سؤال للمزداويه

[mohamed456]

سؤال حد جرب يحط بنزين 95 فى المازدا 2010 او 2011 او حتى الشكل القديم ولاقى فيه العربيه احسن فى السحب و احسن فى استهلاك العربيه
عشان كان فى موضوع فى قسم البيجو بيقول انه حط 95 لاقى فى سحب اكتر و استهلاك اقل

[Frozen_Pain]

انا جربته مرة
العربية كانت طياااااارة

[medokassem]

سؤال حد جرب يحط بنزين 95 فى المازدا 2010 او 2011 او حتى الشكل القديم ولاقى فيه العربيه احسن فى السحب و احسن فى استهلاك العربيه
عشان كان فى موضوع فى قسم البيجو بيقول انه حط 95 لاقى فى سحب اكتر و استهلاك اقل

انا معايا الشكل القديم وحطيتلها من نغسها مره البنزين مكملش معايا بيطير اسرع من ال٩٢ بمراحل وعلي فكرة عربيتي خليجي يعني المفروض يتحطلها ٩٥ بس
وحاجة ملاحظها انا بعرف ان البنزيمة اللي قدامي وحشة ولا حلوة عن طريق البنزين استهلاكه لو استهلك بسرعة عن الطبيعي بعرف انه نضيف والعكس صحيح
هنعمل ايه بقي في البلد دي ^__^

[Thebutcherr]

البنزين بيتحرق بسرعة و فرق السحب مش التنين يعنى

[romar]

قعدت فترة أحط بنزين 95... صوت الموتور كان أنعم شوية بسيطة.. والاستهلاك كان أفضل بمعدل بسيط جدا...

المقالة دي بتنصح بعدم استخدام البنزين الـ Premium في السيارات المصصمة على استخدام البنزين الـ Regular زى المازدا.. لأن العائد من وجهة نظر المقالة لا يستحق فرق السعر، مع العلم بأن فارق السعر بين نوعي البنزين في أمريكا لا يزيد عن خمسة سنتات للتر (بنسبة زيادة 5%)... أما عندنا، فنسبة الزيادة 49%، يعني تقريبا شبه مستحيل إن التوفير في البنزين أو الزيادة في السحب إن وجدتا يمكن أن يعوضا هذا الفارق الرهيب في السعر... مع إهمال طبعا الجانب النفسي من المعادلة

Fact or Fiction?: Premium Gasoline Delivers Premium Benefits to Your Car: Scientific American

[mohamed456]

شكرا يا شباب على كده بقى الموضوع مش فارق 92 عن 95 و ممكن يرجع ب نظافه محطات البنزين و عدم الغش
انا شايف ان بنزين وطنيه و الامارات هما الحلوين ال فى سوق انتوا يا جماعه شايفين ايه ؟؟؟؟؟؟؟؟؟؟؟؟؟؟

[mohamed456]

قعدت فترة أحط بنزين 95... صوت الموتور كان أنعم شوية بسيطة.. والاستهلاك كان أفضل بمعدل بسيط جدا...

المقالة دي بتنصح بعدم استخدام البنزين الـ premium في السيارات المصصمة على استخدام البنزين الـ regular زى المازدا.. لأن العائد من وجهة نظر المقالة لا يستحق فرق السعر، مع العلم بأن فارق السعر بين نوعي البنزين في أمريكا لا يزيد عن خمسة سنتات للتر (بنسبة زيادة 5%)... أما عندنا، فنسبة الزيادة 49%، يعني تقريبا شبه مستحيل إن التوفير في البنزين أو الزيادة في السحب إن وجدتا يمكن أن يعوضا هذا الفارق الرهيب في السعر... مع إهمال طبعا الجانب النفسي من المعادلة

fact or fiction?: Premium gasoline delivers premium benefits to your car: Scientific american

شكرا يا باشا نورت المحكمه :)

[Frozen_Pain]

