يا شباب ورجالة مازدا

[MAHMOUD MOHAMD]

الحمد لله على كل شيئ

انا كان معايا النترا 2007 اوتوماتيك ومكانتش مزعلانى بس لظروف احتجت فلوس فبعتها

ودلوقتى ربنا كرمنى بمازدا 3 2009 اوتوماتيك 60000 كم اشتريتها من صاحبتها

العربيه راشه بره معادا السقف بس دواخل العربيه وصالونها زيرو وكشفت على العربيه مش محتاجه غير فردة كوتش

طبعا انا لما استلمت العربيه رجعت بيها من القاهره للزقازيق بصراحه حسيت ان العربيه دى مظلومه فى مصر عربيه بجد جامده

انا مش هقارنها بالالنترا لان كنت بحب الالنترا جدااا ولغاية دلوقتى

بس انا بقاالى فتره متابع للقسم وحاسس ان القسم تفاعله قليل بالنسبه لقسم هيونداى

وبالرغم من اعجابى بالمازدا 3 الا انى خايف من موضوع قطع الغيار فياريت حد ييطمنى بمعلومات عنها سواء الاوريجينال او البدائل الكويسه

وبالنسبه للسعر انا جبتها ب 75000 ايه رأيكم

معلش طولت عليكم وليا الشرف بالانضمام ليكم

[eng.salama93]

السعر حلو ربنا يباركلك فيها

[MAHMOUD MOHAMD]

السعر حلو ربنا يباركلك فيها

ربنا يخليك يا فندم

[dr/hamza]

سعرها كويس..ربنا يبركلك فيها

[MAHMOUD MOHAMD]

سعرها كويس..ربنا يبركلك فيها

شكرا يا دكتور بس ايه اخبار قطع الغيار

[MAHMOUD MOHAMD]

هيا العربيه للدرجه دى مبتعطلش فمحدش بيجيبلها قطع غيار

ايه يا جماعه محدش اشترى او يعرف اسعار قطع الغيار

ولا الناس هنا بتكبر دماغها

[dr/hamza]

قطع الغيار موجودة ف شارع دمشق وف الحرفيين ......غالية سنة بسيطة عن العربيات اللى ف نفس الفئة والسن..

[medokassem]

اولا مبروك
تاني حاجه العربيه اوتوماتك بس ولا ايرو اللي هي اوتوماتك بفتحه سقف ؟

[MAHMOUD MOHAMD]

اولا مبروك
تاني حاجه العربيه اوتوماتك بس ولا ايرو اللي هي اوتوماتك بفتحه سقف ؟

الله يبارك فيك
العربيه اوتوماتيك بس وفيها 2airbag abs cd changer original وفيها حاجات تانيه بس بصراحه لسه مش استكشفت فيها
بس الرخم انها مفيهاش كشافات شبوره ولو حد يعرف سعرها ياريت

مشكلتى انى مش عارف انبسط بالعربيه ودا مش لعيب فيها بس دا لانى اضطريت ابيع الالنترا لظروف

وبصراحه المازدا تتفوق على الالنترا فى حاجات كتير
اللى مزعلنى برده قله تفاعل اعضاء القسم اللى خلانى اعرف ليه ناس كتير قالولى كنت جبت النترا تانى
انا معنديش مشكله فى البيع لان ليا صاحبى تاجر عربيات بيجبلى اسعار اكتر من اللى دفعتها كفايه انه فى زنقتى باعللى الالنترا بمكسب ومستغلش الظروف وهوا برده اللى قاللى خد العربيه دى

ياريت بس حد يدينى فكره عن اسعار قطع الغيار المستهلكه والصيانات المطلوبه

[medokassem]

اكشف علي العربيه اللي معاك حلو مفيش عربيه ماشيه 60 الف وتكون رشه كلها معادا السقف
وتمنها واقع اوي بالنسبه لعربيه 2009 o_O خصوصا السوق رافع اليومين دول اوي
قطع الغيار في الحنين وبقي في تنوع فيها من اول الصيني وانتا طالع لحد اليباني

