عيوب مازدا 3 ( 2007 - 2010 )

[ahm.mngm]

انا كنت منزل موضوع فى منتدي هيونداى عن اكسنت والانترا مستعملين ، بدات ادخل فى الاختيارات الشراء mazda 3 اليومين دول بما انى بدور على حاجه 85000 - 100000 جم تقريبا

هيا مع واحد صاحبي 2007 وجميله جدا جدا سواقتها متعه سحب وثبات وفرامل وان كانت نشفه سنه بس هوا جايبها زيرو ومش عارف هل هيا فيها عيوب معروفه ياعنى مثلا زي الميجان لما قالو الفتيس بيبوظ والحاجات دى خصوصا انى من المنصورة وطبعا مش منتشره وقطع الغيار اسمع انها مش موجوده ياعنى اى حاجه هتضطر اروح القاهرة كمان انا هشتري موديل قديم نوعا ما 2008 مثلا وانا كنت بشوف اكسنت 2012 او الانترا 2010

رأيكو ايه ؟؟؟؟؟؟؟؟؟؟؟؟

[Amr Elshamy]

العربية دي كانت تحت ايدي فتره وفعلا انا عمري ما ركبت احلى منها وانعم منها وثابته جدا ع الطريق وشكلها فخم مع ان سعرها نزل مرة واحده .. ربنا يباركله فيها

[Mecha]

Japanese is the best
no hassle
peace of mind
not weak european
drive and go

[mr_green]

قطع غيارها نوعا ما تعتبر غالية - مش drive and go خالص لأن بتحتاج بعض الصيانات إللى مش أى ميكانيكى يشتغل فيها

غير كده عربية ركوبة و جميلة جدا عن تجربة

[Mohammmed]

هى واطية شوية اذا كنت تعتبر دا عيب

[WalidAdel]

العربيه معايا بقالها سنه و 4 شهور تقريبا
العربيه حلوه بمعني الكلمه في كل حاجه صالون و موتور و فتيس و عفشه و شكل خارجي و كل حاجه ماشاء الله
يعيبها بتحب الطنابيييير ماشاء الله و صوابع الميزان الخلفي و الامامي غير كده مافتكرش فيها حاجه تاني
انا ماشي بالعربيه دي لحد دلوقتي 65 ألف زي الفل ... مافيهاش مشاكل جوهريه
العربيه واطيع شويه بالنسبه لعربيات تانيه بس فمحتاجه طريقة سواقه معينه و بالذات في المطبات مش هاقولك تاخدوا مقص و الكلام ده لكن هاقولك تاخدوا بالراحه او بمعني بنفس علو العربيه و هيا ماشيه فبكده مش هاتحك منك خالص ... مش تطلع و تنزل عليه بسرعه ... وانا معايا الجنط ال16
قطع الغيار موجوده و متوافره و في كل الاسعار و انت و مقدرتك في الماني و تايواني و قطع في العفشه من الفورد فوكس ده غير قطع الغيار الياباني و الاصلي ... فعندك كل حاجه و كل الاسعار
علشان تتمتع بالعربيه دي و تقول انك دفعت فلوسك في حاجه صح ... الحاله بتاعة العربيه ماتكونش متهانه اوي و العداد بتاعها يكون نسبيا قليل علشان تحس بيها و تكشف عليها كويس اوي اوي اوي لان بيتلعب فيها جامد و ربنا يسترها معاك

[ahm.mngm]

العربيه معايا بقالها سنه و 4 شهور تقريبا
العربيه حلوه بمعني الكلمه في كل حاجه صالون و موتور و فتيس و عفشه و شكل خارجي و كل حاجه ماشاء الله
يعيبها بتحب الطنابيييير ماشاء الله و صوابع الميزان الخلفي و الامامي غير كده مافتكرش فيها حاجه تاني
انا ماشي بالعربيه دي لحد دلوقتي 65 ألف زي الفل ... مافيهاش مشاكل جوهريه
العربيه واطيع شويه بالنسبه لعربيات تانيه بس فمحتاجه طريقة سواقه معينه و بالذات في المطبات مش هاقولك تاخدوا مقص و الكلام ده لكن هاقولك تاخدوا بالراحه او بمعني بنفس علو العربيه و هيا ماشيه فبكده مش هاتحك منك خالص ... مش تطلع و تنزل عليه بسرعه ... وانا معايا الجنط ال16
قطع الغيار موجوده و متوافره و في كل الاسعار و انت و مقدرتك في الماني و تايواني و قطع في العفشه من الفورد فوكس ده غير قطع الغيار الياباني و الاصلي ... فعندك كل حاجه و كل الاسعار
علشان تتمتع بالعربيه دي و تقول انك دفعت فلوسك في حاجه صح ... الحاله بتاعة العربيه ماتكونش متهانه اوي و العداد بتاعها يكون نسبيا قليل علشان تحس بيها و تكشف عليها كويس اوي اوي اوي لان بيتلعب فيها جامد و ربنا يسترها معاك

اوى اوى اوى دي ازاى !!!!!

انا كلمت صاحب العربيه اللى عارض 2007 عامله 65الف جنوط بس مش ايرو ورشه رفرف امامى طالب 86000 جم صور العربيه شكلها حلو لسه هقابله النهارده بيقولى هيا عاوزه شداد سيور !! مش عارف دا نظامه ايه

[ahm.mngm]

اوى اوى اوى دي ازاى !!!!!

انا كلمت صاحب العربيه اللى عارض 2007 عامله 65الف جنوط بس مش ايرو ورشه رفرف امامى طالب 86000 جم صور العربيه شكلها حلو لسه هقابله النهارده بيقولى هيا عاوزه شداد سيور !! مش عارف دا نظامه ايه

شفتها النهارده ، وغير مقتنع بالحاله اظن ادور على 2009 افضل

[WalidAdel]

بغض النظر عن الموديل الاهم الحاله الصح و العداد الصح لان ممكن يكون مغير عداد او مرجعه ولا حاجه و اللعب كتير ... كنت بتفرج علي واحده لواحد صحبي فأول مادخلت العربيه و بدورها مالقيتش لمبة الاير باج نورت ... تبقي فاتحه اير باج وش و هو قافله و فعلا لاقيناها مغيره صدر امامي و وش السيلندر مفكوك قبل كده و معموله نص عمره و متقفل غلط و قال ايه العداد 59 ألف طبعا انسي فعلشان كده اكشف عليها كويس اوي اوي اوي

[Mohamed.Hany]

ممتازة بس عيبها اعادة البيع و الوطي و الضيق خصوصا في الكنبة الخلفية ، غير كدة طيارة بمعني الكلمة

[ahm.mngm]

مازال البحث جاريا :) على امل