على فكرة والتعاون من احسن البنزينات من حيث جودة البنزين

[mando_07]

جربت اهه و كان في فرق في السحب مش جامد بس ملحوظ بس معدل استهلاكه أسرع من ال-92
وبالنسبة للمحطات كل محطة مستقلة بنفسها و بمديرها يعني مش شرط أن كل محطات التعاون تبقى كويسة و لا كل موبيل تبقى كويسة

[romar]

بالنسبة بأة لمحطات البنزين... حقول لك على تجربتي... بعد ما ربنا أنعم علي بالعربية المازدا السنة اللي فاتت، وبما إن فيها مؤشر لحساب متوسط استهلاك البنزين (عدد لترات لكل 100 كيلومتر)، ابتديت أعمل اختبار أمانة لكل بنزينة بمون منها بعمل الآتي:
1. أروح أفول بنزين في المحطة عند أول فصلة
2. قبل ما أتحرك من المحطة أصفر عداد الكيلو وعداد متوسط استهلاك البنزين
3. أستخدم العربية لغاية ما أبقى عايز أمون تاني
4. لما آجي أمون تاني أضرب متوسط الاستهلاك (مثلا 15 لتر لكل 100 كيلو) بـ عداد الكيلو (مثلا 280 كيلو) وأقسم على 100.... الرقم اللي طالع ده هو عدد اللترات اللي المفروض العربية تاخدهم (لغاية أول فصلة برضه)...
5. أفول لغاية أول فصلة
6. أقارن الرقم اللي حسبته بعدد لترات البنزين اللي مونتها في محطة البنزين.
7. إذا الرقم بتاعي طلع أقل كتير من رقم محطة البنزين أعرف إن دول حرامية وممونش عندهم تاني.

بناءا على تجربة.. اكتشفت إن توتال أحسن محطة على الإطلاق (بالمقارنة بموبيل ووطنية وكالتكس)... مجربتش التعاون ولا شل بصراحة فمش عارف إيه نظامهم... موبيل بالذات مشكلتهم إنهم شغالين بنظام الفرانشايز والكنترول على المحطات ضعيف جدا.. فكل محطة بتعمل اللي هي عايزاه بمزاجها... وطنية برضه كويسين وعدادهم سليم بنسبة 97% بس بصراحة أنا واخد منهم موقف سياسي ومقاطعهم عشان مقتنع إن مشاركة الجيش في الاقتصاد تدمر التنافس وتكافؤ الفرص... يعني إيه ذنب واحد فاتح محطة بنزين دفع ملايين في الأرض وفي الرخصة وفي مرتبات العاملين بالمحطة، وبعدين ييجي الجيش في غمضة عين يفتح محطة بنزين على أرض ببلاش ومن غير ما يدفع تمن رخص ويشغل فيها مجندين؟

[mohamed456]

بالنسبة بأة لمحطات البنزين... حقول لك على تجربتي... بعد ما ربنا أنعم علي بالعربية المازدا السنة اللي فاتت، وبما إن فيها مؤشر لحساب متوسط استهلاك البنزين (عدد لترات لكل 100 كيلومتر)، ابتديت أعمل اختبار أمانة لكل بنزينة بمون منها بعمل الآتي:
1. أروح أفول بنزين في المحطة عند أول فصلة
2. قبل ما أتحرك من المحطة أصفر عداد الكيلو وعداد متوسط استهلاك البنزين
3. أستخدم العربية لغاية ما أبقى عايز أمون تاني
4. لما آجي أمون تاني أضرب متوسط الاستهلاك (مثلا 15 لتر لكل 100 كيلو) بـ عداد الكيلو (مثلا 280 كيلو) وأقسم على 100.... الرقم اللي طالع ده هو عدد اللترات اللي المفروض العربية تاخدهم (لغاية أول فصلة برضه)...
5. أفول لغاية أول فصلة
6. أقارن الرقم اللي حسبته بعدد لترات البنزين اللي مونتها في محطة البنزين.
7. إذا الرقم بتاعي طلع أقل كتير من رقم محطة البنزين أعرف إن دول حرامية وممونش عندهم تاني.

