اشتريت مازدا 323 هاتش باك موديل 81

[uhlphp]

اشتريت مازدا 323 هاتش باك موديل 81 بسعر 23500
فبريكة دواخل - موتور 1500 – السيارة تم الكشف على الشاسية والموتور والعفشة واغلب الأجزاء ووجد أنها فى حالة جيدة ارجو تقييم السعر .
وأرجو معرفة هل هناك أشياء يجب أن اعملها قبل الاستعمال لان هناك بعض الأصدقاء نصحو بتغيير طقم الكهربا والزيت وفلتر الزيت والبنزين والهواء وخلافة .
أرجو النصيحة لانى لسه مبتدأ في السيارات ولكم جزيل الشكر .

[Ahmad Allawy]

الكلام اللي اتقالك صحيح..
غير كل السيور و الفلاتر و الزيوت و التيل و طقم الكهربا..
و يفضل سير الكاتينة كمان.. عشان تبقي مريح دماغك.. و تحسب هتغير ايه كل قد ايه..
لو عايز واحد جامد قوي متخصص ف العربية دي بس..
في واحد في القلعة اسمه نبيل لو حبيت قولي اوصفلك مكانه بالظبط..

[ENG\AHMED]

سير الكاتينة جنزير
والميكانيكى اللى بيقول علية احمد متخصص مازدا الموديل دة بالتحديد وشغال فيها من اول لما الجيش كان منزلها زيرو وعامللها توكيل

[uhlphp]

الاستاذ احمد متشكر جداً لحضرتك
وكنت اريد ان اعرف اسعار كل هذه التغيرات عشان اعمل حسابى لانى لسه شارى وكل اللى معايا راح فى الشراء والتسجيل فارجو التكرم بمعرفة اسعار قطع الغيار ومصنعية تركيبها كما ارجو الراى فى سعر السيارة هل هو مناسب ام اعلى .
ولك ولكل من يساهم فى المساعدة بالمشورة جزيل الشكر .

[Ahmad Allawy]

سير الكاتينة جنزير
والميكانيكى اللى بيقول علية احمد متخصص مازدا الموديل دة بالتحديد وشغال فيها من اول لما الجيش كان منزلها زيرو وعامللها توكيل

حماده..
انا مش عارف تفاصيلها بصراحة..
بس ده العادي يعني.. كل انواع السيور بتتغير.. و تتوضب العربية عشان الواحد يتابع علي نضافة..
و كويس انك عارفه.. انا عرفت انه مشهور جدا..

[ENG\AHMED]

فى واحد فى شارع دمشق اسمة سمير عبد الرحيم ممكن تسأل على الاسعار لأن دة هيديك السعر المظبوط ولية محل فى الحرفيين

[Ahmad Allawy]

الاستاذ احمد متشكر جداً لحضرتك
وكنت اريد ان اعرف اسعار كل هذه التغيرات عشان اعمل حسابى لانى لسه شارى وكل اللى معايا راح فى الشراء والتسجيل فارجو التكرم بمعرفة اسعار قطع الغيار ومصنعية تركيبها كما ارجو الراى فى سعر السيارة هل هو مناسب ام اعلى .
ولك ولكل من يساهم فى المساعدة بالمشورة جزيل الشكر .

اولا.. بالنسبة لسعر العربية..
هو يعتبر كويس.. عشان السيدان ممكن توصل لحد 30 الف..
يبقي ده كويسة.. ربتنا يباركلك فيها ان شاء الله..
و الموتور ال1500 كويس جدا.. و بيبقي مجهز لتركيب التكييف..
و التكييف بتاعهها ساندن ياباني بيتكلف حوالي 3500 او اقل شوية..
و الزراير بتاعته الاصلية موجودة و كل حاجة.. متقلقش منها خالص..
قطع الغيار تعتبر رخيصة مش غالية خالص..
انا مش عارف اسعار بالظبط.. عشانا نا مش معايا العربية دي..
دي عربية ابو واحد صاحبي جايبها زيرو 82 و ما شاء الله زي الفل..
فبريكة برة لحد النهاردة.. ما عدا بعض الاجزاء طبعا.. و كل شغلها عنده..
حتي لما الموتور تعب و غيره جاب استيراد من طرفه برضه ظبطه فيه..
وهو هيقولك تشتري الحاجات منين.. متشغلش بالك يعني ان شاء الله..

[ENG\AHMED]

حماده..
انا مش عارف تفاصيلها بصراحة..
بس ده العادي يعني.. كل انواع السيور بتتغير.. و تتوضب العربية عشان الواحد يتابع علي نضافة..
و كويس انك عارفه.. انا عرفت انه مشهور جدا..

