إيه الكلام في مازدا 3 يا مزداوية O_o :D

[MaroTu]

إنشالله ناوي اجيب مازدا 3 2008 ايه رايكو فيها كعربية ؟؟ و غيه اخبار قطع الغيار غاليه ولا لا ؟؟ و هل هلاقيها بر التوكيل ولا هدوخ عليهاااا ؟؟ و رنج اسعارها عامل إيه ؟؟ وربنا يتقبل منا جميعا

[mr_green]

من تجربة قريب ليا

العربية جميلة جدا مفيش كلام و أنا سوقتها بنفسى كذا مرة

قطع غيار غالية جدا و مغالى فيها لدرجة إن بعض قطع الغيار سعرها مقارب لبى إم دابليو 316 نفس السنة

[walidadel81]

اشتري راحه دماغك وبلاش من العربيه دي عيوبها كتير جدااا وعربيه فشلت بمصر لاسباب كتير
خليك بلانسر احسن كاعتماديه واعاده بيع وتريح دماغك

[gym1974]

اشتري راحه دماغك وبلاش من العربيه دي عيوبها كتير جدااا وعربيه فشلت بمصر لاسباب كتير
خليك بلانسر احسن كاعتماديه واعاده بيع وتريح دماغك

السلام عليكم ورحمه الله ممكن حضرتك تحدد ايه هى العيوب لخدمة ونصح الزملاء وجزاك الله كل خير

[svneleven]

كنت بفكر فيها و كانت مع واحد معرفة قاللي أن الشنطة ضيقة جدا و كذلك الكنبة اللي ورا ما تنفعش أي حد طويل. لكن أنا بحب شكلها و أسمع أنها جراية و ثابتة طيعا. و بردو منه لله غبور عشان هو اللي مموتها و مغلي قطع الغيار.

[MaroTu]

الواحد ميعرفش يترفه في البلد ده يلا نشوف غيرها بقى

[hos3ziz]

لو ناوي علي مازدا فهي عربية ممتازة و مفيش مقارنة بينها و بين اللانسر طبعا بس هي قطع غيارها غالية شوية و مشاكلها محدودة بعيدا عن العفشة, لو ناوي توكل علي الله بس افحصها كويس قبل ما تشتري و عند حد متخصص مازدا مش عند أي حد, , و سعر ال 2008 في الثمانينات تقريبا و شوف على www........cars.com

[ser3a_0]

مازدا و لانسر دونت ميكس

يا باشا مازدا دي فاجره

اتكل علي الله

[walidadel81]

السلام عليكم ورحمه الله ممكن حضرتك تحدد ايه هى العيوب لخدمة ونصح الزملاء وجزاك الله كل خير

اول حاجه قطع غيارها اسعارها مبالغ فيها جدااا سيبك من انها مبالغ فيها المهم انك تلاقيها وده صعب جدااا
العفشه بتاعتها مش متوافقه من الطرق المصريه بلاش نقول انها وحشه او واطيه بس هنقول انها مش عربيه تنفع بالطرق المصريه
تالت حاجه اعاده البيع فيها بتتعب جداااا وبالذات لانها اكتسب سمعه مش تمام
من الاخر العربيه دي لو في بلد غير مصر هتكون ممتازه جدااا

[gym1974]

اول حاجه قطع غيارها اسعارها مبالغ فيها جدااا سيبك من انها مبالغ فيها المهم انك تلاقيها وده صعب جدااا
العفشه بتاعتها مش متوافقه من الطرق المصريه بلاش نقول انها وحشه او واطيه بس هنقول انها مش عربيه تنفع بالطرق المصريه
تالت حاجه اعاده البيع فيها بتتعب جداااا وبالذات لانها اكتسب سمعه مش تمام
من الاخر العربيه دي لو في بلد غير مصر هتكون ممتازه جدااا

