معايا 75 ومتردد اجيب مازدا 3 ولا لا

[abdelrahmaaan]

السلام عليكم انا معايا تقريبا حوالى 75 الف جنيه وعايز اجيب عربية اوتوماتيك نضيفة وقطع غيارها معمرة وشكلها شيك وثابتة وعائلية ولفت نظرى المازدا 3 2006 لحد 2008 هم اللى فى الرينج دا وكان من ضمن اختياراتى الاوبل استرا والنيسان صنى هل المازدا تتفوق عليهم ولا لا وهل فعلا قطع غيارها نار ومش معمرة لانى مش هقدر اصرف عليها لو اسعارها مبالغ فيها تنصحونى بايه ..وشكرا

[akmm]

متابع ... وموفق فى الإختيار .

[al_manara]

هي افضل اختيار فيهم .

http://www.nilemotors.net/Nile/327685-3.html

اظن كمان قطع الغيار معقولة . مش نار .

[MohammedAladel]

أنا بفضل المازدا برضه

[Thebutcherr]

مازدا بس لازم حالة نضيفة

[abdelrahmaaan]

طيب لو حاجة استعامال نضيف من 2006 لحد 2008 تعمل كاام تقريبا عشان مينضحكش عليا وتنصحونى اجيب ميكانيكى ثقة معايا يشوفها ولا اكشف عليها ازى؟؟

[medokassem]

طيب لو حاجة استعامال نضيف من 2006 لحد 2008 تعمل كاام تقريبا عشان مينضحكش عليا وتنصحونى اجيب ميكانيكى ثقة معايا يشوفها ولا اكشف عليها ازى؟؟

من ٢٠٠٦ الوتوماتيك بس من غير فتحة سقف تعمل ٧٠ لو بفتحة ٧٥ دي حسب سعر السوق ال ٢٠٠٧ زود خمسة هنا او هنا وال٢٠٠٨ زود ١٠ هنا او هناو لما تكون مش عايزة ولا مليم مصاريق اهم حاجة تاخد عربية حالة
واشف عليها في سمارت كار بيرفعوها ويفلوها وحافظينها

[samyyousef]

ممكن تضع في الاختيارات الفورد فوكس
و ربنا يوفقك في الاختيار

[MohammedAladel]

فورد فوكاس جميلة طبعا وبيقولوا إن المازدا 3 مبنية عليها يعنى هى الأصل وسعرها هيكون مرتاح عن المازدا 3

بس شكلها مختلف بس هى برستيج برضه وبنت ناس


بس أنا شايف إن ال 2007 بفتحة تعمل 75 وتبقى بحالة كويسة المازدا برضه تقيلة فى البيع هى يابانى آه بس سوقها مش قد كدا

بس هى عربية عاجبانى جدا بصراحة ... والاعضاء هنا بيشكروا فيها

بالنسبة للشكل دا فهو الشكل القديم فيه بقى الشكل الجديد اللى متغيرش لحد دلوقتى وتقريبا مفيش منها جديد والله أعلم مش متأكد

[abdelrahmaaan]

طيب الفورد فوكاس ايه نظامها فى سعر قطع الغيار والانتشار والبيع والمتانة طبعا؟؟