أول تجربة قيادة لمازدا 3 الجديدة .. موديل 2015

[Hunting_Eagle]

السلام عليكم يا أعضاء المنتدى الكرام

بقالي حوالي سنة مستني نزول مازدا 3 الشكل الجديد .. و من كتر الرفيوهات اللي قرتها عنها و الانطباع الممتاز عنها في أوروبا و أمريكا قولت ان شاء الله أول ما تنزل هبدل عربيتي بيها و اركبها كام شهر اتدلع بيها و بعد كده اسيبها للمدام

المهم العربية نزلت هنا في الكويت يوم الأحد اللي فات .. و روحت اتفرجت على العربية و جربتها

العربية هنا بتنزل بفئتين :

فئة ال 2000 سي سي .. ودي فيها موتور Skyactiv

155 حصان و عزم 200 نيوتن

الفئة دي مجهزة من الأبرة الى الصاروخ ..

الفئة التانية بتاعة الغلابة هي ال 1600 سي سي .. ودي فيها موتور مازدا 3 القديم MZR

107 حصان و تقريبا عزم 145 نيوتن

و دي مفيهاش اي حاجة تذكر من الكماليات .. و ان كنت اعتقد انها في مصر هتنزل أحسن من اللي نازلة في الكويت

المهم

الانطباع الخارجي

العربية تصميمها من احلى العربيات اللي شوفتها في حياتي .. مع ان هنا في الكويت العربيات اشكال و الوان .. بس دي تصميمها رائع بمعنى الكلمة .. و منظر الشنطة الصغيرة اللي ورا ده مديها طابع رياضي بحت ..

الانطباع الداخلي

مع ان العربية كانت مفيهاش اي حاجة تذكر من جوه .. بس خامتها الداخلية جيدة جدا

الكاملة منها بالجلد و الشاشة و الشغل اللي جوه هتبقى ممتازة

وضعية الركوب

انا رجعت الكرسي الأمامي لحد اخره .. و كانت المسافة معقولة .. مش واسعة أوي بس تؤدي الغرض
كرسي السائق مرتفع لأعلى .. جربت نزلته لحد أخره .. بس بردو كان عالي .. مع ان المفروض ان القعدة هتخليك شايف ابعاد العربية احسن بس انا عن نفسي مبحبش اكون قاعد لفوق كده .. ده غير ان دماغي كانت قريبة اوي للسقف .. حاجة رخمة بصراحة

وضعية الركوب للراكب الأمامي كويسة جدا

الكنبة الخلفية مع رجوع كرسي السائق لورا خالص .. بتفضل مساحة معقولة للراكب الخلفي

عايز اقول لكم ان العربية اكبر من القديمة .. فالمساحة الداخلية و شكل العربية اكبر من القديمة

التكييف

ممتاز .. أول ما ركبت روحت مشغل التكييف على رابع درجة (هم تقريبا 7 درجات) .. مفيش دقيقتين و روحت موطيه ل 2

العربية على الطريق

انا عملت التست درايف و التكييف شغال .. دي كانت حاجة مهمة جدا بالنسبالي لأني بشغل التكييف حوالي 9 شهور في السنة .. يعني بالنسبة ليا الأداء لازم اقيمه و التكييف شغال .. اعتقد في مصر الوضع مش هيختلف كتير

العربية يا جماعة سحبها وحش أوي ..
الجير بوكس ال 4 سرعات ده عقيم ..
كنت ببقى ماشي على 20 - 30 مثلا و عايز اطلع من عربية .. ادوس بنزين على اخر الدواسة .. متوقع تنزل للغيار الأول .. مفيش اي حاجة .. مفيش Kick down .. حتى التسارع بيفضل زي ما هو .. كل اللي يحصل ان العربية تفضل تجمع لحد ما توصل السرعة 70 مثلا تروح نقلة على الغيار اللي بعده

حتى الموتور نفسه مش مساعد .. يعني لو الفتيس عمل Kick down .. الموتور ولا هو هنا .. ميديش تسارع اعلى .. كل اللي يحصل ان الموتور صوته يعلى .. و النقلة تطول .. بس

حتى عزل الموتور .. تعبان بردو .. صوته داخلي جوه العربية .. بس بصراحة عزل الهواء على جسم العربية كويس جدا .. ده طبعا بسبب التصميم الانسيابي الرائع

