إعـــــــلان

Collapse

.

,
See more
See less

مشكلة قالوا عنها شفت بلوك shift bloch

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    مشكلة قالوا عنها شفت بلوك shift bloch

    النهاردة مشيت بالعربية فى شوية زحمة كده ماشاء الله.. حوالى ساعتين ومشغل التكييف ف امان الله ..ووصلت اخيرا للمكان اللى انا عايزه ..ونزلت خلصت اللى ورايا ف حوالى ساعة ونص...رحت علشان امشى بالعربية ..دورت ..دارت..جيت انقل من ال الباركنج p الى ال دريف d . ابص الاقى الفتيس مش راضى يرجع ..يالهوى..ايه ده ...فصلت البطارية وعملت ريستارت للكنترول ..مفيش فيادة الفتيس زى الحجر ومش بيتحرك من الباركنج p .كلمت واحد صاحبى قاللى دى حاجة اسمها shift block شفت بلوك..يعنى الفتيس بيهنج ومش بيرضى ينقل 0....طب والحل يا صديقى ..قاللى دور على اى زرار عليه كلمة شفت بلوك ملقتش...وبعد محاولات مضنية...لاقيت كلبس صغير جنب الفتيس فتحته لاقيت فتحة فحطيت سن مفك كان معايا ..راح الفتيس راجع والدنيا بقت تمام ..قلت ارجع تانى لل p رجع عادى بس مرضيش يغير تانى ..رحت حاطط المفك تانى..راح مغير ومشيت وروحت بس المشكلة دى لسه مستمرة ...يا ترى ده ايه وايه الحل ..العربية مازدا 3 موديل 2006 عداد 120 الف كم....يايريت يا جماعة اللى يعرف الحل يساعدنى..
    الكلمات الدلالية (Tags): bloch, shift, بلوك, شفت, عنها, قالوا, مشكلة
  • #2
    هو كدا العيب من كنترول الفتيس ممكن تغيره بواحد استيراد
    سارح فـ غربة بس مش متغرب :S_thum1[1]:
    [shfaf2]https://scontent-b-cdg.xx.fbcdn.net/hphotos-xap1/v/t1.0-9/10885528_660182824094154_6902646680377564859_n.jpg?oh=d4576f79606fd1296a089e78b6577ec4&oe=55590336[/shfaf2]

    Comment

    • #3
      مشكور على ردك السريع...بس ياترى هو كده كنترول الفتيس باظ خالص..ويا ترى ثمنه استيراد ف حدود كام

      Comment

      • #4
        المشكلة مش في كنترول الفتيس زي ما الأستاذ البشمهندس قال.!!!!
        ومش عارف هوا قال كنترول فتيس علي أي أساس,,!!!

        كنترول الفتيس هيا وحدة التحكم الخاصة بالفتيس اللي بتتحكم في النقلات وبتاخد قرايات الدواسة بتاعت البنزين والكيك داون عشان ينقل الغيارات ويتحكم ضغوط وحركة الزيت جوا الفتيس,,
        ولو كانت مشكلة في الكنترول مكنش الفتيس نقل معاك نقلات طبيعية ولا العربية أتحركت,,

        المشكلة عندك في حساس الباركنج اللي بيقفل السن اللي زي الموسوجر بتاع الأبواب علي غيار ال p لما بتختارة,
        ودا هتلاقيه في التوكيل أو عند أي حد بيبع قطع غيار مازدا.
        LeitoSR سابقا

        Comment

        • #5
          المشاركة الأصلية كتبت بواسطة leitosr مشاهدة المشاركة
          المشكلة مش في كنترول الفتيس زي ما الأستاذ البشمهندس قال.!!!! :l_bhuhhh[1]:
          ومش عارف هوا قال كنترول فتيس علي أي أساس,,!!! :t_thum1[1]:

          كنترول الفتيس هيا وحدة التحكم الخاصة بالفتيس اللي بتتحكم في النقلات وبتاخد قرايات الدواسة بتاعت البنزين والكيك داون عشان ينقل الغيارات ويتحكم ضغوط وحركة الزيت جوا الفتيس,,
          ولو كانت مشكلة في الكنترول مكنش الفتيس نقل معاك نقلات طبيعية ولا العربية أتحركت,, :copy of rfds:

