استفسار بسيط عن التقسيط !!

[roreki]

السلام عليكم ورحمة الله ..

انا يا جماعة ليا استفسار بسيط .. كنت عاوز اشترى عربية مازدا بالتقسيط لان مش معايا كل تمنها و اقدر ادفع مقدم و قسط كل شهر عادى .. بس كنت عاوز اقسط مع بنك .. بس للاسف انا لسه طالب فا مش عارف بقىايه الحل فى موضوع مفردات الوظيفة دا .. و لو ليا حساب فى بنك ينفع دا ضمان ؟؟ بالله عليكم يا جماعة الى يعرف نظام البنوك فى النقطة دى يقولى .. و يا ريت ترشحولىكام بنك اسأل فيهم برضو .. و شكرا جزيلا

[mobitic]

وعليكم السلام ورحمه الله وبركاته
شوف يا أخويا
أنا ما عرفش فى موضوع البنوك ده كويس قوى بس شوفت على موقع كونتاكت كارز انه ممكن تقسط عن طريق وديعة فى البنك بس دا كل اللى أعرفة وعلى العموم انتا ممكن تدخل الموقع وتستفس منهم أكتر
وبرضه أخوانا الأعضاء هيردوا عليك وأكيد هيفيدوك أكتر منى
آه كل سنة وأنت طيب وعيد سعيد

[Hany A Fattah]

بنك بى ان بى باريبا ممكن يديلك القرض بدون ضمان المرتب بس هايطلب منك اى عقد تمليك لو عندك لو ماعندكش هايطلب ضامن من العصب يعنى والدك او اخوك

بس احب اقولك القرض شرعا حراااااااااام اللهم بلغت

[Hussein_Ramdan]

بص يا برنس لو مالكش مفردات مرتب او حتى وديعة او اى حاجة مفيش غير حل واحد ليك
انا تدفع 50% من تمن العربية فى الحالة دى ممكن تستلم العربية بصورة البطاقة بس انتا روح لبتوع المعرض وهوما هيظبطو ليك كل حاجة ومش هتحاج حاجة غير صورة البطاقة ووصل نور او غاز عادى لو باسم ولدك اانا اخويا جاب العربية بطريقة دى

[roreki]

شكرا جزيلا لكل من رد على استفسارى

[محمد عز]

سؤال بسيط
ازاى هتدفع الاقساط وانت لسه طالب

[roreki]

عندى رأس مال كويس والحمد لله و بستثمره من سنة ونص فى كذا مشروع والحمد لله ماشى الحال .. يعنى قولت ابدأ اكون نفسى قبل ما اتخرج بدل ما اتخرج و استنى يجيلى شغل اكون نفسى و هكذا .. ولا ايه رأى حضرتك ؟!

[محمد عز]

بالتوفيق وربنا يباركلك

[roreki]

شكرا جزيلا لحضرتك

[totatheking]

ابعد عن التقسيط لان عليه بعض الملاحظات اللي تعتبر مخالفة للشريعة وتعتبر ربا صريح انا كنت هاعمل نفس الموضوع بس ربنا ستر وتراجعت خشىة ان اقع في الربا ...وقررت ان اتوكل علي الله واجمع تمنها علي مر السنين حتي يوفقني الله واشتريها كاش ان شاء الله.......وربنا يوفقك