رجه غريبه في العربيه

[topstar]

السلام عليكم .. يارب الجميع يكون بخير

انا صحيح معايا المازدا من اول ما نزلت بس في حاجه اول مره تقع قدامي كانت اي حاجه بتحصل كنت بعرف حلها ايه .. بس المره دي شئ غريبه

وانا ماشي بالعربيه في رجه غريبه ومش في الطاره لاني افتكرت ترصيص بس مطلعش ترصيص..

وكشفت عند عفشجي قالي جلب المقصات غيرت الجلب وبرضو زي ما هي ...

وافتكرت صليبه الكوبلن الداخليه ..لان من فتره كبيره كان في رجه وغيرت صليبه الكوبلن وظبطت معايا .. بس المره دي مش ظابطه

وفي ناس بتقولي ممكن يكون اكس الكوبلن معوج..طب انا مخدتش مطباظ خالص تفتكروا ايه الحل؟؟؟

بقالي اكتر من شهر حيران وعملت كل حاجه ؟؟ وتبعت بجد

[Thebutcherr]

كوبلن داخلى, محتاج يتغير الصلايب اللى جبتها بوشت تانى و غالبا حفرت فى القلل ( الكوز) اللى بتبات فيه , فلو غيرتها تانى شوية و هتبوظ اكتر الحق غيرهم قبل ما يعملو بوش فى مدخل الكوبلن فى الفتيس و تبوظلك الفارغة

[gb auto]

مساء الخير عليكو كلكو
الرجة الى عندك لو بتظهر فى الطلعة هتبقى فى القاعدة(الى ناحية السيور)
لكن لو وانت ماشى فى الطوالى عند سرعة معينة يبقى ترصيص
لكن لو هى فى السرعة وبتزيد مع دوسة البنزين وتختفى لما تشيل رجلك يبقى كوبلن
وده الفرق بين الرجات

[omarkhaled55]

لو سمحت عندك صلايب و قلل مازدا 3 مانيوال وبكام ؟؟؟
والمركز بتاعك فيين ؟؟

[WalidAdel]

هو و لامؤخذه في السؤال ممكن حد يفهمني موضوع الكوز و القلل ده علشان انا حاسس انه عندي بس مش فاهم ايه اللي بيحصل الصراحه
انا عندي اويسيل الكوبلن الشمال بيعرق زيت ... فروحت للميكانيكي قالي روح لبتاعه الفتيس علشان الكوبلن مبوش
روجت لبتاع الفتيس قالي الفتيس زي الفل
رجعت تاني للميكانيكي قالي بص هانفك و نشوف ... فقولتله بص ياحمد يابوله هاسيبلك العربيه تروح تخلص مشاكلك مع الراجل بتاع الفتيس اللي بعتني عنده و تشوف المشكله فين و تعملها
بس انا مش فاهم حاجه .. فياريت حد يفهمني بقي طالما وصلنا للكوز و القلل هنا

[Thebutcherr]

الكبلن الداخلى بيتكون من كوز او قلة و جواها صليبة و بيركب فى الفتيس عشان ينقل الحركة للعجل
كبالن المازدا 3 الداخلية اللى ناحة الفتيس بتبوظ بيحصل بوش فى الصليبة و لو اتلحق بدرى و غيرت الصليبة لو لاقيتها عند حد بتاع كبالن او استيراد يبقى احسن, لو مشيت عليها الصليبة بتاكل فى الكوز ده من جوة و ده بيعمل فىه تنقير و عالى و واطى و بيزيد الرعشة و الرجة, طب الحل هنا ايه؟ تغير الكبلن كامل جديد او استيراد لان صعب تلاقى كبالن داخلية لوحدها , طب لو مغيرتش ايه يحصل؟ الرعشة تاثر على الفتيس و يعمل بوش من ناحية دخول الكبلن و هنا لازم تقوم تودى الفارغة عند الخراط يخرطلها مشرشر بدل اللى اتاكل و برده تغير الكبلن

[swimmer25]

أول حاجة ...أول حاجة تبص عليها الكاوتش
الكاوتش معاك نوع ايه ؟
وإنتاج كام (مكتوب في شكل بيضاوي علي الكواتش من برا 4 أرقام)؟
وراكب في العربية من امتي ؟
وعامل بيه كام الف كم ؟

ياريت تقول المعلومات دي وتروح تكشف عند بتاع كاوتش بيفهم أو إنت شيك بنفسك:
1- مشي إيدك علي داير الكاوتش وشوف فيه عالي وواطي ولا لا (الأربع فرد)
2- بص علي جنب الكاوتش فيه أماكن عاملة حفر او بلالين
3- بص علي مداس الكاوتش لو ملووح...يعني أعلي من برا او أعلي من جوا

