عفشة المازدا 3

[wowohero]

ازيكوا يا جماعة
انا قررت ان شاء الله اغير شوية حاجات فى العفشة زى جوز مساعدين امامى ومقصين يمين وشمال
وزى ما عرفت من هنا فى المنتدى ان حاجة الفورد بتمشى على المازدا 3
وسالت على المساعدين قالى سعرهم 800 وهما نوع kyp اسبانى
والمقص قالى 350 تركى و 650 اسبانى
السؤال هنا بأه
هو النوع الاسبانى ده كويس ولا لأ
والاسعار كده معقولة ولا ايه الاخبار علشان دى اول مرة اسال على حاجة عفشة للعربية
وفى الاخر السلام ختام

[alnmr79]

لو عفشة الفورد هتكون بتاعة فورد فوكاس وانا كتجربة للفوكاس عفشتها ملهاش مثيل فى اى عربية 1600 سى سى

[haissam24h]

اعتقد ان المساعدين الكى وى بى اصلى يبانى من اسبانى ولا تايلادنى

وحاول تجيب حاجه عربيتك ومش تركب بديل

[wowohero]

اعتقد ان المساعدين الكى وى بى اصلى يبانى من اسبانى ولا تايلادنى

وحاول تجيب حاجه عربيتك ومش تركب بديل

انا مكنش قصدى اجيب بديل عن الحاجة الاصلية بس اللى عرفته من المنتدى هنا ان حاجة الفورد هى نفس حاجة المازدا الاصلية بالنسبة للعفشة وعلشان كده انا سالت السؤال ده
ثانيا انا ساكن فى الهرم ومفيش اى حد جنبى بيبيع حاجة مازدا كلهم ناحية مصر الجديدة والحرفيين

[حماده المصري]

انا مكنش قصدى اجيب بديل عن الحاجة الاصلية بس اللى عرفته من المنتدى هنا ان حاجة الفورد هى نفس حاجة المازدا الاصلية بالنسبة للعفشة وعلشان كده انا سالت السؤال ده
ثانيا انا ساكن فى الهرم ومفيش اى حد جنبى بيبيع حاجة مازدا كلهم ناحية مصر الجديدة والحرفيين

ده حقيقي

وهو اساسا معلاش مازدا في الثبات غير عفشه وشاسيه وفرامل فورد وتقريبا الفتيس هو هو تقريبا

والمتور طبعا مختلف

[dr2dead2]

tesda2 w te2amen bellah enena ta2reban nafs el makna kaman :D ma3 e5telafat baseta :D

[gigomiko]

سوآل مهم طيب ، هل كبالن المازدا ٣ المانويل هي نفس كبالن الفوكس المانويل ؟؟

[pioneerahmed]

خليك في الكية واي بي احسن من الاصلي و الفورد و انعم منهم و هما صناعة اسباني علي فكرة اما الكبالن فهي مختلفة عن الفورد

[cheivo]

ارجو المشاركه عن مازدا 2007 ومازدا 2008

أريد شراء سياره مازدا 3 2007او 2008