[MAHMOUD MOHAMD]

اكشف علي العربيه اللي معاك حلو مفيش عربيه ماشيه 60 الف وتكون رشه كلها معادا السقف
وتمنها واقع اوي بالنسبه لعربيه 2009 o_o خصوصا السوق رافع اليومين دول اوي
قطع الغيار في الحنين وبقي في تنوع فيها من اول الصيني وانتا طالع لحد اليباني

شكرا لحضرتك انا كشفت على العربيه فى القاهره مره وفى الزقازيق
والحمد لله كويسه جدا
تانى حاجه انا اخدت من صاحبة العربيه دفتر الصيانات وهيا عامله اخر صيانه وهيا المالك الاول

وبالنسبه للرش الخارجى من كلامها العربيه كانت متجرحه وواحد صاحب جوزها هوا اللى خلاهم يروشوها برا ماعدا السقف قال نضافه

بالنسبه للسعر فا والله انا مش كان معايا فى الوقت دا غير المبلغ دا وققولتلهم كدا لان بصراحه مش كان فارق معايا اوى

بس على فكره ناس تقولى غاليه وناس تقولى كتير
بس للصراحه واحد كلمنى انو يشتريها منى ب 80 بس انا مش عاوز ابيعها العربيه جميله اوى
كل اللى مخوفنى الكلام اللى بيتقال على قطع غيارها

[MAHMOUD MOHAMD]

اه واللى جابلى العربيه دى واحد صاحبى اوى بيتاجر فى العربيات ولما وافقوا على السعر قاللى لو مش عاجباك
اخدها

وبجد والله انا معرفش اصلا سعرها فى السوق ايه انا ركبت لانسر بومه 6 سنين وبعدها النترا 2007 ودول اللى ممكن اعرف اسعارهم

[Motaser]

السعر فالتمام هي مظلومه فاسعارها علشان ملعاش سوق مصري و فئه شبابيه فقط و غير عمليه فالشوارع بتاعتنا و مصاريفها كتيير

[Motaser]

سيبك من حكايه فبريكه دي اهم حاجه ان العربيه مش معيوبه يعني شاسيه او نصين او مكنه بايظه او عفشه لاكن رشه بره دا عادي جدا فمصر

[tito32]

الله يبارك فيك
العربيه اوتوماتيك بس وفيها 2airbag abs cd changer original وفيها حاجات تانيه بس بصراحه لسه مش استكشفت فيها
بس الرخم انها مفيهاش كشافات شبوره ولو حد يعرف سعرها ياريت

مشكلتى انى مش عارف انبسط بالعربيه ودا مش لعيب فيها بس دا لانى اضطريت ابيع الالنترا لظروف

وبصراحه المازدا تتفوق على الالنترا فى حاجات كتير
اللى مزعلنى برده قله تفاعل اعضاء القسم اللى خلانى اعرف ليه ناس كتير قالولى كنت جبت النترا تانى
انا معنديش مشكله فى البيع لان ليا صاحبى تاجر عربيات بيجبلى اسعار اكتر من اللى دفعتها كفايه انه فى زنقتى باعللى الالنترا بمكسب ومستغلش الظروف وهوا برده اللى قاللى خد العربيه دى

ياريت بس حد يدينى فكره عن اسعار قطع الغيار المستهلكه والصيانات المطلوبه

ربنا يديك خرها ويكفيك شرها وشر عيون الناس
اخبار الثبات بتاع العربيه ايه
ممكن تنزل وتسال على قطع الغيار بنفسك وانت كنت راكب بومه والنترا وانت هتعرف بنفسك اذا كانت غاليه ولا كويسه
يعنى مثلا المساعدين الامامين بكام ل للنسر والمازدا والنتر وشوف