ازيك اخى الفاضل تصدق بالله انا قربت اتجنن خلاص عايز اغير عربيتى ومعايا حوالى 100 الف جنيه فكرت فى الفلوانس قالوا التكييف تعبان والفتيس فيه نتشه والعفشة غير مناسبة برده للطرق بتاعتنا وثبات العربية برده مش اد كده والعربية بتلعب من ورا فى السرعات العالية فكرت فى اوبل فكترا 2008 ايزى ترونيك وده وحش طبعا قالوا الفتيس مش عملى وقطع الغيار نار قولت طيب نتوكل على الله ونزكز فى المازاد افضل قالوا العربية واطية وقطع الغيار نار ماهو الواحد يا جدعان علشان يركب عربية محترمة لازم يدفع الضريبة طب ساعدونى الله يبارك فيكوا انا عايز عربية اعتمادية وتكون قليلة الاعطال وتكون ثابتة وده اهم حاجة وتكون قطع غيارها متوفرة ومش مهم بقى غالية رخيصة بصراحة النقطة ده مش مهمة قوى بالنسبة لى اهم حاجة تكون موجودة بس وجزاكم الله كل خير

[walidadel81]

[QUOTE=gym1974;3875093460]ازيك اخى الفاضل تصدق بالله انا قربت اتجنن خلاص عايز اغير عربيتى ومعايا حوالى 100 الف جنيه فكرت فى الفلوانس قالوا التكييف تعبان والفتيس فيه نتشه والعفشة غير مناسبة برده للطرق بتاعتنا وثبات العربية برده مش اد كده والعربية بتلعب من ورا فى السرعات العالية فكرت فى اوبل فكترا 2008 ايزى ترونيك وده وحش طبعا قالوا الفتيس مش عملى وقطع الغيار نار قولت طيب نتوكل على الله ونزكز فى المازاد افضل قالوا العربية واطية وقطع الغيار نار ماهو الواحد يا جدعان علشان يركب عربية محترمة لازم يدفع الضريبة طب ساعدونى الله يبارك فيكوا انا عايز عربية اعتمادية وتكون قليلة الاعطال وتكون ثابتة وده اهم حاجة وتكون قطع غيارها متوفرة ومش مهم بقى غالية رخيصة بصراحة النقطة ده مش مهمة قوى بالنسبة لى اهم حاجة تكون موجودة بس وجزاكم الله كل خير

والله انا كنت بنفس حيره حضرتك كدا وكان ادامي حاجه من الاتنين انها ياتكون عربيه ذات رفاهيه عاليه واعتماديه او عربيه اعتماديه ذات رفاهيه قليله وكان الاختار الاول اني فكرت بالاكتافيا a5 طبعا عشان نتكلم بحاجه كويسه بالاكتافيا يبقا الكلام اقل حاجه بعربيه فئه الهاي لاين عداد قليل وحاله ممتازه عشان نضمن موضوع الفتيس برده 130 الف وقتها كان الكلام عالي شويه فقولت اشوف الاختيار التاني وكانت الانسر وطبعا انا مابقارن الاكتافيا بالانسر خالص بس بالرفاهيه بس بقارنها بالاعتماديه وانا بعمل بالعربيه بحدود من 60 الي 70 الف كيلو بالسنه وبالفعل توكلت علي الله وجبت الانسر وفعلأ عربيه تستحق يدفع فيها فلوس يمكن الناس تختلف معايا في الانسر فقيره بالامكانيات بس هيتفقو معاي انها عربيه اعتماديه من الدرجه الاولي وب 75 الف ممكن تركب عربيه لانسر محترمه موديل 2007 هاف اسبورت اتوماتيك فيها ABS فيها ارباج واحد تكيفها كويس بس مش زي الكوري زي النوبيرا بس بالنهار بشغل التكيف علي تلاته او اربعه لو كانت بشمس بالليل بشغله علي اتنين قطع غياره ممكن تلاقيها عند البقال فتيس CTV ده فعلا افضل فتيس اتوماتيك استخدمته عربيه غير معقده وسلسه جدااا بصيانتها ومن فتكره فكرت ابعها والله العظيم نزلت اعلان علي كونتكت بنفس اليوم كنت اخدت عربون من تمنها وبعد كده رجعت بالبيع لاني كنت هجيب اكتافيا ووللاسف كانت اتباعت وكنت شارط علي المشتري الامر ده
تقريبا العربيه بقالها حوالي 13 شهر معاي اتزكر اكبر مبلغ دفعته بالصيانه هي صيانه ال80 الف وتقريبا كان 1200 عشان غيرت زيت الفتيس وسير الكاتينه والمجموعه

[medokassem]