بناءا على تجربة.. اكتشفت إن توتال أحسن محطة على الإطلاق (بالمقارنة بموبيل ووطنية وكالتكس)... مجربتش التعاون ولا شل بصراحة فمش عارف إيه نظامهم... موبيل بالذات مشكلتهم إنهم شغالين بنظام الفرانشايز والكنترول على المحطات ضعيف جدا.. فكل محطة بتعمل اللي هي عايزاه بمزاجها... وطنية برضه كويسين وعدادهم سليم بنسبة 97% بس بصراحة أنا واخد منهم موقف سياسي ومقاطعهم عشان مقتنع إن مشاركة الجيش في الاقتصاد تدمر التنافس وتكافؤ الفرص... يعني إيه ذنب واحد فاتح محطة بنزين دفع ملايين في الأرض وفي الرخصة وفي مرتبات العاملين بالمحطة، وبعدين ييجي الجيش في غمضة عين يفتح محطة بنزين على أرض ببلاش ومن غير ما يدفع تمن رخص ويشغل فيها مجندين؟

باشا انتا معاك مازدا الجديده ولا القديمه ؟
اصل انا عندى مازدا هاى لين2010 فيها كمبيوتر المهم انا عندى بيكتب معدل الاستهلاك لكل 100 كم هو 11.00 عايز بقا اتأكد ان ال بيكتبوا الكمبيوتر دا صحيح و لا غلط و معلش حكتب لك مثلا بالارقام عشان عايز ااكد معاك
ال انا فهموا ان مثلا قراءه العداد عامل 280 كم بعد انتهاء التفويل الاول
كميه بنزين /للتر 38 لتر التفول الثانى
280/38=7.37 معدل الاستهلاك
انتا بقا بتقارن معدل الاستهلاك المحسوب مع معدل الاستهلاك الكمبيوتر وعلى اساسه بتقول ان محطه البنزين كويسه ولا لا كدا صح

[romar]

باشا انتا معاك مازدا الجديده ولا القديمه ؟
اصل انا عندى مازدا هاى لين2010 فيها كمبيوتر المهم انا عندى بيكتب معدل الاستهلاك لكل 100 كم هو 11.00 عايز بقا اتأكد ان ال بيكتبوا الكمبيوتر دا صحيح و لا غلط و معلش حكتب لك مثلا بالارقام عشان عايز ااكد معاك
ال انا فهموا ان مثلا قراءه العداد عامل 280 كم بعد انتهاء التفويل الاول
كميه بنزين /للتر 38 لتر التفول الثانى
280/38=7.37 معدل الاستهلاك
انتا بقا بتقارن معدل الاستهلاك المحسوب مع معدل الاستهلاك الكمبيوتر وعلى اساسه بتقول ان محطه البنزين كويسه ولا لا كدا صح

أنا معايا 2011 هاي لاين يا باشا.... هي هي نفس الشاشة.

أيوة أنا بقارن معدل الاستهلاك اللي العربية بتقوله مع معدل الاستهلاك اللي ممكن تحسبه لما تمون.. خلي بالك بس من وحدة القياس عشان تقارن الأرقام صح... العربية بتقيس عدد لترات مستهلكة لكل 100 كيلومتر.. يبقى عشان تقارن الرقم ده (اللي هو 11 في المثال بتاعك) مع معدل الاستهلاك اللي انت بتحسبه لما بتمون محتاج تقسم عدد اللترات اللي انت مونتها على عدد الكيلومترات اللي انت مشيتها وبعدين تضرب الرقم اللي حيطلع لك في 100 (عشان نوصل لنفس وحدة القياس اللي العربية بتطلعها)... في حالة المثال بتاعك الأرقام حتكون كدة:

38 ÷ 280 = 0.1357
وبعدين 0.1357 × 100 = 13.57 .... هو ده الرقم اللي تقارنه بالرقم اللي طالع ع الشاشة (اللي هو 11)

لو حساباتك مظبوطة (حقول لك تظبطها إزاي تحت) يبقى ده معناه إن البنزينة اللي انت بتمون منها بتسرق في البنزين... لأن الاستهلاك اللي حسبناه فوق بناءا على كمية البنزين اللي بتمونها فعليا أكبر بكتير من الاستهلاك اللي العربية حسبته (ده 13.57 وده 11)

بس الصراحة الفرق جامد قوي... صعب البنزينة تبقى تسرق كل ده.. لازم تتأكد من اللي جاي الأول....
1. إنك بتصفر شاشة متوسط الاستهلاك وعداد الكيلو عند التفويلة الأولى.. ما تنساش تصفر شاشة الاستهلاك مش عداد الكيلو بس.
2. إنك تعمل الحسابات دي كلها عند التفويلة الثانية باستخدام التلات أرقام اللي حيبقوا معاك ساعتها: متوسط الاستهلاك اللي العربية حسبته من ساعة ما صفرت شاشة الاستهلاك في التفويلة اللي فاتت، المسافة اللي انت مشيتها من ساعة ما صفرت عداد الكيلومتر في التفويلة اللي فاتت، كمية البنزين اللي انت فولتها في التفويلة التانية....... تاخد التلات أرقاد دول يا معلم وتحسب الحسبة اللي فوق (كمية البنزين اللي فولتها تقسمها على المسافة اللي مشيتها وبعدين تضرب الناتج في 100.... وبعدين تقارن الرقم اللي طلع بالرقم اللي الشاشة مطلعاه)

جرب كدة وقل لي... ونحسبها تاني إذا حبيت

[mohamed456]

تمام يا باشا و ان شاء الله حمون النهاردا و ح ججرب و اقولك
قولى انتا عربيتك لونها ايه و ساكن فين
انا ساكن فى مصر الجديده
ولون عربيتى سيلفر وعندى حاجه عماله لي صداع فى مخى
اولا العربيه ناقصه لها سيسونر باركنج
ثانيا عندى خدوش بالهبل فى الاكصدام ( كاعاده كل اكصدمات البلد بتلاقيها بتقشر و يبان لون اسود )
هل انتا جبت سنسور و لا ايه ؟
و اعمل ايه فى الخدوش

[romar]

تمام يا باشا و ان شاء الله حمون النهاردا و ح ججرب و اقولك
قولى انتا عربيتك لونها ايه و ساكن فين
انا ساكن فى مصر الجديده
ولون عربيتى سيلفر وعندى حاجه عماله لي صداع فى مخى
اولا العربيه ناقصه لها سيسونر باركنج
ثانيا عندى خدوش بالهبل فى الاكصدام ( كاعاده كل اكصدمات البلد بتلاقيها بتقشر و يبان لون اسود )
هل انتا جبت سنسور و لا ايه ؟
و اعمل ايه فى الخدوش

أنا في مدينة نصر... معايا اللون الرمادي (الفيراني)...
عايز الحق هي العربية ناقصها باركنج سنسور وبلوتوث كار كيت وجي بي إس ومفتاح بصمة... غير كدة بقية الحاجات ممكن التغاضى عنها.. يعني مثلا أنا متواضع ومش مصمم إن الكراسي يكون فيها تدفئة.

