عاوز حد يساعدني

[madmad]

السلام عليكم

أنا عاوز اشتري عربيه مازدا ١٩٩٨ بس في ناس كتير بتخوفني من العربي هدي ع قطع الغيار يا تري آيه رأيكم وهل في قطع غيار ليها ولا لاء وفين وإيهام اسعارها

[ahmed hamada]

باشا انت اولا معاك هوندا موديل كام وعايز تنزل من الهوندا تركب مازدا ده ممكن يحصل بس لو الهوندا اللي معالك موديل قديم
ثانيا
المازدا دي جملية هي معايا ومش مزعلاني في حاجه بس اهم حاجه تجيبها فابريكة و حالتها حلوة مايبقاش فيها مصروف عشان تبقى انت اول واحد يفك اي حاجه ويصلحها صدقني بتفرق و اهم حاجه برده تجيب قطع غيارها الاصلية عشان تستمتع بالعربية
وانت بتكشف عليها خلي بالك من قواعد المكنة وصوت المكنة والفتيس لو اوتوماتيك وحالة الطابلوه وفرش العربية من جوة عشان الحاجات دي بتجمل فلوس

[ahmed hamada]

نسيت اقولك ان قطع غيارها موجوده من اكصدامات وفوانيس وابواب ومكنةوفتيس وكل اللي نفسك فيه موجود واسعارها مناسبة لسعر العربية مقارنة بالهوندا واللانسر ومعظم الكوري المازدا ارخص

[madmad]

أنا موش معايا عربيه ودي اول مره أجيب عربيه بس أنا كاتب كده ع البيانات
وناس كتير بتشككني في العربيه دي من حيث قطع غيارها وخصوصا موضوع القواعد والفرش والكونترول بتاعها
وهي عندنا في بورسعيد بس كل الميكانيكيه بيقولوا بلاش ع قطع الغيار وبيقول خد لا نوس أحسن
عاوز رأي الناس في المنتدي ويقولوا لي أجيب آيه
مازدا فاملي
هيونداي أفنتي
كيا شوما
لانوس

أنا عاوز اركب عربيه كويسه وتكون اوتوماتيك

[Thebutcherr]

خليك في افانتي او شوما

[madmad]

ممكن اعرف آيه السبب

[ahmed hamada]

انت من بورسعيد صح
يبقى خليك في عربيه لما تعطل او تحتاج قطع غيار تلاقيها في بلدك ومن الانواع اللي انت كاتبها يبقى معندكش غير ماركتين مازدا عشان ياباني وحاجتها متوفرة وفيه صنايعية كتيير شغالين فيها ومكنتها وفتيسها مش غاليين و كل قطع غيارها لو اصلية بتبقى معمرة
تاني ماركة اللانوس عشان قطع غيارها موجوده في كل محل شونه وجديد واسعارها حلوة برده وعربية اثبتت جدارتها من وسط كل الكوري اللي موجود ودي اي حد ممكن يصلحها


في الاخر دي اراء كل شخص بتختلف من واحد للتاني وعلى حسب حالة العربية والراحة النفسية للعربية اللي هاتركبها