برجاء الافاده من اصحاب المازدا 3 واصحاب الخبره

[ewermido]

ازيكم ياجماعه
كنت عايز اعرف شويه حاجات علشان ناوى اجيب مازدا 3 اوتوماتيك فا ياريت اللى معاهم العربيه ينصحونى انى اجيبها ولا اجيب حاجه تانيه
وعايز اعرف كفاءه العربيه والثبات وسعر اعاده البيع واسعار قطع الغيار وياريت كل حاجه ممكن تنصحونى بيها

[محمد عز]

كفاءه العربيه والثبات

العربيه محترمة جدا وثبات اكتر من ممتاز

وسعر اعاده البيع واسعار قطع الغيار

الحقيقة مقدرش افيدك كويس فى النقطه ده
لكن احسن واحد ممكن يفيدك هو justs لانه سئل على الموضوع ده كويس فى مصر

لو حابب الحق وانضم للشباب فى صفقه شرا المازدا 3 هتاخد خصم 15 الف جنيه

[farfora20082008]

بص يا استاذ ewermido العربيه بجد تحفه ولو قارنت بينها وبين العربيات اللي في نفس الفئه زي لانسر شارك تويوتا كرولا وسيفيك
انا شايفها بصراحه احسنهم value for money وبعديين اعتماديتها عاليه جدا والحمد لله اصبحت منتشره وقطع غيارها موجوده
كان في زمان ناس بتقول المازدا فاسده عشان اللي عنده مازدا كان معروف انه انسان مترف مش عشان ان العربيه وحشه واي نعم قطع غيارها كانت غاليه واضربلك مثل " تيل الفرامل كان من يجي سنتيين ب 900 جنيه دلوقتي موجود في محلات قطع الغيار واصلي ب 300 جنيه وده من سؤال الاخ بشمهندس خالد xirox1313
دلوقتي المثل المنتشر علي المازدا انها ال بي ام بتاع اليباني " عربيه شيك جدا - فخمه - كماليتها عاليه - اعتماديتها عاليه " وممكن تسأل واحد زي بشمهندس casber
سعر اعاده البيع " اصلا محدش بيبيع مازدا كتير لاني سمعت انها من العربيات اللي صعب انت نفسك تفرط فيها وكمان مع انتشارها سعر اعاده بيعها بيزيد"
بص يا سيدي في مجموعه بيحاولوا يجيبوا العربيه ده تبع معرض هيستوردها من السعوديه بضمان سونستا او سمارت كار وبخصم 15 الف جنيه عن سعرها في السوق
انا واحد من المجموعه دي وان شاء الله هنلتقي يوم الاتنيين الجاي عشان ندفع دفعه الحجز ونمضي العقود مع صاحب المعرض لو انت فعلا بتفكر في مازدا توكل علي الله وانضم لينا اولا هنكسبك كأخ وصديق وثانيا هتكسب حضرتك عربيه تحفه وبسعر جميل

ممكن تعرف الموضوع من بدايهته في قسم مازدا ....
اخر الاخبار: mazda 3
وبرضه اللينك ده

http://www.nilemotors.net/Nile/showthread.php?p=369714&posted=1#post369714

[ewermido]

شكرا على رد حضرتك
farfora.
انا اللى مقلقنى من العربيه قطع غيارها ومدى توافرها وكمان سعر اعاده البيع لان فى ناس كتير بيقولو بيعها تقيل وفين وفين لما تلاقى حد عايز يشترى مازدا لان زى ما معروف ان الناس بتشترى لانسر او تويوتا او هيواندى علشان رخيصه
فا هو ده اللى محيرنى
وانا ممكن انضم ليكو بس المشكله انى كنت عايز استلام فورى مش حجز ولسه استلام بعد فتره مع ان السعر يستاهل الواحد يستنى بس المشكله كلها فى موضوع الحجز

[Eng.Sameh]

شكرا على رد حضرتك
farfora.
انا اللى مقلقنى من العربيه قطع غيارها ومدى توافرها وكمان سعر اعاده البيع لان فى ناس كتير بيقولو بيعها تقيل وفين وفين لما تلاقى حد عايز يشترى مازدا لان زى ما معروف ان الناس بتشترى لانسر او تويوتا او هيواندى علشان رخيصه
فا هو ده اللى محيرنى
وانا ممكن انضم ليكو بس المشكله انى كنت عايز استلام فورى مش حجز ولسه استلام بعد فتره مع ان السعر يستاهل الواحد يستنى بس المشكله كلها فى موضوع الحجز

يا باشا معتقدش ان اسبوعين كتير ابدا ، وكمان لما تستنى اسبوعين وتوفر الفرق ده كله أحسن ؟ ولا تستلمها فوري او بعد يومين مثلا احسن ؟

جاوب انت بقلى السؤال وقرر

[ewermido]

استاذ justs حضرتك تعرف اخبار اعاده بيعها يعنى بتنزل كتير عن سعرها
وبتكون مطلوبه ولا تقيله فى بيعها؟؟

[Eng.Sameh]

استاذ justs حضرتك تعرف اخبار اعاده بيعها يعنى بتنزل كتير عن سعرها
وبتكون مطلوبه ولا تقيله فى بيعها؟؟

بص يا باشا هوه عموما موضوع البيع ده له عوامل كتيره ، يعني مثلا انت مزنوق وانت بتبيع ولا لأ ، بتبيع فين ، والفيصل بيكون حالة العربيه ،

بالنسبه لموضوع بتنزل كتير ولا لأ ، لأ هيه مش بتنزل كتير ، يمكن ده كان من سنتين قبل ما تنتشر والناس تعرفها ويبقى ليها قطع غيار متوفره وباسعار معقوله ( يعني مثلا التيل كان ب 900 جنيه دلوقتي بره التوكيل ب 300 جنيه )

بالنسبه لسرعة البيع فهي مرتبطه بنفس العوامل اللي ذكرتها ، وعموما أنت لو جبت المازدا3 مش هتفكر تبيعها وده بشهادة ناس كتير ، وحتى لو فكرت تبيعها ، الكل دلوقتي او معظم الناس عارفه العربيه وجودتها وقطع غيارها موجوده في اماكن كتير ، يعني ألف مين يشتريها ، بس بردو انت لو نزلت منها مش هتعرف تركب غير بي ام ،

[ewermido]

justsشكرا على سرعه رد حضرتك بس معلش هتعبك شويه معايا
فا ياريت لو فى ايميل لحضرتك تبعته علشان عندى شويه استفسارات ومحدش هيقدر يفيدنى اكتر منك