الثبات بقى كعادة مازدا .. محترم جدا .. انا ما جربتش فوق 120 للأمانة .. بس انا واثق انه هيبقى جيد جدا

العربية بردو فيها درسكيون باور كهرباء انما ايه .. دلع .. و لما جريت بالعربية محستش خالص انه خفيف

قعدة السواقة زي ما قولت ما عجبتنيش .. بس يمكن تكون مفضلة عند غيري

في حاجة مهمة للتوضيح .. انا عارف ان في فرق كبير بين قدرة موتور عربيتي و المازدا 3 .. بس انا في مصر عندي عربية فيرنا .. بركبها حوالي شهر في السنة .. اول لما بنزل و بسوقها بحس بحاجتين

اولا .. انها اسرع من عربيتي و خصوصا في طلعتها
ثانيا .. ان في حد ماسكها من ورا وعمال يلعب بيها يمين و شمال .. ثبات في الهوا

يعني اللي توقعته من المازدا 3 انها تكون حلوة في طلعتها لحد 60 او 80 مثلا .. وبعد كده على قد حالها .. و ده الموجود في اي عربية 1600 و صغيرة في الحجم .. مش متخيل ابقى راكب عربية ب 200 الف و تيجي عربية فيرنا تعلم عليا في اشارة

في النهاية

عايز اقول ان العربية دي كان اكرم لها ما تنزلش مصر .. العربية يا جماعة كانت بتتنافس مع ال Audi A3 و ال BMW 4 Series .. على World car of the year

و بردو كانت بتتنافس مع BMW i3 و Mercedes C-Class على World Car of the Year Design award

World Car of the Year: Audi A3 | The Detroit News

يعني العربية بره بتنافس على الأداء و التصميم و السعر

هنا هتنافس على التصميم بس

الأداء في احسن منها موجود .. و السعر حتى في السماء

خسارة فعلا

تحياتي

[Hosam_Optrawy]

شكرا جزيلا على نقل التجربه

وبخصوص أداء الموتور والفتيس ده كان شيء متوقع

اللى يفكر في العربيه دا مايستناش أداء منها نهائي

يستمتع بالشكل الجديد والثبات , والكماليات ان وجدت

[Hunting_Eagle]

شكرا جزيلا على نقل التجربه

وبخصوص أداء الموتور والفتيس ده كان شيء متوقع

اللى يفكر في العربيه دا مايستناش أداء منها نهائي

يستمتع بالشكل الجديد والثبات , والكماليات ان وجدت

ده حقيقي

نفس الموتور القديم على عربية اكبر

فالطبيعي ان يبقى الأداء أقل

[Thebutcherr]

هي دي المصيبة موتور و و عفشة و فتيس من ايام 2006 و البودي اصلا تقل و كبر و السعر كتير كده عليها

[Hunting_Eagle]

هي دي المصيبة موتور و و عفشة و فتيس من ايام 2006 و البودي اصلا تقل و كبر و السعر كتير كده عليها

السعر ده لوحده مصيبة

يعني عايز تنافس .. نافس في السعر

خليك في رينج 180

هتاخد مبيعات محترمة جدا

[medokassem]

هي دي المصيبة موتور و و عفشة و فتيس من ايام 2006 و البودي اصلا تقل و كبر و السعر كتير كده عليها

وانت الصادق من 2004 نفس الموتور والجير بوكس
يعني تكنولوجيا 10 سنين فاتت اكيد بقت موضه قديمه وتنولوجيا السوق دلوقتي هتاكلها من حيث الات الجر -_-
بس ده هيديها ميزه في قطع الغيار الميكانيكيه زي كبالن فتايس
وقطع غيار الموتور دي هتبقي ميزه الوحيده

[Thebutcherr]

و الله واحشني

[horas3000]

للاسف
هو ده المتوقع
و حتي لو كانت نزلت بال 1.5 skyactive
معتقدش كانت هتفرق كتير
و مش عارف ازاي في شركه محترمه بتنزل فتيس 4 سرعات في 2015
بس هنقول ايه

و نزلت بكام عندك علي كده

[Hunting_Eagle]

للاسف
هو ده المتوقع
و حتي لو كانت نزلت بال 1.5 skyactive
معتقدش كانت هتفرق كتير
و مش عارف ازاي في شركه محترمه بتنزل فتيس 4 سرعات في 2015
بس هنقول ايه