[WalidAdel]

الكبلن الداخلى بيتكون من كوز او قلة و جواها صليبة و بيركب فى الفتيس عشان ينقل الحركة للعجل
كبالن المازدا 3 الداخلية اللى ناحة الفتيس بتبوظ بيحصل بوش فى الصليبة و لو اتلحق بدرى و غيرت الصليبة لو لاقيتها عند حد بتاع كبالن او استيراد يبقى احسن, لو مشيت عليها الصليبة بتاكل فى الكوز ده من جوة و ده بيعمل فىه تنقير و عالى و واطى و بيزيد الرعشة و الرجة, طب الحل هنا ايه؟ تغير الكبلن كامل جديد او استيراد لان صعب تلاقى كبالن داخلية لوحدها , طب لو مغيرتش ايه يحصل؟ الرعشة تاثر على الفتيس و يعمل بوش من ناحية دخول الكبلن و هنا لازم تقوم تودى الفارغة عند الخراط يخرطلها مشرشر بدل اللى اتاكل و برده تغير الكبلن

زي ماتكون ياخي حاسس بيا ... انا عندي تقريبا كل ده
بس الراجل بتاع الفتيسات اللي بعتني عنده احمد بوله قالي العربيه زي الفل و بتاع
و بيني و بينك خايف افتح فيها احمد يقولي العربيه هاتبات ولا فيها حوار و ادوخ السبع دوخات لان فكرة العربيه تبات دي عند حد و كده مرفوضه تماما عندي
فمش عارف فقولت استني علي تغيرة الزيت دي بتاعة الفتيس و لما يعوز يتغير اروح بقي و زي ماتيجي تيجي و خلاص
اللي يغيظ بقي ان كل اللي بيتقال ده وانا مش حاسس بحاجه ولا مضايق من حاجه و العربيه اخر حلاوه و ناعمه و الحياه مانجا خالص ... مش عارف العيب فيا بقي ولا فيهم

[Thebutcherr]

العيب فيك اكيد يابو وليد :) صباح القشطة

[WalidAdel]

العيب فيك اكيد يابو وليد :) صباح القشطة

انا حسيت بكده بردوا

[Thebutcherr]

طب وصلت لايه ؟ قول

[topstar]

لحد دلوقتي محدش عارف يحل الرجه........ بس بكره ان شاء الله هروح لواحد تاني في فيصل اول لما اخلص هقولكم عملت ايه ...ربنا يسهل

[gb auto]

كوبلن داخلى, محتاج يتغير الصلايب اللى جبتها بوشت تانى و غالبا حفرت فى القلل ( الكوز) اللى بتبات فيه , فلو غيرتها تانى شوية و هتبوظ اكتر الحق غيرهم قبل ما يعملو بوش فى مدخل الكوبلن فى الفتيس و تبوظلك الفارغة

بالنسبة للفتيس العادة حاجتو قليلة فممكن تجيبلي القديم وانااجيبلك زيو انا علي رقم ٠١١١٤٩٩٨٤٣٣

[gb auto]

هو و لامؤخذه في السؤال ممكن حد يفهمني موضوع الكوز و القلل ده علشان انا حاسس انه عندي بس مش فاهم ايه اللي بيحصل الصراحه
انا عندي اويسيل الكوبلن الشمال بيعرق زيت ... فروحت للميكانيكي قالي روح لبتاعه الفتيس علشان الكوبلن مبوش
روجت لبتاع الفتيس قالي الفتيس زي الفل
رجعت تاني للميكانيكي قالي بص هانفك و نشوف ... فقولتله بص ياحمد يابوله هاسيبلك العربيه تروح تخلص مشاكلك مع الراجل بتاع الفتيس اللي بعتني عنده و تشوف المشكله فين و تعملها
بس انا مش فاهم حاجه .. فياريت حد يفهمني بقي طالما وصلنا للكوز و القلل هنا

بالنسبة للكوز الناس شرحتلك اما للعيب الي عندك فكل المازدا ٣فيها بوش في الكوبلن الجنب الشمال وده طبيعي اما الزيت فاتصل بيا اشوفهولك علي رقم ٠١١١٤٩٩٨٤٣٣

[gb auto]

لحد دلوقتي محدش عارف يحل الرجه........ بس بكره ان شاء الله هروح لواحد تاني في فيصل اول لما اخلص هقولكم عملت ايه ...ربنا يسهل

أول حاجة ربنا يوفقك لكن لو موصلتش لحل اتصل بيا علي رقم ٠١١١٤٩٩٨٤٣٣
علشان الموضوع ده مش هيتحل غير علي الطبيعه
وربنا يوفقك