تظبيط عربيه 323 وعاوز رأيكم وخبرتكم

[mo3tsem]

أخيييراً أخترت

أنا معاي مازدا 323 موديل 89 الهاتش باك .. وكنت بفكر أجيب عربيه بي ام ولا أعدل المازدا .. بس الحمد لله قررت أني أعدل المازدا .. ومتشكر جداً للناس اللي ساعدتني في قسم البي ام
فأنا بقي عاوز رأيكم .. في طريقه تظبيط العربيه بس من ناحية كل حااااجه يعني ( الماتور - والشكل الخارجي وكده )

انا هقولكوا علي التظبيط اللي في دماغي

أولاً الماتور : 1- هجيب ماتور 1500 أنجكشن بتاع مازدا فاميلي بالتكيف بتاعه
2- تربو وده طبعاً هيبقي شغل العضو MMamdouh إن شاء الله
وطبعاً هغير الكهربا كلها عشان ميحصلش مشاكل بعد كده

الصالون: 1- بفكر أخليه زي ماهو وأعمله جلد وأظبطه وأجلد الطابلوه والسقف
2- كاسيت cd وسماعات بيونير أو كينود
وأخلي المرايات كهربا و الــ 4 زجاج كهربا
العفشه : لسه مقررتش أجيب عفشه رياضيه كامله كوني ولا أعمل العفشه بتاعتها :(

الشكل الخارجي : هغير لون العربيه أخليه أسود ميتالك مع أسبويلر نفس اللون
وأجيب عتب شاهين مثلاً عشان الزينون

الجنوط بقي فأنا لسه مغيرلها جنوط وجايب جنوط 13 بالكاوتش بتعاها .. بس بفكر أغيرها بجنوط 14


ده بقي كل اللي في دماغي عشانها .. فأنا بقي عاوز رأيكم إيه أظبطها ولا لأ ولو ظبطتها أعمل فيها إيه .. وإيه ممكن تكون التكلفه التقريبيه للحجات دي .. :)

[mo3tsem]

أه ودي شوية صور للعربيه

[Thebutcherr]

شوف يا كبير خد نصيحة اخوك و ارجوك تعقل , انا كان معايا 132_2000 و عملت زيك كدة تعديلات و عفشة و ماتور انجكشن و صالون ريكارو بيج و جنوط و اى حاجة تيجى فى بالك
النتيجة عربية حلوة اوى و الناس بتتلحس و دماغها تتلوح عليها
لكن صرفت حواى 20 الف جنية, و ملقتهومش فى البع لانك بتعمل لنفسك
هيطلع عينك لحد ما تقف على رجليها و هتكره نفسك و بعد ما تبتدى تفرح بيها كل شوية يطلع حاجة محتاجة تتظبط و هتضيع سنين عمرك عند الصنايعىة
صدقنى قضية خسرانة
اللى هتدفعه اطلع بيه لحاجة اعلى مش لازم تجيب زيرو عللى الموديل و شوية تعلى اللى بعده لحد ما ربنا يكرمك و تركب اللى نفسك فيه
اللهم بلغت اللهم فاسهد

[Saforyaa]

معاك حق حرام يصرف عليها