جنوط مازدا 3

[wowohero]

بعد اذنكوا هو فى حد يعرف مكان حد بيبيع جنوط مقاس 16 استيراد لمازدا 3 و ياريت لو متوسط الاسعار حوالى كام ولو موجود ارقام تليفونات ليهم بيقى 100 100

[Thebutcherr]

الحرفيي كاظم , العالمية او ملك الانسر
السعر 2000-2500 انت و شطارتك
نصيحة لو لقيت ال 15 السبور هاتهم احسن لانهم فى الثبات اعلى و انعم فى العفشة عن تجربة انا دخلت ال 15 السبور فى 16 عند كاظم و ندمت بعد لما ركبت الكاوتش جدبد و اول ما العربية نزلت على الارض حسيت بكل نقرة و ظلطة فى الطريق و العربية عليت مع انى مغير الكاونش مقاس اللى على الباب (الموصى به) و فى السفر مبقتش زى الاول و اللى فاكر ان ال 16 ثابتة كدة يجرب ال15 السبور و هيعرف الفرق
انا ركبت عربيات كتير مازدا 16 و نفس ثبات عربيتى يعنى العيب لا فى الجنوط و لا العفشة علما ان تغيير الجنط كان بعد ما غيرت كل العفشة جديد اصلى !!

[wowohero]

شكرا يا باشا على النصيحة بس انا عربيتى المازدا اللى قبل دى كانت جنوط 16 سبور واللى معايا دلوقتى حنوط 15 حديد عادية كنت حاسس بثبات اكتر مع مقاس ال16 وكنت مركب المقاس اللى مكتوب على القايم هل ممكن يكون فى فرق من عربية للتانية

[medokassem]

[QUOTE=Thebutcherr;3874749739]الحرفيي كاظم , العالمية او ملك الانسر
السعر 2000-2500 انت و شطارتك
نصيحة لو لقيت ال 15 السبور هاتهم احسن لانهم فى الثبات اعلى و انعم فى العفشة عن تجربة انا دخلت ال 15 السبور فى 16 عند كاظم و ندمت بعد لما ركبت الكاوتش جدبد و اول ما العربية نزلت على الارض حسيت بكل نقرة و ظلطة فى الطريق و العربية عليت مع انى مغير الكاونش مقاس اللى على الباب (الموصى به) و فى السفر مبقتش زى الاول و اللى فاكر ان ال 16 ثابتة كدة يجرب ال15 السبور و هيعرف الفرق
انا ركبت عربيات كتير مازدا 16 و نفس ثبات عربيتى يعنى العيب لا فى الجنوط و لا العفشة علما ان تغيير الجنط كان بعد ما غيرت كل العفشة جديد اصلى

انا اتفق معاك في جزئية واعترض معاك في اخري
اتفق معاك ان ال ١٦ عفشة انشف سيكة مش الحوار اللي هوا زي السيراتو ال ١٦

اعترض معاك ان ال١٦ بيقلل الثبات الكلام ده عاري تماما من الصحة يعني اللي بيكبر الجنط بيقلل الثبات امال ايه لزمه الجنط والدليل علي كلامي المازدا mps
اللي هيا النسخة الاسبور نازلة بجنط ١٨ مش ١٧ ولا ١٦ ولا ١٥ يعني اكيد الشركة عايزة العربية مكلبشة في الارض والا كانت نزلتها بطاسات حديد ١٤
سيبك من الكلام المرسل ده انا واحد صاحبي كان جايب مازدا ٣ مانيوال زيرو اللي هيا بتنزل بطاسات شالها وحط جنط المازدا ال١٧ واتفرج علي احلي ثبات ولا تقولي ١٥ ولا ال ١٦ ربنا يباركله فيها وايهاب باشا يعرفو واسالو علي كلامي
طبعا لو كلامك كان صح كانت ارابكوم قفلت من زمان وبتاع الجنوط بيقوا بيبيعوا حلاوة
جايز المشكلة اللي عندك في نوع الفرد او نوع النقشة لان دي بتفرق اكتر من الجنط كمان نقشة الفرد دي لوحدها حوار
جزار باشا انتا علي عيني وراسي من فوق والكلام اللي انا قلته نقد علشان متزعلش مني وانتا طبعا زي اخويا الكبير مقدرش ازعلك
^_^

[wowohero]