          المشكلة عندك في حساس الباركنج اللي بيقفل السن اللي زي الموسوجر بتاع الأبواب علي غيار ال p لما بتختارة,
          ودا هتلاقيه في التوكيل أو عند أي حد بيبع قطع غيار مازدا.
          سيدي الفاضل .. أنا اسف يمكن اختلط عليا الأمر او فهمت غلط من الأساس
          بس ازاي طالما بيرستر الفتيس بيشتغل معاه !!
          سارح فـ غربة بس مش متغرب :S_thum1[1]:
          [shfaf2]https://scontent-b-cdg.xx.fbcdn.net/hphotos-xap1/v/t1.0-9/10885528_660182824094154_6902646680377564859_n.jpg?oh=d4576f79606fd1296a089e78b6577ec4&oe=55590336[/shfaf2]

          Comment

          • #6
            انا هافكر فى تشخيص اخر يمكن يكون منه
            المفروض لما تدوس فرامل بتسمع تكة فى الفتيس و دى معنها ان اللسان اللى هو اللوك shift lock اللى مانع التحويل من p الى R اتحرك وفتح المجره بتاعة الفتيس علشان يتحرك .... هنا بقى السوال هل لسة بتسمع التكة دى ولا لا ... اذا كنت لاتسمعها مع الفرامل و الفتيس على p يمكن تكون المشكلة ابسط من موضوع كنترول الفتيس و يبقى فى السنسور اللى بيدى الامر الى اللوك علشان يفتح
            [CENTER][SIGPIC][/SIGPIC] [/CENTER]

            Comment

            • #7
              المشاركة الأصلية كتبت بواسطة eng.salama93 مشاهدة المشاركة
              سيدي الفاضل .. أنا اسف يمكن اختلط عليا الأمر او فهمت غلط من الأساس
              بس ازاي طالما بيرستر الفتيس بيشتغل معاه !!
              بص يا بشمهندس حصل خير,,
              كنترول الفتيس أبعد ما يكون عن المشكلة اللي بيوصفها صاحب الموضوع, فأنا أستغربت من ردك وثقتك بأنه كنترول ويجب تغييرة بواحد أستيراد.!!

              مهمة الكنترول هيا التحكم في الضغوط داخل الفتيس, وبياخد قرايات دواسة البنزين وعلي أساسها بينقل الغيارات علي حسب دوستك إذا خفيفة بينقل لأعلي غيار عشان يحقق أحسن أستهلاك للبنزين,
              لو دوستك تقيلة هينقل علي غيارات أقل عشان يحقق أفضل تسارع, وبيبقي فيه خصائص تانية زي الكيك داون, ودي خاصية بأوامر لوحدها جوا كنترول الفتيس,, وفي الأخر بيكون متصل بكنترول موتور العربية عشان يقدر يوصله البيانات دي,


              دكتور حمزة لما فصل البطارية, كانت محاول منة لعمل ريسيت لكنترو العربية مش الفتيس,,
              عشان مكنش عارف العيب من أيه,, وبنسبة قليلة الريسيت بينفع لو كان السينسور معلق ومش بايظ.

              وهوا لما عمل الريسيت مجابش نتيجة معاه ولا الفتيس أشتغل بعد الريستارت زي مانت بتقول,,
              أو يمكن أختلط عليك الأمر وأنت بتقرأ,
              هوا قال ::
              لاقيت كلبس صغير جنب الفتيس فتحته لاقيت فتحة فحطيت سن مفك كان معايا ..راح الفتيس راجع والدنيا بقت تمام ..قلت ارجع تانى لل p رجع عادى بس مرضيش يغير تانى ..رحت حاطط المفك تانى..راح مغير ومشيت وروحت بس المشكلة دى لسه مستمرة
              يعني في المرتين أضطر أنو يضغط علي الكلبس بسن مفك عشان يقدر يحرر الفتيس من ال Parking gear في المرتين,,,

              فمعني كدا إن الحساس باظ, ولازم يتغير, عشان يقدر يركن العربية علي ال P ويحررها منها لما يحب يتحرك بيها تاني.
              والمشكلة مالهاش علاقة بكنترول فتيس العربية.

