مش لاقي فتحية الــ aux

[mhopa2440]

السلام عليكم اخواني الاعزاء دي اول مشاركة لي ف منتدى مازدا

لي صديق اشترى من يومين مازدا 3 هاتش باك موديل 2008 كاملة فتحة سقف

المهم لقيت ان من اوبشن الكاسيت انه فيه نظام aux طبعا الكاسيت شرائط وسي دي فضلت ادور على مكان توصيل جاك ال aux مش لاقيه خالص ف اي مكان

ياريت لو حد يقدر يفدني لان الكاسيت بيكتب على الشاشة aux وكمان بقدر اخترها من زرار media ف الكاسيت او الماليت من الطارة

بس المدخل نفسه مش لاقيه ارجو الإفادة

[omarkhaled55]

طيب بص يا باشا عندك حاجة من 2
1- فى الكونصول الى بين الكرسين هتلاقية تحت
2- مش موجود اصلا ودة انا برجحة هتروح لاى حد بتاع كاسيت هيركبهالك او دور فى القسم هنا هتلاقى ابراهيم كان منزل موضوع وشرح كامل عن تركيبة انا عملتة فى عربيتى بنفسى الموضوع سهل جدا هو بس محتاج قلب شوية عشان هتفك الكاسيت من الطابلوة

[omarkhaled55]

اة نسييت مبروك على العربية وخلى بالك الهاتشباك احلى من السيدان بكتيير انا بحبها جدا بس لما جييت اشترى مكنش فيييية فربنا يباركلة فيها

[mhopa2440]

شكرا قوي على ردك والله يبارك فيك هي فعلا عريبة محترمة جدا جدا بالنسبة للسعر والفئة الموجود فيها

وانا هشوف القنصل بين الكرسيين يبقى نشوف كهربائي كويس

[AlGazar2]

ممكن تبقى موجوده تحت مسند اليد و هتلاقى جنبها فتحه لكهربا 12 فولت او هتلاقيها قدام الفتيس جنب الولاعه و الطفاية

[mhopa2440]

أخي الجزار هي غير موجودة اما الفتيس نهائيا اللي موجود الولاعة فقط لا غير

وانا معنديش مسند يد ف القنوصول بس اللي بين الكرسيين وشكرا اخي على الرد والاهتمام

[medokassem]

الرجالة قامو بالواجب
منور يا عمر بيه ^_^

[omarkhaled55]

ميدو باشا انت الى منور يا كبييير :)

[fahmy]

موجودة ياباشا فى الكاسيت من ورا

[mhopa2440]

يعني المفروض افك الكاسيت واجيب كابل aux
اوصله ف الكاست واسيب الجاك الثاني بره لتوصيل اي تليفون او اي حاجة مماثلة

كدا صح؟؟؟؟؟

[madoz84]

يعني المفروض افك الكاسيت واجيب كابل aux
اوصله ف الكاست واسيب الجاك الثاني بره لتوصيل اي تليفون او اي حاجة مماثلة

كدا صح؟؟؟؟؟

اه تقريبا لازم تعمل كده , واحد قاللي انع عمل كده
بس انا فكيت الكاسيت بتاعي بس ملاقيتش فتحة لل aux للاسف :(