سؤال للمازداويه

[hoshtoki]

ياجماعه كنت بسال على موضوع تنضيف الرشاشات والبوابه وهل هوا ضرورى ولا ممكن يبوظ حاجه فالعربيه وهل فيه اسبراى مخصوص للمازدا ولا اى سبراى موجود فالسوق يكفى الغرض . وشكرا

[Thebutcherr]

تنضيف البوابة و الرشاشات من الصيانات الدورية الضرورية لاى سيارة و بيفرق مع الموتور جدا من حيث استهلاك البنزين و السحب و غيره
مفيش اسبراى معين للمازدا و انصحك الرشاشات تنضفها عند اى مركز عنده جهاز تنضيف رشاشات

[hoshtoki]

الف شكر يا جزار باشا بس المشكله انا من الزقازيق وماعرفش لوفيه مركز عندنا عنده الجهاز ده ولا لا بس الاسبراى ممكن يفى بالغرض ولا لازم الجهاز

[medokassem]

الف شكر يا جزار باشا بس المشكله انا من الزقازيق وماعرفش لوفيه مركز عندنا عنده الجهاز ده ولا لا بس الاسبراى ممكن يفى بالغرض ولا لازم الجهاز

ههههههههههه انتا منين من الزقازيق ولون عربيتك ايه وانهي فئة وموديل كام
اه في ميكانيكي التوب بتاع الزقازيق اسمه ابو زيد علي طريق الاحرار الراجل ده من الاخر وشغال معاه ٦ صنايعية وعنده كمان جهاز كشف اعطال
احنا بلديات ^_^

[hoshtoki]

اهلا بيك يا باشا انا عربيتى 2007 سيلفر هاي لاين بس انا بتعامل مع واحد اسمه عمرو فالمدينه الصناعيه وهوا ميكانيكى ممتاز وعارف العربيه كويس وغيار عنده قاعدة الماتور بش مش عارف اذا كان عنده الجهاز بتاع الرشاشات ولا ايه وبالنسبه لابوزيد ده هوا فين على طريق الاحرار بالظبط يعنى جنب مستشفى الاحرار مثلا ولا قبلها ولا بعدها واتشرفت بيك يا ميدو

[medokassem]

اهلا بيك يا باشا انا عربيتى 2007 سيلفر هاي لاين بس انا بتعامل مع واحد اسمه عمرو فالمدينه الصناعيه وهوا ميكانيكى ممتاز وعارف العربيه كويس وغيار عنده قاعدة الماتور بش مش عارف اذا كان عنده الجهاز بتاع الرشاشات ولا ايه وبالنسبه لابوزيد ده هوا فين على طريق الاحرار بالظبط يعنى جنب مستشفى الاحرار مثلا ولا قبلها ولا بعدها واتشرفت بيك يا ميدو

الشرف ليا يا باشا انا اللي اعرفه ان محدش في الزقازيق كلها عنده قطع غيار المازدا غير المحل اللي فاتح احية الزراعة عند الكوبري اللي بيتبني واسمه تقريبا الحصري غير كده متخليش حد يشتغلك ويقولك انا عندي قطع غيارها
التنضيف مش شرط بجهاز ممكن الرشاشات تتفك ويترش الاسيراي عليها واحد واحد ويرجعهم تاني مكانهم وبتطلع بنفس كفائة الجهاز وانا ليا واحد صاحبي فك رشاشات المازدا ٣ بتاعته ونضفهم وركبهم وكل ده عمله بنفسه تحت البيت في الشارع فمتقلقش مش حوار يعني
ابو زيد يا باشا مكانه علي طريق الاحرار قبل سور المطافي في مطب هتطلعه وتدخل يمين مع السور لحد اخر الشارع في يمين هتلاقي ورشه كبيره وقدامها عربيات كتير ومكن كتير مفكوك وعربيات حديثة بس ^_^
علي فكرة عربيتي في الزقازيق كتير لونها فيراني او رصاصي هاي لاين فاميه بالكامل ٢٠٠٦
وفيها رنجات من قدام
في عربيت واحد صاحبي سودا بجنط ١٧ بتاع المازدا فاميه كامل برضو ^_^ نفس الشكل اللي معتنا بس ٢٠٠٩
اه انا اول نمر عربيتي رم ص

[Thebutcherr]

يبقى استخدم عبوة تنظيف رشاشات اللى بتتحط مع البنزين فى التنك
ارشحلك منتجات شركة Liqui Moly