              تحياتي ليك.
              LeitoSR سابقا

              Comment

              • #8
                المشاركة الأصلية كتبت بواسطة janjon1978 مشاهدة المشاركة
                انا هافكر فى تشخيص اخر يمكن يكون منه
                المفروض لما تدوس فرامل بتسمع تكة فى الفتيس و دى معنها ان اللسان اللى هو اللوك shift lock اللى مانع التحويل من p الى R اتحرك وفتح المجره بتاعة الفتيس علشان يتحرك .... هنا بقى السوال هل لسة بتسمع التكة دى ولا لا ... اذا كنت لاتسمعها مع الفرامل و الفتيس على p يمكن تكون المشكلة ابسط من موضوع كنترول الفتيس و يبقى فى السنسور اللى بيدى الامر الى اللوك علشان يفتح
                تمااااام هو ده الله ينور عليك..اشكرك على ردك...هو ده فعلا اللى حاصل دلوقتى ..التكة دى راحت..

                Comment

                • #9
                  كنترول الفتيس هيا وحدة التحكم الخاصة بالفتيس اللي بتتحكم في النقلات وبتاخد قرايات الدواسة بتاعت البنزين والكيك داون عشان ينقل الغيارات ويتحكم ضغوط وحركة الزيت جوا الفتيس,,
                  ولو كانت مشكلة في الكنترول مكنش الفتيس نقل معاك نقلات طبيعية ولا العربية أتحركت,,

                  المشكلة عندك في حساس الباركنج اللي بيقفل السن اللي زي الموسوجر بتاع الأبواب علي غيار ال p لما بتختارة,
                  ودا هتلاقيه في التوكيل أو عند أي حد بيبع قطع غيار مازدا.[/QUOTE]

                  الله ينور عليك..تقريبا هى دى المشكلة اللى عندى ...بس مش عارف مين يتعامل معاها ..مكانيكى ولا كهربائى ..

                  Comment

                  • #10
                    يا فاندم المشكلة بسيطه و هي متكررة في عربيات كتير ... و العيب من مكنة الأستوب (صباع الأستوب ) علق و مبيخليش الفتيس يفك اللوك و الصباع موجود ورا دواسة الفرامل ممكن تفكة و تنضفة أو تغيرة بنفسك
                    وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعُونْ

                    Comment

                    • #11
                      المشاركة الأصلية كتبت بواسطة dr/hamza مشاهدة المشاركة
                      النهاردة مشيت بالعربية فى شوية زحمة كده ماشاء الله.. حوالى ساعتين ومشغل التكييف ف امان الله ..ووصلت اخيرا للمكان اللى انا عايزه ..ونزلت خلصت اللى ورايا ف حوالى ساعة ونص...رحت علشان امشى بالعربية ..دورت ..دارت..جيت انقل من ال الباركنج p الى ال دريف d . ابص الاقى الفتيس مش راضى يرجع ..يالهوى..ايه ده ...فصلت البطارية وعملت ريستارت للكنترول ..مفيش فيادة الفتيس زى الحجر ومش بيتحرك من الباركنج p .كلمت واحد صاحبى قاللى دى حاجة اسمها shift block شفت بلوك..يعنى الفتيس بيهنج ومش بيرضى ينقل 0....طب والحل يا صديقى ..قاللى دور على اى زرار عليه كلمة شفت بلوك ملقتش...وبعد محاولات مضنية...لاقيت كلبس صغير جنب الفتيس فتحته لاقيت فتحة فحطيت سن مفك كان معايا ..راح الفتيس راجع والدنيا بقت تمام ..قلت ارجع تانى لل p رجع عادى بس مرضيش يغير تانى ..رحت حاطط المفك تانى..راح مغير ومشيت وروحت بس المشكلة دى لسه مستمرة ...يا ترى ده ايه وايه الحل ..العربية مازدا 3 موديل 2006 عداد 120 الف كم....يايريت يا جماعة اللى يعرف الحل يساعدنى..
                      المشكلة في حاجة من الاتنين دول ملهاش تالت
                      فيوز الفتيس وده لما بيبوظ هتلاقي الكلاكس فاصل ؟؟؟
                      مكنه الاستوب ودي لما تبوظ هتلاقي نور الفرامل مبينورش ورا مع الفرامل
                      خلي حد يقعد جوه العربية ويدوسلك فرامل لو اللمض الخلفية منورتش يبقي مكنه الاستوب
                      ومتخليش حد يقلك حاجة تانية لحد ما تتاكد من الحاجتين دول
                      ومش هتطلع بره دول

