المازدا 3 و الحررررررررررر

[WalidAdel]

مواضيع بقي اهي تفوق الناس شويه ... اما نشوف اخرتها ايه يمكن تتحرجوا و تعملوا مقابله ولا حاجه
بالنسبه للمازدا 3 و الحرررررررر ... اخبارها ايه
بتزودوا ميه كل اد ايه و ماشي طبعا بالتكييف زي حالاتي .... بتحطوا ميه نوعها ايه
و ياتري بتعسلوا دورة التبريد ولا لأ

بالنسبالي بقي العربيه في الحر ظريفه ماشاء الله .. مش بحسها بتتخنق و لا حاجه
غسلت مره دورة التبريد و بحطلها مية موبيل الحمرا دي جركن ب 75 جنيه و بتاخد 4.5 - 5 لتر ... مش فاكر اوي
و الميه بتبقي في النص مابين الMax و الMin في الاسبوع مثلا

[M.Mehrez]

بالنسبه للتكييف فهو بيشتغل بكيفه سعات جامد و ابرد منه و سعات يدوب يلطف الجو
و نفسى انضف الفلتر بس طبعا ده حوار كبيييير علشان الفلتر مكانه صعب

ايه الميه اللى بتتكلم عنها دى !!!! هل تقصد المياه الخضرا بتاعه التبريد ؟؟

[Thebutcherr]

انا زيك يابو وليد,جركن موبيل الاحمر و بزوده كل شهرين تلاتة بق مية
محرز لو غيرت فلتر التكييف هتحس بفرق جامد التحفة

[M.Mehrez]

انا نفسى و الله بس المشكله ان تغييره صعب بسبب مكانه بس ان شاء الله هحاول اغيره قريب

و بالنسبه للمياه الحمرا دى ايه ؟؟ !!

[WalidAdel]

محرز : فلتر التكييف بقي مافيش اسهل من تركيبه انا ساعة ماركبته عن عشم نوار في ميدان الجامع لان الطبيعي انك تفك التابلوه كله من تحت زي ماكل الناس عارفه .. روحت عند عشم نوار من 5 ايام و قولت ليله بقي لاقيت الواد ركبه بسهوله جدا فك 3 حاجات بس فبرتين و حاجه بيضه كده من جوه التابلوه و طلع الفلتر و ركب الجديد و شكرا علي كده
ولا فك تابلوه ولا اي حاجه ولا حتي فتحه اصلا ... كله من تحت ناحية صدر العربيه كده في 10 دقائق كان متغير و الفلتر من عنده ب 120 و زودت فريون ب 70 و مصنيعه 30 يعني كله 220
مره عملته عند احمد نوفل في الحرفيين فك التابلوه فعلا كله و ركبه و اخد 75 مصنعيه و 165 الفلتر و الكلام ده كان السنه اللي فاتت فمش عارف بقي السنه دي هياخد كام
عم شاااااادي : بالنسبه لاني بسافر كتير و كده فهل بقي اني ازود الكميه دي كويس يعني ولا ايه

[M.Mehrez]

طيب فين رقم او عنوان عشم نوار ده ؟؟ الحقنى بيه :)
و هل الفلتر اللى ب 120 ده اصلى و كويس ولا هيبوظ بعد فتره بسيطه !؟
و هل تزويد الفريون ده كده بالبركه ولا بيكشف الاول و يشوف اذا كنت محتاج ولا لا ؟

و يا جدعان حد يفهمنى ايه الميه اللى بتتكلموا عنها دى :d :d :d انا اللى اعرفه الميه الخضرا اللى فى القربه انما ايه الحمرا دى

[Thebutcherr]

يا محرز بيك : دى مياة تبريد بتتباع فى موبيل فى منها لونين اخضر و احمر زهرى ( تركيز مختلف) الموصى به للمازدا 3 الاحمر , تروح موبيل محترمة يغسلولك دورة التبريد و تحط المياة
بالنسبة للفريون فكترته مش حلاوة عشان لو الفريون زاد عن الضغط الموصى بيه مش بيبرد و بيفصل لوحده و يقلب هواء عادى و ده حصل معايا بعد ما مليت فريون عند العالمية و سفخ منى 270 جنيه بحجة ان فريون امريكى و ابتدا يفصل و رحتله دخلنى فى قصة نحل الكومبروسر و نشوف و كده و بعدين روحت لواحد شاطر كشف على ضغط الفريون و فتح المحبس ثنيتين و فسسسس شكرا اتفضل يا استاد مع الشلامة و من ساعتها و هو زى الفل لله الحمد
حاج بو وليد: المنسوب هو بين المين و الماكس لو زاد عن الماكس اصلا العربية تسخن عشان نسبة الهواء اللى فى القربه هتقل فالردياتير مش هيسحب من القربة اصلا لو ناقص

