عاوز عربية 323 كويسة

[assem_phd]

نداء الى كل مالكى السيارات المازدا 323 موديل من 82 الى 85 عاوز عربية نضيفة وياريت تكون فى فيصل او الهرم وياريت نصائح من اخوانى المزداوية اخد بالى من ايه وانا واخد الميكانيكى وبفحص العربية وهل قطع الغيار متوافرة والا لأ ولو حد عاوز يضيف اى معلومة عن العربية دى يتفضل

[aldesha989]

انا كرهت المازدا القديمه علشان قطع الغيار مش بلاقيها بالساهل

[digitalstorm]

العربية دي حلوة و عيوبها كالأتي :

1- واطية شوية مش قوي
2- قطع غيارها غالية شوية بالنسبة للقديم لكن متوفرة بكثرة جديد و استيراد


مميزاتها :

1-من أحسن العربيات القديمة اللي تركبها
2- سعرها مناسب
3- قطع غيار متوفرة
4- سحبها كويس
5- شنطة واسعة
5- صالون كويس وواسع
6- سعر اعادة البيع ممتاز يعني مش حاتخسر فيها لما تيجي تبيعها
7- شكلها مقبول
8- استهلاك بنزين معقول جدا

طبعا كل الكلام اللي فات ده لما تقع معاك عربية سليمة و أسعارها
تبدأ من 18 ألف و توصل ل 25 ألف