                      Comment

                      • #12
                        المشاركة الأصلية كتبت بواسطة medokassem مشاهدة المشاركة
                        المشكلة في حاجة من الاتنين دول ملهاش تالت
                        فيوز الفتيس وده لما بيبوظ هتلاقي الكلاكس فاصل ؟؟؟
                        مكنه الاستوب ودي لما تبوظ هتلاقي نور الفرامل مبينورش ورا مع الفرامل
                        خلي حد يقعد جوه العربية ويدوسلك فرامل لو اللمض الخلفية منورتش يبقي مكنه الاستوب
                        ومتخليش حد يقلك حاجة تانية لحد ما تتاكد من الحاجتين دول
                        ومش هتطلع بره دول

                        والله العظيم انت برنس كبييررررر..فعلا الكلاكس فاصل..انا رايح اشوف حالا

                        Comment

                        • #13
                          المشاركة الأصلية كتبت بواسطة medokassem مشاهدة المشاركة
                          المشكلة في حاجة من الاتنين دول ملهاش تالت
                          فيوز الفتيس وده لما بيبوظ هتلاقي الكلاكس فاصل ؟؟؟
                          مكنه الاستوب ودي لما تبوظ هتلاقي نور الفرامل مبينورش ورا مع الفرامل
                          خلي حد يقعد جوه العربية ويدوسلك فرامل لو اللمض الخلفية منورتش يبقي مكنه الاستوب
                          ومتخليش حد يقلك حاجة تانية لحد ما تتاكد من الحاجتين دول
                          ومش هتطلع بره دول

                          الحمد لله المشكلة اتحلت بفيوزات للفتيس وللكلاكس والدنيا رجعت تمام زى الاول...انا بشكركوا كلكوا يا جماعة وشكر خاص ل ميدو ..و...LeitoSR....مجهودكم رائع ..شكرااااااا

                          Comment

                          • #14
                            المشاركة الأصلية كتبت بواسطة dr/hamza مشاهدة المشاركة
                            الحمد لله المشكلة اتحلت بفيوزات للفتيس وللكلاكس والدنيا رجعت تمام زى الاول...انا بشكركوا كلكوا يا جماعة وشكر خاص ل ميدو ..و...leitosr....مجهودكم رائع ..شكرااااااا
                            العفو يا دكتور تحت امرك ...... علي فكره ده فيوز واحد للكلاكس والفتيس علي نفس الفيوز
                            موجود في علبة الفيوزات اللي في الحوض

                            Comment

                            • #15
                              المشاركة الأصلية كتبت بواسطة dr/hamza مشاهدة المشاركة
                              الحمد لله المشكلة اتحلت بفيوزات للفتيس وللكلاكس والدنيا رجعت تمام زى الاول...انا بشكركوا كلكوا يا جماعة وشكر خاص ل ميدو ..و...LeitoSR....مجهودكم رائع ..شكرااااااا
                              الشكر لله, ومبروك علي حل المشكلة وأنها حاجة بسيطة في فيوز,,

                              وطبعاً الشكر الأكبر يرجع لأستاذ medokassem
                              لأنه وضح لك العيب يتحل أزاي بالظبط وبالطريقة عني,,
                              LeitoSR سابقا

                              Comment

                              السابق 1 2 template التالي
                              Working...
                              X