طب حد يعرف ارقام تليفونات للناس اللى قال عليهم buttcher
علشان انا ساكن بعيد عن الحرفيين فى الهرم علشان مدبش مشوار غلى الفاضى

[Thebutcherr]

يا نهار اثود
يا نهار اثود
ده اللى انا كنت عامل حسابه , اهو ميدو كبر و توحش زى لهيطة فى فيلم انكل زيزو حبيبى و هياكلنا
يا ميدو
اولا انا بتكلم على ال 15 السبور مش الحديد , هو اعرض و اخف من الحديد
ثانيا العرض بيعمل نشفان فى العفشة عشان بيقلل من قطر الكاوتش فكتلة الهواء بتقل جوة الفردة و ده بيحسسك بالنشفان فى النقر و الزلط و الحفر
+ ان العربية بتعلى عن الارض و زيادة الهواء اللى بيخش تحت العربية + النشفان مش بيحسسك بنفس الثبات اللى كنت بتحسه فى ال15 السبور خصوصا فى مطبات الهواء على سرعة
انا بتكلم عن تجربة الاتنين و فرق كان محسوس حتى لمراتى (زوجتى)
انا مقولتش ان المازدا 16 مش ثابتة انا بقول ال 15 السبور اثبت مع العلم تانى انى كنت مغير معظم العفشة بقطع غيار اصلى رغم ان فى حاجات كتير لسة فيها عمر شوية و الكاوتش كان كومهو كورى مش فيتنامى نفس مقاسات المصنع نقشة سرعات و نيتروجين مش هواء و الجنوط اتكشف عليها و اترصصت و منفيهاش عيب
جرب و انت هتعرف الفرق
اخوك الكبير شادى الجزار

[medokassem]

المفروض في اي جنط لما تيجي تكبر النمرة تقلل البروفايل يعني لو القديم 195/65r16 يبقي الجنط الجديد205/55r16
يعني البروفايل يقل عشان ارتفاع الجنط الجديد والقديم يكون واحد لو غير كده يبقي ده غلط وده اللي حصل عندك ولو مش مصدقني قلب في النت عن المعلومات دي هتلاقيها ثوابت ان ارتفاع الجنط الجديد والقديم لازم يكووورررررن وااااااااحد فيستحيل ان العربية تعلي او توطي الا اذا كان ارتفاعهم بالكاوتش مش واحد وده هيسبب خلل زي اللي عندك في العربية وده غلط طبعا
انا دلوقت لقيت حسبة حلوة عشان ان عايز اعرض الكاوتش من غير ميأثر علي السحب واستهلاك البنزين ومن غير مياثر علي قراءة عداد السرعة وهيذود الثبات بشكل وهمي هروح اتغدي ولما ارجع هشرحها ^_*

[Thebutcherr]

يا ميدو يا حبيبى اكيد انا فاهم ده
انا جنطت 132 فيات 17 انش و كورسا 16 و بى ام 17 انا لعبت كل العاب التظبيط من و انا صغير, و نشفت العفشة و ركبت غفشة ريسينج , كل اللى تتخيله
فكرة البوفايل اللى بتتكلم عليها هى اللى بتعمل النشفان, لان الهواء بيقل فى الكاوتش فمش باخد و يدى فى المطبات و ده اللى بينشف اكتر و عشان كده بتلاقى كل اللى مجنط ومصغر البزفايل يشتكى من البلالاين اللى بتظهر فى جنب الكاوتش من المطبات , و الدليل ان السيراتو ال 17 انشف كتييييير من ال 16 و 15 , بروفايل العجل لازم يقل مع تكبير الجنط و الا العربية هتكون جيب و الكاوتش بيحك فى الرفارف و الكارتيرات فى مطبات الهوا, ومن هنا تيجى فكرة تنشيف العفشة بمساعدين و سوست انشف و صدادات كاوتش جوة المساعد عشان تقلل مشواره و تمنع الاحتكاك ده, عشان كدة لما تكبر الجنط لازم تلتزم بالمقاسات الموصى بها من المصنع و دى اللى مكتوبة عندك على الصاجة اللى فى قاي م السواق جنبك و ده اللى انا عملته لكن النتيجة ان الثبات و نعومية العفشة لل15 احسن من 16
مع العلم ان عرض الحنطين تقريبا واحد + عرض الكاوتش برده 205
الفرق فى البروفايل 16 بيبقى 55 او 50 و ال15 يكون 60-65
هتفضل تقاوح كتير؟!

