سؤال عن مازدا 121......ضرورى

[Ahmed_selmy]

السلام عليكم
ازايكوا يا مازداوي, كنت عايز اسال عن المازدا 121 موديل التسعينات , سعرها دلوقتى كام و اخبار قطع غيارها ايه ومدى توفرها؟
انا اصل قدامى عربيه بسعر 25 الف بس معديش عنها تفاصيل كتير وكنت عايز اخد رايكوا فيها, قبل ما اروح اعاين, وياريت اللى عندوا اى ملحوظه او تنبيه بخصوصها يقولى علشان اخد بالى.
وجزاكم الله خيرا.

[aldesha989]

انا لسه جايب واحده من شهرين على 28 :(

قطع الغيار هتتعذب علشان تلاقيها بل هتتبهدل علشان تلاقيها بس دى الملحوظه الحاليه على العربيه

ثباتها لسه مش قادر اجربه علشان عايز اغير فرد الكاوتش وارصص لانهم رايحين فى تلاتين داهيه

الماتور كام ؟

لان الموديل بتاعى 98 والماتور 1100 سى سى

السحب حلو مش وحش ولو اتظبطت هتسحب اكتر
حاليآ عايزه ديسك واسطوانه وبلى عجل ورا وتظبيط للكربراتير واركب المقاصات اللى قدام وهتفوق ان شاء الله

خلى مكيانيكى ابن حلال يبصلك عليها وسمكرى كمان علشان لو فى حاجه مش باينه يأخد باله منها

ده فى حال انك قررت تشترى وتغاضيت عن ان قطع الغيار صعب تلاقيها او هتجيبها مستعمله

[Ahmed_selmy]

متشكر يا استاذ aldesha
انا ناوى اجيبها لمراتى فهل من رايك اشوفها ولا اشوف حاجه تانيه افضل؟

[aldesha989]

متشكر يا استاذ aldesha
انا ناوى اجيبها لمراتى فهل من رايك اشوفها ولا اشوف حاجه تانيه افضل؟

والله العربيه مش وحشه بس انا مش عجبانى علشان قطع الغيار بس لكن استخدام حريمى كمان هيبقى حلو والعربيه مش وحشه ومش صغيره متوسطه الحجم وشنطها واسعه مش ضيقه وبتجرى وبتتحكم فيها بسهوله

بس هل فيها تكيف ؟
والماتور كام سى سى وكام حصان ؟
وابقى اكشف على الكاوتش وانتا بتأخد علشان لو وحش نزل فى تمنها
وخلى عفشجى يبص على العافشه كويس ولو عايز حاجه تنزل من تمنها ولازم تأخد العربيه مشوار فى زحمه علشان تحس بالديسك والاسطوانه لو اول ما تدخل زحمه والعربيه تسخن بترعش معاك نزل من تمنها فى ديسك واسطوانه

وربنا معاك

[kordy_777]

يا جماعة العربية محترمة. معايا بقالها سنتين و زي الفل.
و بالنسبة لقطع الغيار. مفيهوش مشكلة خالص انا اي حاجة بحتاجها بلاقيها جديد و استيراد ما عادا الخوارج بس هتبقي استيراد. تعبت شوية ف الاول لحد ماعرفت اولها و اخرها. موتور و عفشة بتاخد من الموديلات الاتية كيا برايد ( معظم الحاجات) كيا ريو و فورد فيستيفا و فورد فيستا و مازدا ٣٢٣ يعني قدامك حلول كتييييرة ومحلات اكتر تلاقي فيها حاجتك و لو حابب توفر علي نفسك تروح للسرساوي اللي ف اول الهرم ممكن اديك رقمه هتلاقي عنده حاجتها كلها.

العربية ثباتها كويس و سحبها جميل بالنسبة لسرعتها. تكيفها محترم و مش بياثر قوي علي السحب لو الموتور كويس

لو في اي سوال كلموني وانا افيدكم لو قدرت
م/ هيثم ٠١٠٠٢٠٣٩١٥٨