مساعدة في تظبيط مازدا 323

[zizophone]

السلام عليكم ,

ازيكم يا رجال المازدا ... كل سنة و حضرتكم طيبين

انا جايلكم ضيف من قسم تويوتا

نخش في الموضوع بقي : في واحد صاحبي قدامة مازدا 323

مواصفات العربية:
العربية موديل 82 - 1300 سي سي - لونها ازرق - فابريكة دواخل معادا بعض اجزاء بسيطة - حالة الماتور 60% - حالة العفشة 50% - حالة الصالون و الفرش 50% - الهيكل الخرجي تحتاج سمكرة و بوهية... مطلوب فيها 13 الف جنية.

الغرض من العربية:
هو عايز عربية يبدء معاها من الصفر (سمكرة وبوهية و بارومة - مكنة - عفشة - كهرباء - تعديلات تليق مع كلاسيكيتها (جنط - طقم صوت - زينون) )بحيث انه يطلع عربية واقفة ملهاش اخت .

طلبي بقي من حضارتكم لانه هو عايز حد يفيده بخبرتة من الاول

1- عايز يعرف اسعار ولو مبدئية عن قطع الغيار و ياريت لو اسعار (4 ابواب - كبوت - رفارف - طابلوة - عفشة كاملة " مساعدين - اسكترا - مقصات - كبالن ..." ) ... و اية احسن مكان يشتري منه قطع الغيار دي .. هي العربية مش محتاجة كل ده بس هو مجنون و ممكن يغيرهم :).

2-يا تري في عندك افكار كويسة ممكن تفيدة في:
-تعديل اداء الماتور و شكل العربية
-من جوة (تابلوة - فرش ابواب - سقف - كونسولة)
-من برة ( يا تري ايه احسن و اجمل درجة لون ازرق يليق عليها !! )
-اية التعديلات الحلوة الي ممكن تتعملها (الفوانيس - الشبكة - المرايات - الاكصدامات)؟ و يجيبهم منين!!

3- هل يمكن تحويل السيارة الي اوتوماتيك و تركيب تكيف محترم ؟

4- افضل صانيعية عن تجربة ممكن يساعدوه في الموضوع ده و يكونوا محترمين ( سمكري - بوهيجي - ميكانيكي - عفشجي - كهربائي - سروجي )

اهم سؤال بقي :) هل الفكرة دي كلها من اولها فاشلة و زي ما بنقول شري العبد ولا تربيتة !!

شكرا جزيلا

[zizophone]

يا تري ممكن نوصل للشكل ده

[saddam]

صديقي المواطن
الشكل ده طبيعي وأقل من عادي وطبعا ممكن توصل أعلى لكن حتحتاج تصرف 25 ألف جنيه أقل من كده يعني حتعمل كل حاجة كفتة والصح إن العربية تفضى عالصاج بره وجوه والمكنة يتعمل اللي فيها ونعمل العفشة ونغير كلوتشات وجنوط ونعدل الفوانيس ونعزل اﻷصوات ونغير فرش الطابلوه والكراسي واﻷرضية والكبوت والشنطة وسمكرة على أعلى مستوى وتترش لونين تلاتة من عربيات حديثة زي فيراري ولمبرجيني ومازيراتي ورولز رويس وأوستن مارتن واﻷفلام دي والكهربا تتعمل عالزيرو ويتعمل لها إكصدامين عمولة وتنفخ 4 رفارف وسبويلر ضخم وعتبتين نواكل في الجنب وشنطة براكات فوق السقف وباكيتات عريضة شبرين عمولة وتعيش حياتك وحتاخد منك شغل 6 شهور غير كده حتلزق وحتطلع أي كلام اللي بيكلمك رامي حاليا 9 عربيات في الشد وعارف اللي فيها وملحوظة إنت صارف صارف العربية دي مش مميزة عشان تصرف عليها وأنا سعيد بيك وأتمنى لك التوفيق ودمتم للنضال

[zizophone]

صديقي المواطن
الشكل ده طبيعي وأقل من عادي وطبعا ممكن توصل أعلى لكن حتحتاج تصرف 25 ألف جنيه أقل من كده يعني حتعمل كل حاجة كفتة والصح إن العربية تفضى عالصاج بره وجوه والمكنة يتعمل اللي فيها ونعمل العفشة ونغير كلوتشات وجنوط ونعدل الفوانيس ونعزل اﻷصوات ونغير فرش الطابلوه والكراسي واﻷرضية والكبوت والشنطة وسمكرة على أعلى مستوى وتترش لونين تلاتة من عربيات حديثة زي فيراري ولمبرجيني ومازيراتي ورولز رويس وأوستن مارتن واﻷفلام دي والكهربا تتعمل عالزيرو ويتعمل لها إكصدامين عمولة وتنفخ 4 رفارف وسبويلر ضخم وعتبتين نواكل في الجنب وشنطة براكات فوق السقف وباكيتات عريضة شبرين عمولة وتعيش حياتك وحتاخد منك شغل 6 شهور غير كده حتلزق وحتطلع أي كلام اللي بيكلمك رامي حاليا 9 عربيات في الشد وعارف اللي فيها وملحوظة إنت صارف صارف العربية دي مش مميزة عشان تصرف عليها وأنا سعيد بيك وأتمنى لك التوفيق ودمتم للنضال

صباحك فل يا كبير .... كلامك مظبوط جدا في حاجات كتير ... بس انت ماردتش على أسئلتي برضه ... الي هو عايزه زي م انت قولت كدة( العربية تيجي عالصاج بره وجوه والمكنة يتعمل اللي فيها ونعمل العفشة ونغير كلوتشات وجنوط ونعدل الفوانيس ونعزل اﻷصوات ونغير فرش الطابلوه والكراسي واﻷرضية والكبوت والشنطة ) ياريت بقي التكلفة و شرح اكتر

[Android]

و زي ما بنقول شري العبد ولا تربيتة !!

مفيش كلام تانى يتقال