مازدا 3

[Kareem.ElAraby]

السلام عليكم يا رجاله المازدا

محتاج منكم مساعده بقي
واحد صاحبي عاوز يجيب مازدا 3 شكل 2007-2010
عمالين نلف و مش لاقين حاله عدله و يوم ما لاقينا الحاله لقينا سعر عالي شويه
2009 ماشيه 52 بس طالب فيها 99 و ما كانتشي أيرو بس كانت فابريقه بره و جوه بس السعر عالي شويه
كلمت وليد بصراحه ربنا يباركله ساعدني و فهمني الفرق في الفئات
دلوقتي هل حد عنده واحده حاله نضيفه من حد يضمنه أو يثق فيه و تكون للبيع أو تكون عربيته هو شخصيا بس الاهم عندي الحاله
روحت معرض بيقولي فابريقه بره و جوه و العربيه رشه و حالتها بالبلا بس قولت أخد فكره و أشتري بكره
ايه أخبار قطع الغيار و الصيانه
جديد و استيراد
و الميكانيكيه بتوعها فين و ايه أسعارهم و مصنعيتهم
محتاج مساعدتكم و ما حدش يبخل بمعلومه أي كان هو شايفها تافهه

و لكم مني جزيل الشكر

[M.Mehrez]

مازدا 2007-2008 بتبقى فى حدود ال75- 80 الف لو فبريكه بره و جوه و ده طبعا لاول فئه

بالنسبه لو عايز تكشف على العربيه يبقى سمارت كار على طوووووول

قطع الغيار فى شارع دمشق او الحرفيين

العربيه دى ممتازه جدا جدا و متسمعش كلام الميكانيكيه البوابين بتوع مصر دول

و دور على كونتاكت كار هتلاقى كتير بس اهم حاجه الحاله اكشف عليها فى سمارت هيجبولك تاريخها كله :)

وانا تحت امرك و ربنا يوفقك لعربيه كويسه ان شاء الله

[Kareem.ElAraby]

لك مني جزيل الشكر

طب و الايرو و موديلات 2009-2010 ?!

[M.Mehrez]

مقدرش افتى بقى :)

المعلومات اللى قولتهالك دى علشان دى الفئه اللى كنت بدور فيها و الحمد لله جبتها :)

[hasan karmoony]

بص ياباشا العربيه المازدا دي تحفه اووي وبسموها البي ام الصغيره عشان ثبتها الطريق وتسارعها كويس جدا وكمان عربيه فخمه وشبابيه كمان
بس فيها عيب بيعتبر ميزه بره مصر لاكن جوه مصر عيب انها واطيه جدا علي الارض بس عن نفسي معلي العربيه والحمد لله مرتاح وعربيه مشاء الله بتاعت طريف يعني بتاعت سفر
وبالنسبه لي قطع الغيار مش غاليه اوووي زي الاوكتفيا الفولكس واعطالها قليله طالما انت بتصينها اول بي اول
وانا لما كنت في سمارت كار بيشكروا اووي في الموديل من 2005 لحد 2009 والشكل الجديد مش بيشكروا فيها
وكمان انت لو ركبتها صعب اوووي تنزل منها وتركب اي عربيه تانيه غير الاماني
ونصيحه تانيه ماتتعمليش مع حد مش فاهم فيها عشان هيفتي فيها الناس الي فهما فيها معروفين
وبصراحه هيه بتاكل بنزين زي النيسان الصني بس مش جامد
والفرق بقه بالنسبه للفئات في كزا حاجه
اول فئه فيها كل حاجه بس بتيجي من من غير جنط ولا فتحت سقف ولا فوانيس شبوره ولا سمارت كي وفيها تكيف يدوي مش تاتش ومفهاش حساس مطر
لاكن اعلي فئه بتيجي فيها كل حاجه بس في فئات مختلفه في الفول الاوبشن بتيجي شبك سبور وبتيجي شبك عادي وممكن تيجي من غير سمارت كي وومكن تيجي بسمارت وممكن تيجي فيها عتب وممكن لا بس فيها اسبويلر ده اساسي وكمان بيجي فيها مالتي فنكنشن وفيها فوانيس شبوره بس مختلفه فيها الشبوره بتيجي مستطيله او بيضاويه وفيها تكيف تاتش وفتحت سقف وطبعا حساس مطر وجنط كمان
الي فيها كل حاجه بيقولوا عليها ايروا فركز بقه في الحجات دي وانت بتشتري العربيه
لو عز اي حاجه احنه في الخدمه
وتحياتي ياباشا

[Kareem.ElAraby]

Thanks a MILLION

[gb auto]

كل الى فات بالنسبة لل2007
اما 2010 فهى احلى منها فى امكانيات اعلى من ال2007 زى السمارت تيرن وبدل البى جى بى
الى بى سى ام يعنى اوفر (يعنى فصل علبة فيوزات الصالون عن الكمبيوتر ) )
وكدة علبة الفيوزات اما تضرب ما تكلفش تمن كمبيوتر زى ال 2007
اما قطع غيارها فارخص من ال 2007 بشوية بس موجودة كلها
ولو عليز صيانة لحد البيت بجهاز المازدا
فعندك الرقم ده 01016323580
اسمو بركات

[Kareem.ElAraby]

شكرا جدا
للافاده
بس الميزانيه حاليا أخرنا 85 -90 امل نشد الحزام ف الشكل الجديد صعب شويه و لكن بأحب الشكل اللي قبليه أكتر
طب ممكن أسعار قطع غيار ال2007-2009 و اللي 2010
كنوع من المقارنه

[Mohamedgam]

معايا 2008 فابريكه بالكامل ماشيه 60 الف كم كامله فتحه سقف جنوط اعتاب سبور حساسات مطر ونور فرش جلد كمان انا مركبه تفصيل
ويلر حالتها زيرو من جوه وعفشه ومونور وفتيس جداد تماما
كلمني لو في نصيب
01211947707