كل سنه وانتم طيبين الاول يا جماعة وربنا يعيد رمضان عليكم كل سنه وانتم باحسن حال يارب
بالنسبة للمازدا 3 العربية دي هتعاملها كويس هتشيلك هتعاملها وحش برضه هتشيلك وبص يا باشا علي عربيات الجيش في التمانينات مكنتش لانسر ولا تويوتا كانت مازدا 323 وده ان دل علي شئ دل علي شدة وقوة تحمل السيارة والجيش معندهوش هزار !
بالنسبة للبيقول قطع غيارها مش موجودة بتقول كده بناءا علي ايه حضرتك سالت الاول ؟؟؟
ياباشا قطع الغيار مترمية ده احنا عندنا في الزقازيق هنا انصاص يا باشا اه انصاص مازدا 3 في الزقازيق واسال اي عضو معانا من الزقازيق هياكدلك كلامي وعندنا الحصري لقطع الغيار المازدا والحاج محمود والراجل اللي عنده النصين مازدا ................... دول اللي عندنا اللي في الزقازيق فما باللك اللي في القاهرة !
انا هسال اللي بيقول قطع غيار المازدا غاليه يا باشا فتيش المازدا 3 جبته ب 2800
ياريت بقي تقول للناس فتيس الانسر بومه ال1600 الاتوماتيك بكام ؟؟؟ اه وعلي فكرة فتيس الانسر بومة الاوتوماتيك لو السير اللي جواه اتقطع بيتغير الفتيس كله علي بعضه وده عيب في الانسر فتيسها علي كف عفريت والكلام ده مش بسمعه لا بشوف لاناسر بومه في الورشة بتاعت حبيبي في الحرفين ده
اه المازدا والانسر دونت ميكس مع احترامي للانسر
المازدا نازلة ب 6 مقصات ورا مع stablizer بتاخد ثبات خرافي والعربية في مستوي الجيتا والاوكتافيا في الثبات ان لم تتكن تتفوق عليهم والكلام ده مش كلامي ده كلام الاستاذ forumla من عمالقة المنتدي وكان قايل الكلام ده في فسم المقارنات ممكن تدورو عليه
تعالي بقي نشوف قطع غيار العربيات اللي في مستوي المازدا زي الجيتا , عارفين فتيسها بكام ؟؟ ب 18 باكو مقفولين
طب بلاش انا هقعد اقارن الاسعار مع العربيات التانيه ليه انا هديك نبذة مختصرة عن اسعار قطع الغيار بتاعت المازدا
فوانيس امامي الفانوس الديبو ب 370
الاصلي ب2000
(انته وفلوسك ) ده مترمي وده مترمي
البطاحة ب 200 جنيه
المساعد في انواع كتير من اول ال اصلي لحد ال kyb من اول 450 - 850 للمساعد
تيل الفرامل من 180 - 550 للاصلي
طنابير من اول 350 للحد 400 جنيه للاصلي استيراد
هاتلي بقي يا باشا اسعار قطع غيار الاوكتافيا والجيتا لنفس الحاجات اللي انا قلتها ؟؟؟
بلاش ونبي سمعة علي العربية وخلاص اه في حاجات هبل زي اكصدام امامي استيراد ب ٣٥٠٠ بس عندك البديل تايواني و .... واقل من ٧٠٠ جنيه .
اللي ركب مازدا استحالة هيعرف ينزل لحاجة اقل واسال اي حد معاه بي ام ومازدا وشوف هيقلك ايه ( بي ام الصغيرة ، اخت البي ام بس علي صغير ،....)
مش معني كده انها احسن عربية في الكون لا
الكنبه اللي ورا ديقة واستهلاك بنزين عالي نسبيا
والوطيان ده مش عيب ده ميزه للبيجري وعيب للي مش بيجري
مفيش عربية كاملة .
وعيوب العربية دي بتاكل طنابير و الكبالن بتحتاج تتصلح او تتغير كل 90 الف كيلو لو انت رجلك تقيلة وطول النهار فرك وشد ولو انتا محافظ الكبالن تعمل معاك 150 الف مرتاح
العربية دي معانا منها المانيوال كمان والاوتوماتيك فاحنا حافظين العربية من الاكصدام للاكصدام زي مبيقولو وعلي فكرة عربيتي 2006 وماشية 265 الف والحمد لله عمري ملمست الموتور وبجيب عل 3 بتاعها 180
واللي يشوف العربية قسما بالله بيفتكرها موديل السنه دي العربية ماسكه نفسها ومش مبهوئة بعد الكيلوهات دي كلها ! اه وعلي فكرة لسه يا عيني واحد بنوبيرا مانيوال وقع معايا الواد اتصدم من اللي حصل فيه وجيه علي المزلقان اتكسف يهدي عشان مشفهوش قام واكل المزلقان بسرعة مع العلم ان عربيتي اوتو وجنط 16 وماشية كتير وهو مانيوال والكاوتش الاستوك ال 14 *_*
اقلك حاجة العربية مبنية علي شاسيه الفورد فوكاس و الكهربا بتاعتها عملاها شركة بوش Bouch
وديزاين التابلوه شركه بورش اللي مصمماه يعني من الاخر العربية فيها حلاوة الاوروبي وروح وثبات المريكي
ونعومة وراحة اليباني !
ومنضحطش علي بعض العربية دي زيرو في 2006 كانت ب 155 الف و ده كان مبلغ ساعتها انت بتشتريها بكام دلوقتي ؟؟ من اول 70 لحد ال 80
يعنيشاريها بنص التمن ولما تيجي تبعها عمرك ما هتخسر فيها ياعم قول هتخسر هتخسر كام ؟؟؟ 1000 2000 ؟؟؟؟؟ اسمك ركبت بيهم !
العربية دي قطع غيارها مترمية في كل حته من اول المكنه والفتيس لحد الحساسات وتيل الفرامل
واي استفسار انا في الخدمة .
تحياتي