[medokassem]

يا ميدو يا حبيبى اكيد انا فاهم ده
انا جنطت 132 فيات 17 انش و كورسا 16 و بى ام 17 انا لعبت كل العاب التظبيط من و انا صغير, و نشفت العفشة و ركبت غفشة ريسينج , كل اللى تتخيله
فكرة البوفايل اللى بتتكلم عليها هى اللى بتعمل النشفان, لان الهواء بيقل فى الكاوتش فمش باخد و يدى فى المطبات و ده اللى بينشف اكتر و عشان كده بتلاقى كل اللى مجنط ومصغر البزفايل يشتكى من البلالاين اللى بتظهر فى جنب الكاوتش من المطبات , و الدليل ان السيراتو ال 17 انشف كتييييير من ال 16 و 15 , بروفايل العجل لازم يقل مع تكبير الجنط و الا العربية هتكون جيب و الكاوتش بيحك فى الرفارف و الكارتيرات فى مطبات الهوا, ومن هنا تيجى فكرة تنشيف العفشة بمساعدين و سوست انشف و صدادات كاوتش جوة المساعد عشان تقلل مشواره و تمنع الاحتكاك ده, عشان كدة لما تكبر الجنط لازم تلتزم بالمقاسات الموصى بها من المصنع و دى اللى مكتوبة عندك على الصاجة اللى فى قاي م السواق جنبك و ده اللى انا عملته لكن النتيجة ان الثبات و نعومية العفشة لل15 احسن من 16
مع العلم ان عرض الحنطين تقريبا واحد + عرض الكاوتش برده 205
الفرق فى البروفايل 16 بيبقى 55 او 50 و ال15 يكون 60-65
هتفضل تقاوح كتير؟!

ايوه بقي قول كده امال ايه بقي العربية عليت ومش عليت العفشة طبيعي انها نشفت لكن مش العربية تعلي وده اللي انت قلته وانا قلته ان العربية ارتفاعها لازم يكون ثابت
ياباشا مفيش كلام بعد كلامك
والله انا مقدرش اقاوح معاك احنا بنتناقش يا كبيرنا ^_^

[Thebutcherr]

لا و العربيةان تعلى كمان شوية لان اللى بتقلله فى القطر او البروفيل مش بيعوض الفرق بين مقاسين الجنط بالضبط و هيفضل فى فرق بسيط بس تاثيره على الثبات بيبقى محسوس يا ميزو و اللى بيحسسك بيه زياده النشفان اللى اتكلمنا عليه مع مطبات الهواء

[medokassem]

لا و العربيةان تعلى كمان شوية لان اللى بتقلله فى القطر او البروفيل مش بيعوض الفرق بين مقاسين الجنط بالضبط و هيفضل فى فرق بسيط بس تاثيره على الثبات بيبقى محسوس يا ميزو و اللى بيحسسك بيه زياده النشفان اللى اتكلمنا عليه مع مطبات الهواء

الكلام اللي بتقوله ده انا هسال متخصصين في العربيات صحابي في الحرفيين وهبقي ارد عليك بس العفشة يا كبيرنا كل متكون انشف بتبقي العربية اثبت والدليل علي كلامي العفشة الاسبور اللي بتركب في البي ام او الجولف زي الكوني ودي معروفة بنشوفيتها يبقي نستنتج ان :
عفشة ناشفة = ثبات اعلي
عفشة اطري = ثبات اقل
عربية +جنط ١٦ =عفشة ناشفة =ثبات جيد
عربية +جنط ١٧ = عفشة ناشفة جدا = ثبات ممتاز
عربية + جنط ١٥= عفشة مش ناشفة ومش طرية = ثبات اقل
اي خودعة ^_*
حبيب قلبي d:

[Thebutcherr]

انا لسة مزنوق فى اجتماع هكلمك اخر اليوم
بس عفشة ناشفة = ثبات اعلى ده هنااااك مش هنا
فى طرق ناعمه زى الحرير و ملفات معمولة بعلم
مش كبارى و دائرى كلها مفالق و حفر و مطبات و طرق سفر كها مطبات هوا عنيفى و بلاد توديك و بلاد تحطك
كنت زمان ايام البى ام جنط 17 اطلع طريق السخنة اجيب 240 باشا
اطلع بقى طريق اسكندرية قبل الرصف مراجييييييييح مولد النبى

