عربيتين مازدا 3 2008 . وعربيه سكودا اوكتافيا a4 2004

[Marlboro011]

كتير منا احتاروا فى شراء مازدا 3 ولا اوكتافيا a4... انا جبت عربيتين مازدا ... وواحده سكودا 2004 ... المازدا لما اشتريت اول عربيه كانت ركوبه ومنظر وسرعه وثبات واوبشن وسعر اعاده بيع حلو جدا لدرجه انى كسبت لما بيعتها ..نزلت من المازدا قلت اجرب حاجه تانيه واكيد ما عرفتش اركب الا مازدا بجد اللى ينزل من المازدا يركب بى ام .... المهم اشتريت مازدا تانى بس اللى اشتريتها منه كان مروق عليها اوى فلتر سبور مغير شكمان كامل عفشه جديده كانت عربيه وهم وطلقه مكنش حد بيفكرر يجرى معايا الا لما بجيب عليه وشفت معاها احلى ظروف جواز اختى وخطوبتى وايام حلوه كتير قلت بقا العربيه طولت معايا اغير واجيب سكودا سمرا واروق انا عليها بفرق السعر بين المازدا والسكودا .... وعلى فكره كسبت برضه فى بيع المازدا تاتى ..... روحت واشتريت سكودا عربيه وش امها فقر . فين الثبات دا المازدا برقبتها فين الاوبشن مافيش تحس من الطبلوه بتاعها انك راكب فيات . دا غير محدش بيشتغل فيها خالص قطع غيارها نار ولما بتفتح بقها ااعوز بالله المهم السكودا اخدت المكسب بتاع العربيتين اللى فاتوا وفلوس عليهم وبيعتها بطلوع الروح وخسرت فيها 12 الف جنيه ودلوقتى عالمازدا تانى لا محال من المازدا دى روح قلبى والله

[dr/hamza]

رجعت لعلقك..هههههههههههه

[Astra Lovers]

لا يعلي علي الالماني السكودا سويدي واخده طبع الالماني واكيد العربيه اللي جبتها مكنتش حلوه

[mohammedabdallh]

انت الى حظك كدا
اصل العربيات دى اقدام

[Thebutcherr]

يعوض عليك ربنا يا فسوانى , معلش ربك اكيد رايد خير

[Marlboro011]

مش حكايه اقدام حكايه انى ما اتكيفتش من سواقتها ممكن لانى كنت مركب فى السمودا جنط 17

[Marlboro011]

طبعا رجعت لعقلى

[S O P H O S]

المازدا حاجة مختلفة بصراحة