[ser3a_0]

كل سنه وانتم طيبين الاول يا جماعة وربنا يعيد رمضان عليكم كل سنه وانتم باحسن حال يارب
بالنسبة للمازدا 3 العربية دي هتعاملها كويس هتشيلك هتعاملها وحش برضه هتشيلك وبص يا باشا علي عربيات الجيش في التمانينات مكنتش لانسر ولا تويوتا كانت مازدا 323 وده ان دل علي شئ دل علي شدة وقوة تحمل السيارة والجيش معندهوش هزار !
بالنسبة للبيقول قطع غيارها مش موجودة بتقول كده بناءا علي ايه حضرتك سالت الاول ؟؟؟
ياباشا قطع الغيار مترمية ده احنا عندنا في الزقازيق هنا انصاص يا باشا اه انصاص مازدا 3 في الزقازيق واسال اي عضو معانا من الزقازيق هياكدلك كلامي وعندنا الحصري لقطع الغيار المازدا والحاج محمود والراجل اللي عنده النصين مازدا ................... دول اللي عندنا اللي في الزقازيق فما باللك اللي في القاهرة !
انا هسال اللي بيقول قطع غيار المازدا غاليه يا باشا فتيش المازدا 3 جبته ب 2800
ياريت بقي تقول للناس فتيس الانسر بومه ال1600 الاتوماتيك بكام ؟؟؟ اه وعلي فكرة فتيس الانسر بومة الاوتوماتيك لو السير اللي جواه اتقطع بيتغير الفتيس كله علي بعضه وده عيب في الانسر فتيسها علي كف عفريت والكلام ده مش بسمعه لا بشوف لاناسر بومه في الورشة بتاعت حبيبي في الحرفين ده
اه المازدا والانسر دونت ميكس مع احترامي للانسر
المازدا نازلة ب 6 مقصات ورا مع stablizer بتاخد ثبات خرافي والعربية في مستوي الجيتا والاوكتافيا في الثبات ان لم تتكن تتفوق عليهم والكلام ده مش كلامي ده كلام الاستاذ forumla من عمالقة المنتدي وكان قايل الكلام ده في فسم المقارنات ممكن تدورو عليه
تعالي بقي نشوف قطع غيار العربيات اللي في مستوي المازدا زي الجيتا , عارفين فتيسها بكام ؟؟ ب 18 باكو مقفولين
طب بلاش انا هقعد اقارن الاسعار مع العربيات التانيه ليه انا هديك نبذة مختصرة عن اسعار قطع الغيار بتاعت المازدا
فوانيس امامي الفانوس الديبو ب 370
الاصلي ب2000
(انته وفلوسك ) ده مترمي وده مترمي
البطاحة ب 200 جنيه
المساعد في انواع كتير من اول ال اصلي لحد ال kyb من اول 450 - 850 للمساعد
تيل الفرامل من 180 - 550 للاصلي
طنابير من اول 350 للحد 400 جنيه للاصلي استيراد
هاتلي بقي يا باشا اسعار قطع غيار الاوكتافيا والجيتا لنفس الحاجات اللي انا قلتها ؟؟؟
بلاش ونبي سمعة علي العربية وخلاص اه في حاجات هبل زي اكصدام امامي استيراد ب ٣٥٠٠ بس عندك البديل تايواني و .... واقل من ٧٠٠ جنيه .
اللي ركب مازدا استحالة هيعرف ينزل لحاجة اقل واسال اي حد معاه بي ام ومازدا وشوف هيقلك ايه ( بي ام الصغيرة ، اخت البي ام بس علي صغير ،....)