بالنسبة للجنزير مش بيتغير غير لو فية مشكلة غير كدة الفلاتر والزيوت والمية وطقم الكهربا والكلام دة بيتغير صح

[uhlphp]

انا متشكر جداً للنصيحة
انا غيرت الحاجات اللى اتكلمنا عليها والان باسمع صوت يشبة الاحتكاك فى جزاء يدور عندما سئالت الميكانيكى قال انها الكبالن الداخلية سائلته ما هى الكبالن الداخلية قال انها موجودة داخل الفتيس فهل هذا الكلام صحيح واذا اردت التصليح تتكلف كام .
هناك ايضا حساس الحرارة يتحرك مسافة بسيطة حتى انة لا يصل الى اول شرطة وعندما سئالت قالو انة يعمل ولكن اليابانى لا يسخن بسرعة وهو كان سحب الجزاء ده وسخنة بولاعة فارتفع مسافة فارجو معرفة هلى هناك مشكلة فى حساس الحرارة حتى لا يودى لسخونة خطيرة على الموتور .
وارجو اذا كان هناك بعض الاشياء التى يجب ان اعملها او اراجع عليها ان يذكرها لى احد لانى لسة جديد ولسة بتعلم القيادة .
واعتذر على الاطالة ولكن ليس لى غير اساتذة المنتدى نسئالهم والف شكر .

[ENG\AHMED]

انا متشكر جداً للنصيحة
انا غيرت الحاجات اللى اتكلمنا عليها والان باسمع صوت يشبة الاحتكاك فى جزاء يدور عندما سئالت الميكانيكى قال انها الكبالن الداخلية سائلته ما هى الكبالن الداخلية قال انها موجودة داخل الفتيس فهل هذا الكلام صحيح واذا اردت التصليح تتكلف كام .
هناك ايضا حساس الحرارة يتحرك مسافة بسيطة حتى انة لا يصل الى اول شرطة وعندما سئالت قالو انة يعمل ولكن اليابانى لا يسخن بسرعة وهو كان سحب الجزاء ده وسخنة بولاعة فارتفع مسافة فارجو معرفة هلى هناك مشكلة فى حساس الحرارة حتى لا يودى لسخونة خطيرة على الموتور .
وارجو اذا كان هناك بعض الاشياء التى يجب ان اعملها او اراجع عليها ان يذكرها لى احد لانى لسة جديد ولسة بتعلم القيادة .
واعتذر على الاطالة ولكن ليس لى غير اساتذة المنتدى نسئالهم والف شكر .

مفيش حاجة اسمها كبالن داخل الفتيس ياما انت فهمت غلط يالميكانيكى بيستعبط

نصيحة جرب نبيل احسن , فاهم العربية ومش غالى واهم من كدة امين

[mohamed2002]

الف مبروك ,ربنا يديك خيرها ويكفيك شرها
المفروض ماتورها 1300c
4 غيار
السعر معقول

[hazem_khidr]

الف الف مبروك
ربنا يديك خيرها و يحميك من شرها
اختيار موفق و عربيه حلوه فعلا

[Ahmad Allawy]

الف مبروك ,ربنا يديك خيرها ويكفيك شرها
المفروض ماتورها 1300c
4 غيار
السعر معقول

بس هي العربية بتنزل برة بمواتير تانية.. و اوقات كانت بتنزل مصر كده كمان..
بس الدفعة اللي نزلت و اللي كانا لجيش هو اللي جايبها كانت كلها 1300.. 4 غيار فعلا..
لكن المواتير بالفتيس ال1500 5 غيار و مجهزة تكييف..
ومتوفرة و تعمل حوالي 3.5 لحد 4 الاف.. و ما شاء الله مواتير كويسة جدا..
واحد صاحبي عمل بالموتور الاصلي بتاعها حوالي 400 الف كم من غير ما يتفتح..
ولما بدأ يتعب و يبخر زيت.. غيره و جاب واحد استيراد..

[markoky]

مع احترامي الشديد الي الأخ NoNaMe
طبعا في كبالن موصلة من الفتيس و بعد كدة البارة او الأكس و بعد كدة الكبالن العدية و العجلة

المكانيكي بتاعك كان دة قصدة
الكبالن الي ركبة في الفتيس مع اكسات العجل
و دي بتتفك و تتغسل كويس و لو في كوتشة مقطوعة غيرها و بعد كدة تتركب و تيقي زي الفل

[ENG\AHMED]

مع احترامي الشديد الي الأخ NoNaMe
طبعا في كبالن موصلة من الفتيس و بعد كدة البارة او الأكس و بعد كدة الكبالن العدية و العجلة

المكانيكي بتاعك كان دة قصدة
الكبالن الي ركبة في الفتيس مع اكسات العجل
و دي بتتفك و تتغسل كويس و لو في كوتشة مقطوعة غيرها و بعد كدة تتركب و تيقي زي الفل

انت بتقول "كبالن موصلة من الفتيس" يعنى مش داخل الفتيس زى ماصاحب الموضوع بيقول
الكوبلن او ال coupling المقصود منة ربط وصلتين ببعض لنقل الحركة فى منة انواع ثابتة يعنى بتنقل الحركة بس وفى انواع متحركة تنقل الحركة الدورانية وفى نفس الوقت تسمح بالحركة فوق وتحت والدوران زى اللى فى العربية
اللى انت تقصدة الكوبلن الداخلى لأن الكوبلن بيبقى عبارة عن وصلتين وصلة داخلية علشان تسمح بالحركة فوق وتحت مع المقص وكوبلن خارجى علشان دوران العجلة
الكوبلن ملهوش دعوة ببارات الدريكسيون البارات والحاجات دى بيتبقى راكبة على علبة الدريكسيون انما الكوبلن بيبقى واصل من الفتيس للعجلة مباشرة