هيييييه غيرت الكبالن

[medokassem]

رحت واسطة ياجدعان لاول مرة واسطة جوة الحرفيين جابولي كبالن كاملة داخلي وخارجي الطرفين جديدة ويباني ومحفور عليها البارت نامبر كمان علي ٢٦٠٠ بس الحلو ميكملش العربية عايزة تيش امامي وطنابير واحتمال بارة دركسيون داخلي وبيقولي ممكن الفتيس تكون فيه سنه بوشه s: مش في الفتيس نفسه لا في حته بيسموها ناقر ونقير في الفتيس يعني لما تيجي تحود الدركسيون في ترس في الفتيس بيتحرك لجوة والتاني لبره وبيسمع صوت طقطقة في الملفات (حتي بعد مركبت الكبالن الجديدة) ادعولي انها تكون تيش امامي عشان كده بالنهارده انا صرفت ١٦ باكو مش لازم يقفلو العشرين قولو معايا يارب العربية تقفل بقها
واي استفسار انا في الخدمة

[windofchange]

واسطة ولا اسطي والف مبرررووووووك ")

[medokassem]

واسطة ولا اسطي والف مبرررووووووك ")

الله يبارك فيك عقبال عندكم ^__^
بس يارب ميتطلعليش حاجة تاني

[S O P H O S]

مبروك يا باشا ..

[MohammedAladel]

مبروك بس إيه اللى عمل كدا فى العربية سوء استعمال ؟؟

[WalidAdel]

مبروك ياباشا بس انا ليا سؤال معلش انت بتعمل الميكانيكا دي فين
علشان لو حد اتزنق في حاجه يبقي عارف الناس اللي بتكشف بذمه اوي دي و بيجيبوا قطع غيار باسعار كويسه يبقوا فين

[a7medsh3rawi]

يعنى ممكن صوت الطقطقه تكون فى تروس الفتيس مش فى الكبالن حتى بعد ما غيرت الكبالن لسه الصوت موجود.

[egyptiandiver]

مبروك

[medokassem]

الله يبارك فيكم كلكم

[medokassem]

مبروك بس إيه اللى عمل كدا فى العربية سوء استعمال ؟؟

ممكن من ده علي ده والعربية بردوا عجوزة سنه

[medokassem]

مبروك ياباشا بس انا ليا سؤال معلش انت بتعمل الميكانيكا دي فين
علشان لو حد اتزنق في حاجه يبقي عارف الناس اللي بتكشف بذمه اوي دي و بيجيبوا قطع غيار باسعار كويسه يبقوا فين

الكبالن دي الراجل اللي رحتله من طرف صاحبي وداني لمركز تبعه عند اول جسر السويس بعد كوبري الحرفيين عنده صنايعي شاطر وبالنسبة لقطع الغيار انا اول مرة اعرف ان العربية قطع غيارها رخيصة عشان رايخ واسطة ^__^ جابلي النهاردة طنابير تايواني جداد بكرتونتهم علي ٣٤٠ وتيل امريكي امامي علي ١٤٠ ! بس انا بتأيألي عشان رايح من طرف صاحبه يعني النهارده وانا قاعد في المحل واحد سأله علي كبالن المازدا٣ قاله ب ٣٤٠٠ ! يعني فرق ٨٠٠ جنيه
واي استفسار انا في الخدمة

[medokassem]

يعنى ممكن صوت الطقطقه تكون فى تروس الفتيس مش فى الكبالن حتى بعد ما غيرت الكبالن لسه الصوت موجود.

فعلا الكرونه اللي في قلب الفتيس طلع فيها بوشة بسبب الكبالن القديمة بوظتها تعرف حد بيصلح فتيس اوتو بس ممتاز انا سمعت ان في واحد في العباسية

[WalidAdel]

فعلا الكرونه اللي في قلب الفتيس طلع فيها بوشة بسبب الكبالن القديمة بوظتها تعرف حد بيصلح فتيس اوتو بس ممتاز انا سمعت ان في واحد في العباسية

بقولك ايه طيب المشكله بتاعة الفتيس دي كانت موجوده عند الميكانيكي بتاعي المهندس احمد بوله في عربيه مازدا بردوا و فك الفتيس و وداه عند واحد في شارع احمد عصمت في عين شمس شاطر اوي بس انا بصراحه ماشوفتش العربيه بعد التركيب
المهم بقي واحد صحبي معاه فورد مونديو 2000 سي سي راحله بردوا بسبب مشكله في الفتيس و المهندس احمد بعته للراجل اللي في احمد عصمت و عمل الفتيس بتاعه بسهوله و صحبي راجع بيشكر فيه اوي اوي اوي
انا بحكيلك القصه دي كلها ليه بقي علشان اوصلك ان الراجل اللي بيودي عنده المهندس احمد شاطر لو حابب تروحله يعملك الفتيس بتاعك
معلش طولة عليك بس وجب التوضيح

[levelpower]

مبروك ياميدو وان شاء العربيه تظبط و تبطل مصاريف

[medokassem]

بقولك ايه طيب المشكله بتاعة الفتيس دي كانت موجوده عند الميكانيكي بتاعي المهندس احمد بوله في عربيه مازدا بردوا و فك الفتيس و وداه عند واحد في شارع احمد عصمت في عين شمس شاطر اوي بس انا بصراحه ماشوفتش العربيه بعد التركيب
المهم بقي واحد صحبي معاه فورد مونديو 2000 سي سي راحله بردوا بسبب مشكله في الفتيس و المهندس احمد بعته للراجل اللي في احمد عصمت و عمل الفتيس بتاعه بسهوله و صحبي راجع بيشكر فيه اوي اوي اوي
انا بحكيلك القصه دي كلها ليه بقي علشان اوصلك ان الراجل اللي بيودي عنده المهندس احمد شاطر لو حابب تروحله يعملك الفتيس بتاعك
معلش طولة عليك بس وجب التوضيح

طب يا باشا متعرفني سكة الراجل ده عشان ناوي انشاء الله اعمله بعد العيد وياريت ياباشا تعرفلي هيكلف كام تقريبا هوه البوش في الكرونه والحمد لله الغيارات سليمة ومفهاش الهوا مشاء الله