نصيحة لكل ملاك مازدا 3

[wowohero]

الحمد لله انى رجعت تانى اركب مازدا 3 تانى
معلش هطول عليكوا شوية بس كل واحد بعرف قيمة العربية اللى راكبها
كان معايا مازدا 3 2007 عاملة 95000 كم وقعدت معايا بتاع سنة ونص ومش عارف ايه اللى هفنى فى نافوخى وقولت اغير العربية واركب حاجة من اللى بيقولوا عليها ماشية فى السوق المصرى اللى دماغه ماشية شمال المهم ركبت النترا 2008 هاى لاين عاملة 75000كم بس يا معلم وعينك ما تشوف الا النور اركب من هنا واحس انى راكب نراجيح مولد النبى ولا ثبات ولا فرامل ولاى حاجة غير عربية بتجرى وخلاص مقعدتش معايا شهر وبعتها وقررت اجيب مازدا تانى والحمد لاقيت عربية مازدا 2008 ماشية حوالى 65000 كم وربنا عوض صبرى خير
وفى النهاية اقولكم محدش بيحس بقيمة الحاجة اللى معاه الا لما تروح منه
واسف على الاطالة

[monamize4]

الف مبروك اولا
ثانيا ممكن تكون الالنترا ما عجبتكش ف ثباتها او فراملها بس تاكد انها كانت هتعجبك اوى ف المصاريف عكس المازدا
يعنى م الاخر لو انت مش بتسافر و مشواريك كلها جوه البلد , اشترى النترا تانى

[wowohero]

الف مبروك اولا
ثانيا ممكن تكون الالنترا ما عجبتكش ف ثباتها او فراملها بس تاكد انها كانت هتعجبك اوى ف المصاريف عكس المازدا
يعنى م الاخر لو انت مش بتسافر و مشواريك كلها جوه البلد , اشترى النترا تانى

هى مصاريفها على اد الايد اه بس قطعة الغيار اللى بتحطها فى المازدا تكون اصلية بتنساها
ولو مشواريك جوه البلد برده المازدا تكسب ........................... ارااااااااااء ارااااااااااااء

[abdo7000]

الياباني لا يقارن بالكوري طبعا الياباني اقوي وانعم

[S O P H O S]

مبروك يا باشا
واكيد في فرق كبير طبعا ..

[wowohero]

[quote=s o p h o s;3874699876]مبروك يا باشا
واكيد في فرق كبير طبعا ..[/q

الله يبارك قيك يا باشا ومحدش بيتعلم بالساهل

[Magdyahassan]

باشا انت لما تنزل من المازدا يبقى علشان تركب بى ام مثلا. كده تبقى خطوة لقدام لكن انت للاسف رجعت خطوتين لورا
عموما الحمد لله انك لحقت نفسك :-)

[Thebutcherr]

و قطع غيار المازدا مبقتش غالية اوى زى زمان و فى بدائل بقت متوفرة

[levelpower]

اولا الف مبروووك
ثانيا كلامك ده بيأكد كلامى ان العربيه دى فعلا مش واخده حقها
و انا مع Magdyahassan 100% فى كلامه لانى فعلا بقول انا ان شاء الله و ربنا قدرنى و هاغير هابقى عايز اركب بى ام او سى 180 هو ده الانتقال الطبيعى فى وجه نظرى

[wowohero]

باشا انت لما تنزل من المازدا يبقى علشان تركب بى ام مثلا. كده تبقى خطوة لقدام لكن انت للاسف رجعت خطوتين لورا
عموما الحمد لله انك لحقت نفسك :-)

الحمد لله قدر الله وماشاء فعل هى كانت بسبب شوية ظروف كده اضطرتنى ابيع العربية والحمد لله عدت على خير وفعلا انا طول عمرى بقول كده وعلى فكرة انا شايف ان المازدا قريبة جدا من البى ام فى بعض الاشياء مثل الثبات مع الفارق فى التسارع والعزم

[wowohero]

اولا الف مبروووك
ثانيا كلامك ده بيأكد كلامى ان العربيه دى فعلا مش واخده حقها
و انا مع magdyahassan 100% فى كلامه لانى فعلا بقول انا ان شاء الله و ربنا قدرنى و هاغير هابقى عايز اركب بى ام او سى 180 هو ده الانتقال الطبيعى فى وجه نظرى

نفسى فعلا الناس تقدر قيمة العربية دى لانها فعلا من احسن العربيات الموجودة فى السوق المصرى وكله بالورقة والقلم والارقام
فعلا هو التطور الطبيعى للمازدا البى ام

[wowohero]

و قطع غيار المازدا مبقتش غالية اوى زى زمان و فى بدائل بقت متوفرة

هى مش غالية اوى بالنسبة اللى كان واخد على استعمال اليابانى او الالمانى ولكن عند مقارنتها بالكورى فهى غالية اوى والبدائل برده مش رخيصة اوى يا باشا

[mega 2003]

اليابانى يابانى بدون كلام على راى المثل ان فاتك اليابانى عمرة ماحيرجع تانى

[yasserzezo]

معلش يا باشا لو فيها غلاسة

انت جبت العربية بكام - او الحالة الكويسة الي معدتش 70 الف كيلوا تعمل كام

[yasserzezo]

معلش يا باشا لو فيها غلاسة

انت جبت العربية بكام - او الحالة الكويسة الي معدتش 70 الف كيلوا تعمل كام