[ENG\AHMED]

فلتر التكييف يفضل تغييره
انا معرفش مكانه فى المازدا فين بس لو زى الفورد فا طبعا يتغير لأن العملة دى متتعملش غير مرة فى السنة
فلتر المازدا مش عارف ان كان زى الفورد ولا لأ , الفورد ليها الفلتر الاصلى فيه كربون علشان الريحة وفى فلاتر عادية لو المازدا نفس النظام هات الكربون احسن

ميه خضرا او حمرا حسب الموصى به فى كتالوج العربية

موضوع تزويد الفريون بلاش , لو الفريون ناقص يتسحب الفريون اللى فى الدايرة كله ويتحط كمية الفريون الموصى بها يعنى بتاخد مثلا 900 جرام يبقى تحط 900 جرام بس لو عداد الضغط مظبتش يبقى تكشف وتشوف السبب مش تشحن لحد لما العداد يظبط لأن ممكن تخش فى تسريب وقرف

[topstar]

طب انا التكيف عندي بيبقي شغال تمام ومره واحده ..يسخن.. وبعدين اقفله واشغله تاني يبرد...وساعات ضغط الهواه بيكون ضعيف ..وبعدين يقوه لوحده ..لغايه ما زهقت من التكيف وبفكر اغير كمبروسر وبقول يمكن العيب فيه

[WalidAdel]

شو ف ياباشا بالنسبه للفريون هو قاس و زود شويه علي العداد اليدوي بتاعهم ده لان انا السنه اللي فاتت اول ماجيبت العربيه حاطيته علي الجهاز اللي عندهم اللي بيعمل كل حاجه مره واحده ده
عندهم جهاز كده بيقف قدام العربيه و بتظبط عايز تعمل ايه و هو بيعيش بقي .. شفط كل الفريون اللي في دورة التبريد و كبس دورة التبريد كلها و بيقعد كابسها 10 دقايق او 5 دقايق مش فاكر و بيزود زيت للكمبروسر (ازاي ماعرفش) و بعدين بيزود فريون جديد خالص .. و انا فاكر انه ظبطها علي 550 جرام للمازدا السنه اللي فاتت و ده كان ب 180 السنه اللي فاتت دلوقتي بقي ب 250
انا خاليته يزود من الانبوبه بتاعتهم دي الصراحه اسرع و اوفر لانه مكنش ناقص كتير هما 30 جرام كل الحكايه فمش مستاهله
ماعرفش اذا كان الفلتر اصلي ولا لأ بس هو مش بيطلعه بالعلبه هو جابه في كيس كده خلاص و افتكر انه لو كان اصلي كان هايطلعوا بعلبته علشان يتأمع بيها قصاد الزباين انه بيجيب قطع الغيار الاصلي و كده
بالنسبه لعنوانه بص مش هاقدر افيدك فيه الصراحه لاني ماعرفوش و هايبقي اعلان علي المنتدي و حوارات كده كتير فالاسهل حضرتك كلمني و انت رايح و انا هاوصفهولك بالظبط و هافضل معاك و هاقولك تروح لمين و تخالي مين اللي يركبلك الفلتر و هما عارفيني و عارفين العربيه فهايفترني بسرعه
او لو تعرف شارع دمشق اللي في ميدان الجامع لما بيتقاطع مع شارع بيروت اللي هو وانت جاي من عند الميريلاند كده لو ماعرفتش اي حاجه من دول ابقي كلمني علي اتليفوني وانا هاعرف اوصلك ليهم : 01005079210

[ENG\AHMED]

