مخروطة قبل كده قلت خلاص اخليني في الجديد اهو اخده بخيره كله طلعت علي ابو زيزو اداني طنابير رمسا ب والتيل بتاعها اللي هو الرمسا قالي خلصان بس فيه نوع ياباني جامد انما ايه كام ياعم الطنابير خد ٥٥٠ والتيل الجامد بتاعه خد ٣٠٠ روحت للورشه اللي قدامه عشان يركبها قاللي ياباشا البطاحات بايظة وممكن المساعد ينطر منك لازم بطاحات روحت عشان اجيب البطاحات لقيت الاصلية الواحدة ب ٣٠٠ والبلية ٣٥٠ يعني كله ١٣٠٠(الاصلي من عند العالمية) قولت لا روحت للعفشجي قولتله البلي اللي عندي سليم قالي بس لو احنا بنفك والبلية وقعت والبلي الصغير اللي فيها وقع هتضطر تشتري مكانها بلية جديدة قولتله ماشي بس حرص وانتا بتفك البطاحات قاللي روح لابو زيزو وهات من عندو بطاحات هتلاقي في نوع غير الاصلي روحت وجيبت ٢ بطاحة ب ٤٠٠ جنيه كانو تايواني او ماليزي المهم الواد الحمد لله ركبهم وموقعش البلي القديم ونيجي بقي علي التكلفة كلفتوني في ٢٥٠ جنيه اي والله ٢٥٠ قرد يعفرتوهم المفروض اسمها مدينة السفاحين وليس الحرفيين .............البقية غدا انشاء الله

[lanos2004]

حرام عليك قطعت قلبى

[Magdyahassan]

كفايه ارجوووووووووووووووك

[shouk_1987]

ربنا يعينك يا باشا و يقويك ,
بس عندى استفسار صغير :
انت ماكشفتش عليها قبل ما تشتريها ؟؟؟؟؟
( للعلم أنا ما قرتش كل المشاركات )
و ملقتش واحدة ماشية أقل من كده ساعتها ؟
أكيد كان فى ظروف معينة و قت الشراء

[Mzeid]

ربنا يعينك و يرزقك اللي احسن منها :)

انا مش ملاحق على الارقام :(

[matrix_it]

انا حاسس انك ظلمت نفسك

[WalidAdel]

عداد كتيييييييييييييييير اوي ياباشا علي العربيه و اكيد لازم هتلاقي فيها شغل كتير بس قدر الله و ماشاء فعل بقي
متابع معاك اهو بناخد خبره بردوا

[fahmy]

فعلان عداد كتير جدااااا بس معلشى ربنا معاك

[medokassem]

متشكر جدا علي الردود
علي فكرة اللي يشوف العربية من بره يفتكرها موديل ٢٠٠٨+ وميدهاش ماشية اكتر من ١٠٠٠٠٠ كيلو وماشاء الله فبريكة بره وجوه واللي خلاني اشتريها ان مكنتها ماشاء الله فايقة وحالتها ٩٠٪ فبالتالي كان اهم حاجة عندي المكنه

[medokassem]

وعل فكرة ليا واحد صاحبي اجر مازدا ٣ كانت عامله ٦٥٠ الف كيلو بمكنه ابوها وده بيثبت ان المكن اليباني محتررررر ما علينا نرجع بقي لموضوعنا
طبعا بعد اخر مشوار للحرفين لازم ضبط زوايا وترصيص عملتهم استلمت العربية من هناك وانا سايق حاسس ان في رجة في جسم العربية رجعت للراجل قولتله ان ظبط الزوايا متعملش حلو قاليازاي وطلع جرب معايا العربية طلع لما بدوس بنزين بس بيحصل رجة في جسم العربية ولما اديها غيار ال n وانا ماشي الرجة ترووح الراجل قالي ياباشا ده الكبالن الداخلية بايشة قولت عليا وعلي الحرفيين روحت هناك واتفرج علي مسخرة الاسعار الجديد الاصلي طرف واحد بس (الكوبلن الداخلي + الخارجي ) ب ٣٢٠٠ ومفيش داخلي لوحده بس يعني انا عايز ٦٤٠٠ من غير مصنعية عشان اصلح كوبلن قلت لا عليا وعلي الاستيراد مسخرة بردو ليه اصلهم يقولك الداخلي مايتبعش لوحدو بس الخارجي بيتباع لوحدو سبحان الله يعني لما اشتري كوبلن خارجي بس يا اما بياكلو الداخلي بتاعو يا اما بيطلعو لحد معرفة بس اي والله لازم واسطة هناك حتي في قطع الغيار عايزين واسطة حاجة بؤس المهم عرفت ان اسعار الاستيراد ١٣٠٠-١٧٠٠ للجنب الواحد (داخلي + خارجي) بعد ما جالي احباط صاحب المركز (مركز عمر امام ابو زيزو) بعتهم لواحد في ضهرو بتاع كبالن الهمه خلص الحدوته والراجل رحت عشان استلم منه الكبالن قالي الكبالن سليمة بس انا غيرت صليبة كوبلن كام يا سيدي حسابك قالي ٢٠٠ جنيه (فينك من زمان يا راجل )قلت اروح وانا معايا فلوس لا طبعا مينفعش نعمل للعربية سيرفو جبت سير مجموعة من ابو زيزو وجبت فلتر هوا وفلتر بنزين وبوجيهات وفلتر تكييف الهم ركبنا كله جينا عند فلتر البنزين مش موجود مكان ليه عندي (المفروض مكانه ورا الباب الايمن من عند العجلة الخلفية يمين من تحت ) طب ازاي العربية ملهاش مكان للفلتر قالك يا باش يبقي العربي مغيرة تانك بتنك استيراد الفلتر بيبقي في قلبه قلت امري لله ا هبقي اجي يوم احل التنك وانضفه في الحرفيين قولت بقي بالمرة ننضف الرشاشات بتاعت العربية خلصت والمركز خد ٢٠٠ رغم انه معندوش الات ولا حاجة والرشاشات نضفناها بعلبة كده بانش واما خلصت كانت الساعة ٦ المغرب قلت لازم بالمرة انضف الفوانيس الامامية عشان كانت متربة وكان فيها رنجات روحت عند واحد اسمه الشيخ وقلتله انا علي سفر وانجزني وهو ساب اللي في ايده وفك الفوانيس ورما عليهم هوا سخن وفك وش الانوس ولمعه من جوه ومن بره قعديقشر فيه ويكحت فيه ويحط مادة زي الكريم كده وعلي ماخلص كانت الساعة ١٠ بليل وخد ١٥٠ جندي بحالهم وعلي ماجيت ادور العربية شميت ريحة بنزين قولت ممكن من تنضيف الرشاشات بس ده فات كذا ساعة معقولة لسه الريحة موجودة قولت اوطي ابص فوجئت ان تحت العربية بركة بنزين والعربية بتنقط بنزين .......... يتبع