و نزلت بكام عندك علي كده

ما انا اللي عرفته انهم اساسا ما يقدروش ينزلوها بالموتور ال 1.5

لأنه ال Compression ratio بتاعته 13:1

ده غير انه 100 حصان تقريبا

يعني بنزين 95 او 98 مع 100 حصان

بس التوفير في الوقود ايه بقى .. حاجة محترمة

و نزلت هنا ال 1600 ب 5000 دينار

و ال 2000 ب 6500 .. تحط عليهم 500 دينار و تجيب Mazda 6 .. او تجيب كامري او تجيب اي عربية

حتى هنا بيستهبلوا في الأسعار

[horas3000]

ما انا اللي عرفته انهم اساسا ما يقدروش ينزلوها بالموتور ال 1.5

لأنه ال compression ratio بتاعته 13:1

ده غير انه 100 حصان تقريبا

يعني بنزين 95 او 98 مع 100 حصان

بس التوفير في الوقود ايه بقى .. حاجة محترمة

و نزلت هنا ال 1600 ب 5000 دينار

و ال 2000 ب 6500 .. تحط عليهم 500 دينار و تجيب mazda 6 .. او تجيب كامري او تجيب اي عربية

حتى هنا بيستهبلوا في الأسعار

13:1 !!
مكنتش اعرفها دي
ده كده يتنسي خالص و خصوصا هنا

و مش عارف مواصفات ال 1.6 عندك عشان احكم ال 5000 كويس و لا لا
بس اعتقد المبلغ ده ميجيبش حاجه في نفس الفئه بمواصفات كويسه

و ال 2000 دي ملناش دعوه بيها و غالبا مش هتشوفها عندك الا كل فين و فين

[Hunting_Eagle]

13:1 !!
مكنتش اعرفها دي
ده كده يتنسي خالص و خصوصا هنا

و مش عارف مواصفات ال 1.6 عندك عشان احكم ال 5000 كويس و لا لا
بس اعتقد المبلغ ده ميجيبش حاجه في نفس الفئه بمواصفات كويسه

و ال 2000 دي ملناش دعوه بيها و غالبا مش هتشوفها عندك الا كل فين و فين

ال 1600 مفيهاش اي حاجة خالص

ولا حتى Parking sensors

زجاج كهرباء و فوجات و جنوط 16 و بلوتوث .. بس

اعتقد في نفس السعر تجيب سيراتو محترمة .. او كورولا

[sarider]

صباح الفل .. مازدا 3 نازلة في الامارات فئتين وكل فئة فيها 1 و2 و3 الفئة الاولي 1600 سي سي 107 حصان زي ما تفضل الاخوان وقالو ..طبعا العزم والموتور ايدك منه والارض .. لكن ك كماليات محترمة .. مثبت سرعة ..فتحة سقف.. شاشة قريبة الشبه من شاشة BMW 316 حتي في قرص النافجيشن بتاعها والتحكم من الكونسول الوسطي .. باختضار كوبي وبيست من البي ام.. ( بمناسبة النافجيشن هو بيجي اختياري محمل علي فلاش ميموري بقيمة 3000 درهم اضافية)..وحساسات خلفية وكامرا طبعا.
نيجي لفئة 2000 سي سي ودي هي اللي مازدا مكسرة بيها الدنيا برة في الريفيوهات والتقييم علي اليو تيوب بالتكنلوجيا الجديدة سكاي اكتيف ودي مش بس للتوفير في البترول لكن عزم اقوي وشاسيه اكثر امان وصديقة للبيئة وزايد في كماليتها عن ال 1600 سي سي ان فيها رادار للاحساس بالطريق والمشاة مع التنبيه في حالة تجاوز خط السير وحساسات امامية طبعا وشاشة اضافية اسمها ( head up display ) دي بتشتغل تلقائيا في حالة تشغيل السيارة وبيظهر عليها السرعة واتجاهات النافيجيشن.. سعر ال 1600 سي سي الفل اوبشن 75000 درهم يعني 142500 جنيه.. واي استفسارات انا تحت امركم

[horas3000]