شو ف ياباشا بالنسبه للفريون هو قاس و زود شويه علي العداد اليدوي بتاعهم ده لان انا السنه اللي فاتت اول ماجيبت العربيه حاطيته علي الجهاز اللي عندهم اللي بيعمل كل حاجه مره واحده ده
عندهم جهاز كده بيقف قدام العربيه و بتظبط عايز تعمل ايه و هو بيعيش بقي .. شفط كل الفريون اللي في دورة التبريد و كبس دورة التبريد كلها و بيقعد كابسها 10 دقايق او 5 دقايق مش فاكر و بيزود زيت للكمبروسر (ازاي ماعرفش) و بعدين بيزود فريون جديد خالص .. و انا فاكر انه ظبطها علي 550 جرام للمازدا السنه اللي فاتت و ده كان ب 180 السنه اللي فاتت دلوقتي بقي ب 250
انا خاليته يزود من الانبوبه بتاعتهم دي الصراحه اسرع و اوفر لانه مكنش ناقص كتير هما 30 جرام كل الحكايه فمش مستاهله
ماعرفش اذا كان الفلتر اصلي ولا لأ بس هو مش بيطلعه بالعلبه هو جابه في كيس كده خلاص و افتكر انه لو كان اصلي كان هايطلعوا بعلبته علشان يتأمع بيها قصاد الزباين انه بيجيب قطع الغيار الاصلي و كده
بالنسبه لعنوانه بص مش هاقدر افيدك فيه الصراحه لاني ماعرفوش و هايبقي اعلان علي المنتدي و حوارات كده كتير فالاسهل حضرتك كلمني و انت رايح و انا هاوصفهولك بالظبط و هافضل معاك و هاقولك تروح لمين و تخالي مين اللي يركبلك الفلتر و هما عارفيني و عارفين العربيه فهايفترني بسرعه
او لو تعرف شارع دمشق اللي في ميدان الجامع لما بيتقاطع مع شارع بيروت اللي هو وانت جاي من عند الميريلاند كده لو ماعرفتش اي حاجه من دول ابقي كلمني علي اتليفوني وانا هاعرف اوصلك ليهم : 01005079210

موضوع الشحن
المشكلة ان ممكن العداد فيه مشكلة او دورة التكييف نفسها فيها مشكلة وعلشان الظغط يظبط هيزود فريون وممكن الدورة تضرب
حصلت قبل كده معايا فى الفكترا وكان عند حد مشهور فى مدينة نصر , سربت فريون بعد 10 ايام ولبست بسببها 8 الاف جنية فى التوكيل

موضوع الفلتر الاصلى , الاصلى بتاع الفورد بييجى فى كيس مقفول
جربت الاصلى كربون odour filter وجربت الـ paper العادى فرق كبير يستاهل فرق الفلوس
ده غير ان فلتر التكييف فى الفوكاس فى مكان زفت فى دواسة السائق ولازم تفك دواسة البنزين فا هى عملة مرة فى السنة واخلص من قرفها

[WalidAdel]

طب انا التكيف عندي بيبقي شغال تمام ومره واحده ..يسخن.. وبعدين اقفله واشغله تاني يبرد...وساعات ضغط الهواه بيكون ضعيف ..وبعدين يقوه لوحده ..لغايه ما زهقت من التكيف وبفكر اغير كمبروسر وبقول يمكن العيب فيه

روح بردوا اكشف عند عشم نوار لان كان فيه مازدا هناك بيعمله شغل في الكمبريسور فاشوف كده يمكن يعرف يصلحه ولا حاجهو هو هايقولك المفيد يعني من الاخر

[topstar]

تسلم يا معلم :)

[gb auto]

مساء الخير على الجميع اول حاجة بالنسبة للمياه هي بتتظبط علي الماكس اما نوع المياه فكل عربية ليها نوع معين فالمازدا يفضل المياه الخضراء اما فلتر. التكييف فالاصلي ب٣٢٥ جنبه وفكو في المازدا ال٢٠٠٨ بتفك الفيوزات الي تحت التابلوه (طبعا تفك كبل البطاريه) وبعد كده مسامير في الجنب الشمال من تحت يطلع الفلتر بسهولة
اما ال ٢٠١٠ فبتفك الفلتر علطول لان مافيش علبة فيوزات

[gb auto]

اما ازاي تعرف ان عربيتك محتاجة فلتر او شحن فريون
فانت اول حاجة تعملها تشغل التكييف علي ٢ وتحط ايدك امام الهوايات لو لقيت هوا ساقع لكن ضعيف يبقي عايزة فلتر تكييف لكن لو هوا فقط يبقي عايزة شحن فريون (طبعا تشغل التكييف فترة الاول علشان ياخد حرارتو الطبيعية).