فرش الباب الداخلى مازدا 3

[dr/hamza]

ازيكم يا مازداوية.....انا عندى العربية بيز لاين ...بمعنى صاحبها اول مالك كان شاريها من الخليج ونزلها مصر وجمركها..وانا المالك التانى ...وهو كان شاريها من غير ازاز كهرباء وانا بفكر اقلبها كهرباء ...السؤال اغير فرش الابواب الداخلى واجيب بتاع ازاز الكهرباء بالضفيرة والمفاتيح وكده...ويا ترى هيكون جديد ولا استيراد..والتمن هيكون معقول ولا كالمعتاد نفخ ف نفخ من بتوع قطع الغيار والاكسسوارات ..ومصير الفرش القديم ايه علما بانه حالته كويسة جدااااا....ياريت متبخلوش عليا بالمعلومة .....

[sherif moneer]

الاحسن لحضرتك انك تجيب فرش الكهربا كامل بالضفاير والمكن والكلام ده عشان من جوه ميبقاش باين مكان لدراع الزجاج اليدوي
والفرش القديم شوف اللي هتجيب منه الفرش ممكن تنزله عنده وتاخد الكهربا وتدفع فرق
الفلوس مقدرش افيدك بقي :)

[pioneerahmed]

نفخ يا معلم دة موتور رفع الزجاج الواحد لوحدة ب 450 جنية استيراد

[dr/hamza]

الاحسن لحضرتك انك تجيب فرش الكهربا كامل بالضفاير والمكن والكلام ده عشان من جوه ميبقاش باين مكان لدراع الزجاج اليدوي
والفرش القديم شوف اللي هتجيب منه الفرش ممكن تنزله عنده وتاخد الكهربا وتدفع فرق
الفلوس مقدرش افيدك بقي :)

مشكورررررررررررررررر

[dr/hamza]

نفخ يا معلم دة موتور رفع الزجاج الواحد لوحدة ب 450 جنية استيراد

اه والله نفخ ...كل ما تروح تسأل على حاجة يقولك الف جنيه..زى ما يكون الالف ده هو العمله اللى بيشتغلوا بيها.....

[Thebutcherr]

خليها على اصلها احسن اسمع منى و متلعبش فى كهربتها
اللهم بلغت اللهم فاشهد

[dr/hamza]

خليها على اصلها احسن اسمع منى و متلعبش فى كهربتها
اللهم بلغت اللهم فاشهد

شكراااااااااا على ردك....بس ليه هو مش المفروض بيبقى فيه زى فيشة تتوصل عليها الضفيرة الجديدة...اصل انا مفكتش فرش الابواب ومعرفش ايه اللى جواها لغاية دلوقتى....عموما انا هشوف الاول ...لو لقيت انه هيبقى فى لعب ف الضفيرة مش هعملها...