ال 1600 مفيهاش اي حاجة خالص

ولا حتى parking sensors

زجاج كهرباء و فوجات و جنوط 16 و بلوتوث .. بس

اعتقد في نفس السعر تجيب سيراتو محترمة .. او كورولا

طب نازله بشاشه و لا لا
و كده 5000 كتير عليها فعلا و ممكن تجيب سيراتو باوبشنز اكتر

صباح الفل .. مازدا 3 نازلة في الامارات فئتين وكل فئة فيها 1 و2 و3 الفئة الاولي 1600 سي سي 107 حصان زي ما تفضل الاخوان وقالو ..طبعا العزم والموتور ايدك منه والارض .. لكن ك كماليات محترمة .. مثبت سرعة ..فتحة سقف.. شاشة قريبة الشبه من شاشة bmw 316 حتي في قرص النافجيشن بتاعها والتحكم من الكونسول الوسطي .. باختضار كوبي وبيست من البي ام.. ( بمناسبة النافجيشن هو بيجي اختياري محمل علي فلاش ميموري بقيمة 3000 درهم اضافية)..وحساسات خلفية وكامرا طبعا.
نيجي لفئة 2000 سي سي ودي هي اللي مازدا مكسرة بيها الدنيا برة في الريفيوهات والتقييم علي اليو تيوب بالتكنلوجيا الجديدة سكاي اكتيف ودي مش بس للتوفير في البترول لكن عزم اقوي وشاسيه اكثر امان وصديقة للبيئة وزايد في كماليتها عن ال 1600 سي سي ان فيها رادار للاحساس بالطريق والمشاة مع التنبيه في حالة تجاوز خط السير وحساسات امامية طبعا وشاشة اضافية اسمها ( head up display ) دي بتشتغل تلقائيا في حالة تشغيل السيارة وبيظهر عليها السرعة واتجاهات النافيجيشن.. سعر ال 1600 سي سي الفل اوبشن 75000 درهم يعني 142500 جنيه.. واي استفسارات انا تحت امركم

غالبا كده هي دي اللي نازله هنا
لان مواصفات هنا باين انها اعلي زي الامارات

[Hunting_Eagle]

طب نازله بشاشه و لا لا
و كده 5000 كتير عليها فعلا و ممكن تجيب سيراتو باوبشنز اكتر

لا .. شايلين الشاشة و حاطين واحدة صغيرة للكاسيت

و طبعا ال Control Mouse شايلينه

هي اساسا الشاشة و ال Control Mouse هم اللي كانوا مميزين العربية

وزي العضو الفاضل ما قال قبل كده .. هي كوبي بيست من ال 3 Series .. الكاملة طبعا

[Hunting_Eagle]

صباح الفل .. مازدا 3 نازلة في الامارات فئتين وكل فئة فيها 1 و2 و3 الفئة الاولي 1600 سي سي 107 حصان زي ما تفضل الاخوان وقالو ..طبعا العزم والموتور ايدك منه والارض .. لكن ك كماليات محترمة .. مثبت سرعة ..فتحة سقف.. شاشة قريبة الشبه من شاشة bmw 316 حتي في قرص النافجيشن بتاعها والتحكم من الكونسول الوسطي .. باختضار كوبي وبيست من البي ام.. ( بمناسبة النافجيشن هو بيجي اختياري محمل علي فلاش ميموري بقيمة 3000 درهم اضافية)..وحساسات خلفية وكامرا طبعا.
نيجي لفئة 2000 سي سي ودي هي اللي مازدا مكسرة بيها الدنيا برة في الريفيوهات والتقييم علي اليو تيوب بالتكنلوجيا الجديدة سكاي اكتيف ودي مش بس للتوفير في البترول لكن عزم اقوي وشاسيه اكثر امان وصديقة للبيئة وزايد في كماليتها عن ال 1600 سي سي ان فيها رادار للاحساس بالطريق والمشاة مع التنبيه في حالة تجاوز خط السير وحساسات امامية طبعا وشاشة اضافية اسمها ( head up display ) دي بتشتغل تلقائيا في حالة تشغيل السيارة وبيظهر عليها السرعة واتجاهات النافيجيشن.. سعر ال 1600 سي سي الفل اوبشن 75000 درهم يعني 142500 جنيه.. واي استفسارات انا تحت امركم

هي فعلا ال 2000 دي متروسة كماليات

كفاية الفرش الجلد بالخياطة الحمراء اللي فيه

و الزينون .. و المصابيح الأمامية اللي بتحرك مع الطريق