اغير الكاوتش ولا لا

[janjon1978]

الكاوتش الاصلى yokohama aspec 349 15/195/65 سرعة V عمل ٩٠ الف ولسه بخيره >>> النقشة مازلت كويسة ولايوجد اي تشققات وعلامات tread wear لسه لم تظهر على السطح وهو انتاج اخر٢٠٠٧ ويابانى ده حتي الاستبن منزلش الارض >> الكاوتش ده عمره طويل قوي قوي
طيب اعمل اية .... اغيرة ولا استنى شويه علما بان عيبه الوحيد انه ناشف ومش مريح من الاول لكن ١٠ على ١٠ فى الفرامل و الgrip

و ياريت اللى كان عنده النوع ده يقول غيرة امتى

AND THANK YOU

[YHYAKOTB]

طالما مفيهوش تشققات او معووج بيخلى العربية تحدف خلية

اما لو عاوز تريح العربية وصوتها يهدى هات كاوتش طرى هيريح معاك العفشة ويريحك فى السواقة زى ميشلان او بريدجستون

[aldesha989]

اهم حاجه لو مش هتغيره تتأكد انه جامد مع الفرامل المفاجئه

[mshmshm3]

90 الف كيلو و من 2007 غيره احسن
مش شرط الكاوتش يشقق او نقشته تروح عشان تغيره
عمره الافتراضي 40 أو 50 الف كيلو متر او 5 سنين سواء كان راكب او متخزن
الكاوتش بيفقد عناصر كتير من تكوينه علي مرور الزمن و مش بيبان عليه بس بينشف و ممكن في اي لحظة لاقدر الله ينفجر
نصيحة غيره ولو الميزانية لاتسمح انك تجيب حاجة زي بريدجستون في حاجات كتير جدا سعرها معقول و ممتازة زي ميشلان و ماركات كتير
الكاوتش و الفرامل حاجتين مفيهومش تهاون

[Amr Axel]

90 الف كيلو و من 2007 غيره احسن
مش شرط الكاوتش يشقق او نقشته تروح عشان تغيره
عمره الافتراضي 40 أو 50 الف كيلو متر او 5 سنين سواء كان راكب او متخزن
الكاوتش بيفقد عناصر كتير من تكوينه علي مرور الزمن و مش بيبان عليه بس بينشف و ممكن في اي لحظة لاقدر الله ينفجر
نصيحة غيره ولو الميزانية لاتسمح انك تجيب حاجة زي بريدجستون في حاجات كتير جدا سعرها معقول و ممتازة زي ميشلان و ماركات كتير
الكاوتش و الفرامل حاجتين مفيهومش تهاون

زي ما mshmshm قالك
الكاوتش اساسا صلاحيته 5-6 سنين بدون تركيب و بشرط ان التخزين يكون جيد و ده طبعا غير متوافر هنا الا قليل جدااا و ده لأن الكاوتش مع مرور الوقت و تعرضه للعوامل الجوية و غيره بيفقد قوته زي مثلا السيور المفروض تجيبه انتاج جديد لانج لأن صلاحيته للتركيب بتكون في خلال 3-4 سنين و بعدها بيبدأ يفقد تماسكه و ده هتلاقيه مكتوب ع السير النضيفة زي الاصلية او نوعيات نضيفة مكتوب تاريخ انتاجه و يتم تركيبه خلال اد ايه
فمش شرط ان السلك يظهر او الفردة تتلوح او النقشة تتمسح التغيير هيكون وقائي لتجنب ان الكاوتش لا قدر الله ينفجر في اي لحظة انا جربتها كذا مرة حاول بس متجريش كتيير او سرعات عالية بيه لحد ما تغيره
بخصوص الكاوتش لو تقدر تجيب نفس الكاوتش من توكيله و ياباني جيبه بدون تفكير سيبك من باقي الانواع و الأفضل يكون الكاوتش ناشف عشان يعيش معاك خاصة هنا الكاوتش الطري مش هيستحمل الاسفلت و النقر و البلاوي اللي في الارض هنا و بالتالي عمره هيكون نص ده اما الناشف ان شاء الله يعيش معاك اطول فترة ممكنة

[janjon1978]

بالرغم من ان بعض انواع الكاوتش تعطى ضمان فوق ١٠٠الف بس مش فى مصر .... شكلى ان شاء الله هاغير الكاوتش الشهر ده وناوي كمان اجيب 15-65-205 دة هايزود ارتفاع العربية ٦مم فقط