[medokassem]

انا لسة مزنوق فى اجتماع هكلمك اخر اليوم
بس عفشة ناشفة = ثبات اعلى ده هنااااك مش هنا
فى طرق ناعمه زى الحرير و ملفات معمولة بعلم
مش كبارى و دائرى كلها مفالق و حفر و مطبات و طرق سفر كها مطبات هوا عنيفى و بلاد توديك و بلاد تحطك
كنت زمان ايام البى ام جنط 17 اطلع طريق السخنة اجيب 240 باشا
اطلع بقى طريق اسكندرية قبل الرصف مراجييييييييح مولد النبى

هستنياك لما تخلص الاجتماع
الحاجة التانية الطرق اللي فيها مطبات هوا وتكسير سواء العربية عفشتها ناشفة او طرية كده كده الثبات بيبقي قليل بس اللي فيها جنط اكبر مع عفشة انشف مش بيعد يروح ويجي ويتنطط زي الكورة عشان ده عفشته ناشفة بعكس العفشة الطرية بتلاقي الفردة بتعدد تتنطظ زي كرة السلة كده عشان كده في الحالة دي برده العفشة الناشفة هتكون اثبت من العفشة الاطري مني علي الطرق الوحشة
والدليل علي كلامي السيراتو ام جنط ١٧ اثبت من ام جنط ١٦ عشان دي عفشتها انشف من دي واسال ملاك العربية وهما هيقولولك العربيتين مع واحد صاحبي وسايق الاتنين
في حاجة انتا قلتها غلط ان عرض الجنط ال ١٥ عندك ٢٠٥ بس مكاوب علي باب العربية ان ال ١٥ عرضه ١٩٥ وجايز ده اللي حسسك بنشفان العفشة مع الجنط الاكبر
وهستنا تليفونك ياكبيرنا

[levelpower]

انا شايف ان الموضوع اتقلب مركز معلومات عن العفشه و الثبات
بس انا مبسوط :) بالمعلومات دى

[hasan karmoony]

ياجماعه انا عربيتي بيز لاين وكانت جنوطها 15 ركبت ليها جتوط 16 بتاعت التوكيل بتاعتها وكمان من السعوديه
بس الصراحه الجنوط 15 انعم اوووي في المطبات ومشكلت ال16 انها ارتفاع الكوتش 55 ده مش حلو عشان لو في قطع في الاسفلت الكوتش بيجيب سلك الكلام ده عن تجربه
المهم ياجماعه انا عليت العربيه بكلام فاضي كانت عليات عربيه لادا واسم العلايه (علايه واطيه تقريبا 5 سم )
المهم العربيه مشاء الله عليها زي الفل ثبتها زي ماهو بمعني اني لما كنت بمشي 180 مفيش حاجه بس في مطبات الهوا الجماده اوووي بيحس ان في اقلل بس الكلام ده بعد 160لاكن لو ماشي 160 ولا اي حاجه وكمان مش باين علي العربيه انها عاليه عن الارض عشان الراجل عاله 5 سم بس ... وهيه بتحك زيها زي السيراتوا والنترا لو محمل في العربيه مثلا خمسه وفي مطب عالي بس زمان كنت بلاقي العربيه بتحك في مطبات وانا لوحدي كنت هتجنن
بس عيوبها ان العفشه بتبقي ناشفه حبتين بس مش زي السيراتوا عادي يعني ماتتلحظش بس بصراحه انا مبسوط جدا اني عليت العربيه وعلي فكره ياجماعه الثبات بتعها زي ماهوا وانا عربيتي مجمركها من السعوديه والحمد لله بتقفل العداد بس بصراحه انا لما بسافر بيها وانا ماشي 160 مافيش اي حاجه واظن 160 ولوحدي علي طريق حلوه وكمان بعد 160 افتري علي العربيه وبلاحظ لو معايه حد في العربيه ثبتها بيبقي اعلي ونصحيتي ياجماعه لو هتجنط جنط 15 ولو عايز تعلي العربيه عاليها 5 سم بس والعاليات تمنهم 6 جنيه بس.... والراجل بيخدلوا 30 جنيه وطز في اي عربيه ماشيه جمبك
ومعلش ياجماعه علي الاطاله