مش معني كده انها احسن عربية في الكون لا
الكنبه اللي ورا ديقة واستهلاك بنزين عالي نسبيا
والوطيان ده مش عيب ده ميزه للبيجري وعيب للي مش بيجري
مفيش عربية كاملة .
وعيوب العربية دي بتاكل طنابير و الكبالن بتحتاج تتصلح او تتغير كل 90 الف كيلو لو انت رجلك تقيلة وطول النهار فرك وشد ولو انتا محافظ الكبالن تعمل معاك 150 الف مرتاح
العربية دي معانا منها المانيوال كمان والاوتوماتيك فاحنا حافظين العربية من الاكصدام للاكصدام زي مبيقولو وعلي فكرة عربيتي 2006 وماشية 265 الف والحمد لله عمري ملمست الموتور وبجيب عل 3 بتاعها 180
واللي يشوف العربية قسما بالله بيفتكرها موديل السنه دي العربية ماسكه نفسها ومش مبهوئة بعد الكيلوهات دي كلها ! اه وعلي فكرة لسه يا عيني واحد بنوبيرا مانيوال وقع معايا الواد اتصدم من اللي حصل فيه وجيه علي المزلقان اتكسف يهدي عشان مشفهوش قام واكل المزلقان بسرعة مع العلم ان عربيتي اوتو وجنط 16 وماشية كتير وهو مانيوال والكاوتش الاستوك ال 14 *_*
اقلك حاجة العربية مبنية علي شاسيه الفورد فوكاس و الكهربا بتاعتها عملاها شركة بوش Bouch
وديزاين التابلوه شركه بورش اللي مصمماه يعني من الاخر العربية فيها حلاوة الاوروبي وروح وثبات المريكي
ونعومة وراحة اليباني !
ومنضحطش علي بعض العربية دي زيرو في 2006 كانت ب 155 الف و ده كان مبلغ ساعتها انت بتشتريها بكام دلوقتي ؟؟ من اول 70 لحد ال 80
يعنيشاريها بنص التمن ولما تيجي تبعها عمرك ما هتخسر فيها ياعم قول هتخسر هتخسر كام ؟؟؟ 1000 2000 ؟؟؟؟؟ اسمك ركبت بيهم !
العربية دي قطع غيارها مترمية في كل حته من اول المكنه والفتيس لحد الحساسات وتيل الفرامل
واي استفسار انا في الخدمة .
تحياتي

اتفق معاك تماما
و فعلا انا معايا هنا انتيمي معاه 320 و عايز اقول بيقولي عربيتك واكله راسي و في الحنين الصيانه و ناوي يبجيبها

بصراحه متقارنش بلانس انا اصلا كان معايا لانسر الاول

العربيه اقل ما يقال عليها فاجره

[WalidAdel]

انا من احد ملاك العربيه العظيمه دي و داخل علي سنه و نص اهو ... ياريت حضرتك لو عندك اي استفسار عن العربيه تسأل بالظبط ايه اللي مضايقك فيها او بتسمع عنها ايه و انا هارد عليك
لكن الكلام العموم ده و من غير تجربه او امتلاك للعربيه هايشتتك و خلاص و مش هاتعرف توصل لقرار سليم
اسأل اي سؤال محدد عنها و بالنسبه لقطع الغيار في القسم هنا موضوع عن اسعار قطع الغيار كلها و الاصلي و البدائل بتاعتها و منين كمان

http://www.nilemotors.net/Nile/327685-3.html

كفكره عموميه في شراء سياره مستعمله علشان تريحك ... عداد قليل اهم حاجه و حاله نضيفه و بس

[abdohod]

متابع