مساعدة عن المساعدين

[omarkhaled55]

دلوقتى انا محتاج اغير مساعدين امامى وبطاحات
لقيت سعر ال kyb 950 جنية والبطاحات 450 يبقى كدة جديد ب 1400 جنية
ولقيت المساعد كامل استيراد ب1200 ال 2
المساعد كامل = مساعد وسوستة وبطاحة
اية رايكو اجييب ميين خصوصا ان برة بيشتكو من ال kyb
ساعدونى بقى

[Magoda]

بص هيا الـ Kyb كويسة وناس كتير بيشكروا فيها
انت بقى ممكن تجيب المونرو بس هتلاقيهم اغلى وبيبقى معاهم ضمان سنة بتجيبهم من توكيل مونرو هشام لهيطة

[janjon1978]

بلاش الاستيراد لان اصلا المساعد الاصلى بولندى الصنع و بيبوظ بسرعة

[Thebutcherr]

Kyb ركبته من 40 الف كيلو و زي الورد توكل علي الله بلاش استيراد فى العفشة

[omarkhaled55]

تمام كدة شكرا يا رجالة
محدش يعرف بقى طنابير خلفى الاقيها فييين
او بكام فى التوكيل ؟؟؟

[hos3ziz]

دلوقتى انا محتاج اغير مساعدين امامى وبطاحات
لقيت سعر ال kyb 950 جنية والبطاحات 450 يبقى كدة جديد ب 1400 جنية
ولقيت المساعد كامل استيراد ب1200 ال 2
المساعد كامل = مساعد وسوستة وبطاحة
اية رايكو اجييب ميين خصوصا ان برة بيشتكو من ال kyb
ساعدونى بقى

ال kyb عند العالمية ب 850 كان من حوالي شهرين و لو عايز حاجة احسن المونرو بس غالي كان سعره 1320

[medokassem]

انا ال kyp عامل بيهم 100 الف كم ولسه زي الفل مشاء الله
و البطاحة تعملها 200 جنيه الواحده بس مش فاكر الاصلية ولا اللي مش اصلية

[abdullahraafat]

يا جماعه بعد اذنكم لو ينفع اللي غير حاجه في العربيه يكتبهم تحت بعض و بكم...
أنا بحب الربيه جدا بس عايز أعرف قطع غيارها عامله ايه أنا عارف انها غاليه بس عايز أعرف ف استطاعتي ولا لأ؟؟
شاااكر جدا مقدما

[saddam]

صديقي المواطن المساعدين من الحاجات اللي مينفعش تركب فيها إستيراد الجديد حتى لو مش أد كده أحسن عشر مرات من اﻷصلي نصيحتي عن مئات وليس عشرات التجارب ودمتم للنضال