افضل كاوتش للمازدا ؟

[himaz]

السلام عليكم

ازيكم يا مازداوية اتمنى الكل بخير

انا حبيت اغير طقم كاوتش بعد مااكتر من شخص قاللى لازم تغير

مقاس الكاوتش 205 .. 55 .. ٌR16

البريدجستون الفابريكة (ER 30) عملت 61000 حتى الان هل ده طبيعى ؟

بالنسبة للاختيارات فيه التالى :

Turanza JR90 : Super silent
تمنها 803 يابانى


Turanza ER 300 : Silent Sporty
تمنها 690 فرنسى او بولندى

MY02 : Sporty
تمنها 736 اندونيسى و 803 لليابانى

Potenza : Super Sporty
تمنها 860

ايه رايكو ؟!

حد جرب الحاجات دى ؟
ايه احسن حاجة من نحية الثبات ومتكونشى مزعجة برضه قوى
علما بانى بحب الجرى اه بس مش الجرى الجنونى




شكرا

[Thebutcherr]

انت ابن حلال لسة بريدج ستون عاملة اكزيبيشن عندنا في الشغل
الخلاصة
Turanza ER 300 : Silent Sporty
تمنها 690 فرنسى او بولندى
لسببين لا مفيش منها ياباني و ممثل الشركة نفسه قال كدة
ثانيا لانها تجمع بين الراحة و السكوت و الثبات
بوتينزا ناشفة فهو مرشحهاش

[himaz]

شكرا يا باشا على الرد السريع بس ايه نظام ال my02
هل ناشفة ومزعجع قوى ؟

[Thebutcherr]

اه و مع عفشتنا هتتعبك

[carrier]

اتجه بدون تردد للدانلوب اليابانى

مكنش يبقى الدانلوب الالمانى

هدوء نعومة ثبات اداء راقى مع الفرامل

[ahmad_alim]

في pirelli cinturato P7 حد جربها قبل كده ؟
دي ألماني , سعره حوالي 800 جنية

[balash_dawsha]

طيب أنا عرفت إن المازدا بتنزل بكاوتش toyo??

[medoelsayed]

بص يا سيدى هات البردجيستون وانت مغمض واعا تجيب ميشلان ان جبتة بيصفر وحالتة وحشة

[pioneerahmed]

انا مجرب تورانزا جي ار 90 سوب سايلنت تحفة التحف

[S O P H O S]

Turanza الياباني