بص يا باشا أنا سمعت مرة حكمة بتقول إن العربية في مصر بتتقسم جزئين... الجزء الأول هو الصالون الداخلي.. وده بيكون بتاع صاحب العربية وملكه... الجزء التاني بأة اللي هو البادي الخارجي دة لازم تكون عارف إنه ملكية عامة للشعب المصري... ههههه.... يعني عادي مثلا إن واحد من أفراد الشعب يمسك مسمار وينزل يرسم لك على عربيتك شوية رسوم فنية سيريالية.. وعادي إن شوية شباب يقعدوا على شنطة عربيتك ويمسحوا جزمهم في الاكصدام بتاعك... حتى دة لو حيطبق الشنطة أو يعمل خدوش في الاكصدام ... طول ما هو ما دخلش جوة عربيتك متقدرش تكلمه.. ده حقه اللي بيكفله ليه الدستور المصري :)

الصراحة أنا كنت كل شوية بجيب البوليش ماركة Sonax وأدهن العربية بس خلاص أنا فعلا فقدت الأمل في إني أركب عربية مافيهاش خدش من برة... وللأسف فيه خدوش كتير البوليش مش بيعملها حاجة

[mohamed456]

أنا في مدينة نصر... معايا اللون الرمادي (الفيراني)...
عايز الحق هي العربية ناقصها باركنج سنسور وبلوتوث كار كيت وجي بي إس ومفتاح بصمة... غير كدة بقية الحاجات ممكن التغاضى عنها.. يعني مثلا أنا متواضع ومش مصمم إن الكراسي يكون فيها تدفئة.

بص يا باشا أنا سمعت مرة حكمة بتقول إن العربية في مصر بتتقسم جزئين... الجزء الأول هو الصالون الداخلي.. وده بيكون بتاع صاحب العربية وملكه... الجزء التاني بأة اللي هو البادي الخارجي دة لازم تكون عارف إنه ملكية عامة للشعب المصري... ههههه.... يعني عادي مثلا إن واحد من أفراد الشعب يمسك مسمار وينزل يرسم لك على عربيتك شوية رسوم فنية سيريالية.. وعادي إن شوية شباب يقعدوا على شنطة عربيتك ويمسحوا جزمهم في الاكصدام بتاعك... حتى دة لو حيطبق الشنطة أو يعمل خدوش في الاكصدام ... طول ما هو ما دخلش جوة عربيتك متقدرش تكلمه.. ده حقه اللي بيكفله ليه الدستور المصري :)

الصراحة أنا كنت كل شوية بجيب البوليش ماركة sonax وأدهن العربية بس خلاص أنا فعلا فقدت الأمل في إني أركب عربية مافيهاش خدش من برة... وللأسف فيه خدوش كتير البوليش مش بيعملها حاجة

ههههههههههههههههههههههه
تمام يا باشا كلامك مضبوط
بالنسبه للبنزين بقا
انا العداد عمل عندى 369.1 كم و 40.01 لتر بنزين
40.01/369.1*100= 11
نفس ال مكتوب عندى فى الكمبيوتر و متشكرين يا زعيم
اه صح بالنسبه للكمبويتر انا حصلت عندى حاجه غريبه جدا لما بركن العربيه فى الشمس لمده طويله فى الحر كان عندى الشاشه بتتأثر عامل ذى كدا لما تكون دايس بيدك جامد على الشاشه ( تعمل بقعه غامقه ) بس بعد كدا بتروح بعد شويه ......... كلمت رزق هناك قالى طبعا مستحيل و مينفعش و عاش فى قصه وقالى هيا لو باظت مكنتش اشتغلت معاك تانى و بيقولى عادى الموضوع نورمال جدا المهم عندك اخدت بالك فى الموضوع دا ................ و كمان صوت احتكاك الكوتش فى بعض الطرق مزعج شويه لان انا بحب ساعات امشى من غير كاست عشان اسمع الاصوات بس بصراحه صوت المتور تحفه و كمان النقل متحسش بيها
و عايز اشترى سنسور ويرليس و يسلام يتظبط على شاشه الكمبيوتر طبعا انا عارف ال اناال بقوله دا فى الاحلام !!!!!!!!!!!!!!!!!!!!!!!