السرعة القصوى للمازدا 3

[laithy]

يا جماعة أنا عاوز أستفسر من ملاك المازدا 3 في المنتدى عن السرعة القصوى اللي جابوها بعربياتهم.... اللي أعرفهم جابوا بيها 200
أنا عندي مشكلة مش عارف ايه سببها..... العربية من يوم ما جبتها مش عارف أعدي بيها ال 165 أو ال 170 خالص.... ده أخرها عندي
أنا قلت يمكن عشان في الأول بس محتاجة تليين.... بس دلوقتي أنا عامل 5000 كم و لسه زي ما هي مفيش أي زيادة
رحت صيانة ال 5000 كم بتاعت sonesta و المهندس هناك قاللي هينظفوا الفلاتر و بعدها هتبقى أحسن..... و دفعت 140 جنيه مع أني مش شايف ان العربية اتعمل فيها أي حاجة ....و للأسف لسه زي ما هية..... يا ريت حد عارف يقوللي المشكلة عندي في ايه؟؟؟

[محمد عز]

انا معايا مازدا 3 وجيبت بيها 180 بالعافيه
وهما كاتبين فى الكتالوج ان السرعه القصوى ليها 176

وفيه عوامل كتير بتاثر على انك تجيب اقصى سرعه
زى اتجاه الهوا معاك ولا ضدك
ميل الطريق اللى ماشي عليه هوا طالع ولا نازل

الحاجة ده مش المفروض تقلقك خالص
وهتحتاج اقصى سرعه فى ايه

ممكن اللى جاب بيها 200 كان الهوا معاه والطريق نازل
بس فى الظروف العاديه صعب انها تجيب 200
وده بشهادة الشركه اللى قالت ان اقصى سرعه للاتوماتيك 176

[blazer]

واحد صاحبى جاب بيها 180
و اعتقد ان الكاتالوج لا يعبر عن رقم اقصى سرعه لانه ممكن يتكسر
اذا كان فى ناس بلنوبيرا جابوا 200 مع فرق الماتور طبعا

[tote_ide]

ازاى يعنى يا جماعة انا جبت بالهيوندى الاكسنت النيو شيب 200 على طريق اسكندرية كان واحد صاحبى مأجرها وطول الطريق 180 يبقى المازدا ماتجيبهمش ازاى وأشك ان اداء العربية هيزيد بعد أو 10000كيلو أظن ان دا افضل عمر للعربية تقريبا
والخطة اللى جايه اشوف شاركى هتعمل معايا ايه

[Kamal-1]

على فكرة المازدا 3 على طريق السخنة بالضبط بعد "واحة محمد" كانت كاسرة 195 لان بالسيفيك كنا ماشيين 195 بس طبعا طلعت منه 206

ورجعت ل 120 بعدها وفضلت مثبت طول الطريق

[blazer]

على فكرة المازدا 3 على طريق السخنة بالضبط بعد "واحة محمد" كانت كاسرة 195 لان بالسيفيك كنا ماشيين 195 بس طبعا طلعت منه 206

ورجعت ل 120 بعدها وفضلت مثبت طول الطريق

ايه الحلاوه دى ادى الكلام 206 (مش دى عربيه بيجو برده ولا ايه )

[laithy]

أنا هاحكيلكو على موقف حصللي و يا ريت حد يقوللي ايه تفسيره
كنت راجع من مارينا قبل الفجر وماشي على طريق الساحل أيام ما العربية كانت عاملة 2000 كم ....راكبين 4 في العربية و مشغلين التكييف.....لقيت شاب معاه Sunny راكب لوحده و شادد جامد الحقيقة....أنا قرصت جامد أنا كمان و جبته و عديته....و فضلنا شادين قصاد بعض و هو ورايا مش عارف يجيبني خالص.....المهم أول ما عربيتي و صلت ل 160 هو طلع مني علاطول و أنا معرفتش أجيب أكتر من كده

و موقف تاني..... كنت ماشي على طريق بورسعيد راكبين 4 برضه مع التكييف بس في عربية تويوتا 2008 الخليجي .... ماشي على 180 و العربية كان واضح ان لسه ممكن تجيب أكتر.... اللي هي موتورها 107 حصان برضه زي المازدا مع فرق ان التويوتا أكبر.....يعني مفروض المازدا أسرع.....

ايه السبب؟؟؟؟
أنا أصلا فضلت المازدا على عربيات كتير أغلى منها عشان عارف انها عربية سريعة و ثابتة عالطريق

[Kamal-1]

206 دي السرعة اللي تجاوزناه بها

[theking2690]

يا رافع راس السيفيك فوق يا باشا انا اعلى حاجه جبتها بالعربيه كانت 203 و الصراحه قلقت ازود عن كده انا كلامى على السيفيك طبعا

[blazer]

206 دي السرعة اللي تجاوزناه بها

عارف والله انك سبقته بسرعه 206 /ساعه :):)

[Kamal-1]

يا رافع راس السيفيك فوق يا باشا انا اعلى حاجه جبتها بالعربيه كانت 203 و الصراحه قلقت ازود عن كده انا كلامى على السيفيك طبعا

على فكرة انا مصور عداد عربيتي وهي جايبة 203 هههههه بس على فكرة هي اخرها 211
علة ما اعتقد بس خلاص انا حرمت من ساعة اخر مرة اتسحبت رخصتي 186 على طريق مطرووووووووووووووووووووووووووح وبقيت ملتزم 120-140 في السفر

[the_wheel_man]

انا سمعت كلام عن المازدا انها بتأفل 200 بس مجربتهاش الصراحة
س الصراحة انا الشارك جايب بيها 205 علي اسكندرية الصحراوي و في 55 دقيقة كنت في القاهرة و دة رقم قياسي
حد يعرف يكسرة؟؟؟؟؟

[tote_ide]

ممكن تقولى مواصفات الشارك اللى انت كنت بيها وكنت مشغل التكييف ولا لأ.؟؟؟

[ahmad--ezzat]

يجماعة هيا ال 200 وال 190 والحجات دى سهلة اوى عندكم كدة لية بس
السرعة العالية خطر ياجماعة وبتخف وزن العربية مهما كانت نوعها (يارب يكفينا شر الطريق)

[abo samra]

بالنسبه للماذدا 3 معروفه من زمان................ فى الظروف العاديه من غير مواجهة الهواء للسياره او مش فى منزل السياره اخرها 195 اوتوماتيك و 200 مانيوال تقريبا