كبالن داخلية لمازدا 3

[melbeyali]

العربية بتترج مع الضغط علي دواسة الوقود في السرعات العالية و الرجة تنتهي بمجرد رفع الضغط من علي دواسة الوقود و عدم ابطاء السرعة. الرجة تحدث فقط مع التسارع
. في مركز الصيانة اكدوا ان العيب في الكبالن الداخلية ( الصليبة) مش عارف مدي صحة المعلومة مع العلم اني عملت ترصيص اكثر من مره و الجنوط و الكاوتش بحاله ممتازه
حد يعرف سعر الكبالن الداخلية لمازدا 3 و مين بيبعها؟

[Thebutcherr]

اولا لزم تعالج الحل سريعا و ده من عيوب المازدا. و لو سيبتو هياثر علي الفتيس و البوش هيتنقل للفتيس, و ممكن تغير فتيس كمان فلازم تصلح العطل
مهم جدا تعرف المشكلة من انهى جنب ممكن واحد او الاتنين
الكبالن الداخلية مش بتتباع لوحدها, لازم كبلن كامل يعني خارجي و داخلي بالاكس بتاعه
1- تغير الكبالن كلها خارجي و داخلي للجنبين السعر :جديد 6000- استيراد 2500 ل 3000 ده سعر الجنبين يمين و شمال اقسم علي 2 يبقي سعر الجنب الواحد
2-ممكن تفك الكبالن الداخلية و توديها لحد بتاع كبالن لو الكاسات او القلل الداخلية مش بايظة او مش متاكلة لسة فى البداية ممكن يغيرلك الصليسة بس لو مبوشة (فيها بوش) و الموضوع مش هيعدي ساعتها 150-200 جنية

[melbeyali]

في طريقة للكشف علي الفتيس علشان اعرف هو لسه سليم ولا ﻷ؟ مش عايز اغير الكبالن و اكتشف بعدين عيب في الفتيس لو كده ممكن اقرر ابيعها علي عيبها

[Thebutcherr]

غالبا هتبان بعد تغيير الكبالن, لو لسة في رعشة يبقى الفتيس
و مش لازم تغيره كله , ممكن تغير حاجة اسمها كورونة فتيس و هتكون بحوالي 500 جنيه

[melbeyali]

شكرا للمساعدة و المعلومات القيمة

[Thebutcherr]

طب يا ريت تقول لنا عملت ايه و لو محتاج مركز كسف و شغل ممكن نفيدك