تقريرى عن العربية و الصيانة و قطع الغيار

[janjon1978]

اهلاً بهذا المنتدي الرائع الللى استفدت منه كتير كتير كتير و لازم علي انى انقل خبرتى البسيطة ليكم

انا معايا مازدا 3 – جبتها من شهر من ابوالعز( مدينة نصر ) و هو موزع لسمارت كار و طبعاً ضمان سمارت 3 سنين او 120 الف .
انا جبت الV1 ( بتزيد عن ال S بـ فرش بيج و multifunction steering wheel و كمان كم حاجة بسيطة تانية زى مراية داخلية تانية للسائق و عتب المونيوم داخلى وdouble lock system ) و تمنها 127 الف موديل 2008 .
الحقيقة انا جبتها من ابوالعز مع انه معملش اى تخفيض فى السعر لكن كان عنده الوان حلوه ( violet, stormy blue, golden ) و ماكنش موجود فى سمارت الا الفضى الفاتح و الغامق

تقريرى عن العربية بعد 1000 كم.
الشكل من بره لا يتفوق عليه أي عربية فى فئتها – حتى السيفيك و هى اقرب المنافسين .. بردو لا يعلى على المازده
الشكل من جوه بالفرش البيج جامد موت موت يتفوق على التابلوه الرائع للسيفيك ( معلش انا بقارنها بالسيفيك لانى كنت هاشترى يا مازدا يا سيفيك و المازدا هى اللى كسبت.

الموتور : سحب رائع 10 على 10 ( السيفيك اعلى حاجة بسيطة جداً و الحقيقة مش فارقه معايا ال200 بدلاً من 210 السرعة القصوى )
العزل : ماحصلش – 20 على 10
العفشة : الاكثر نعومة فى فئتها ( احسن من السيفيك بمراحل الحقيقة )
الجير بوكس : 100%
الاعتمادية : و ده من الثقارير اللى من بره مصر و كلها اجمعت ان اعتمادية المازدا 3 ممتازة و مافيش اى مشاكل على long run زيها زي السيفيك و الكورولا

العيوب:
واطية لو حملت 3-4 اشخاص ... لو راكب لوحدك او شخصين مافيش مشاكل
سعر اعادة البيع و اسعار قطع الغيار

انا مش هاكلم كتير عن العربية .. لانها مش عايزة كلام .... العربية دى مالهاش حل بكل امانة

صيانة ال1000 عملتها فى 20 دقيقة بس (تغيير الزيت – الترا شل – و الفلتر و تربيط العفشة و تنظيف فلتر الهواء و غسيل موتور و general check ) و المهم جداً جداً انى واقف جنب العربية و شايف كل حاجة و بتكلم مع الفنيين و بالمناسبة اكلفت 290 جـ تمن الزيت والفلتر

[janjon1978]

تقريرى عن قطع الغيار:

تقريرى عن قطع الغيار:
انا الحقيقة كنت خايف انى ملاءيش قطع الغيار الا فقط فى التوكيل لانها هاتبقى غالية موت و استهبال رسمى و حرام وسرقة علنى .... لكن اليكم التالى :

من يومين نزلت من البيت الصبح لاقيت العربية محكوكة و المرايا الشمال مكسورة من جدرها و كمان مش موجودة خالص ... نعمل ايه بقى .... انت فى مصر .... المهم ده خلانى اتشجع و اروح اسال فى 4 اماكن .
1- التوكيل : قالى موجودة والاصلى بـ 890 جـ .. و اقال اية ؟؟ ان المراية هى اللى رافعه راسهم علشان دى ارخص حاجة
2- التوفيقية : لم اجد محل يعمل فى المازده 3
3- الحرفيين : و اشهر محل بيشتغل فيها هو ( ابو زيزو ) عنده كل حاجة من قطع الغيار الاساسية بصراحة .... بس انا اتخنقت منه لانه مغلى اسعاره قوى ( المرايا الاصلى بـ 950 جـ و التيوانى بـ 450 ) ... سيبته و لفيت حاجة بسيطة كده فلقيت 3-4 محلات عندها وشوش و ضهور كاملة لكن اقل مرايه استيراد بـ 600 جـ يعنى لما تبقى جدع اوى تخدها بـ 400 او 350 بعد الفصال الجامد ... المهم انا اتخنقت منهم لانهم بيسرقوا و انت و شطارتك .
4- شارع دمشق : فى 3 محلات بيبعوا معظم قطع الغيار الاساسية من تيل فرامل و طنابير و فلاتر و هكذا و كمان محل اواتنين بيبعوا بعض الحاجات ....... ال 3 محلات الاساسية هم

العالمية: و ده فى اخر الشارع و بصراحة هو شكله بيشتغل اساساً فى المازده لدرجة انو رسام المازده 3 على يفطة المحل بجانب علامة المازده بشكل كبير يلفت النظر و يمكن علشان كدة هو مغلى اسعاره .
محل اسمه محمد جابر و قدامه محل اسمه الشافعى و دول فى اول شارع دمشق و دول اسعارهم معقولة
عند محمد جابر المرايه التيوانى بـ 375 و الراجل نزلهالى كمان ل 350 و خدتها منه
التيل كان عنده نوع اسبانى بـ 220 و نوع يبانى بـ 325
فلتر الزيت كان عنده نوع تيوانى بـ 25 و نوع يبانى بـ 55
دى الحاجات اللى عرفتها بس و ان شاء الله اذا عرفت اى حاجة تانى هاقولكم

[himaz]

amazing subject

many thanks Janjon

w Rabena yebareklak feeha isA



kan 3andi so2al el 3rbya deh be genoot ?

w hal feha 7agat tanya 3an el s wla mafeesh

alf shokr ya me3allem

[XPLod]

هو التوكيل بتاعها مين ؟؟

[himaz]

heya te2dar te2oool malhaash wakeel , bas masekha mowaze3een akbarhohm homma :

Smart car and Sonesta

[janjon1978]

لا شكر على واجب
العربية V1 من غير جنوط ولا عتب خارجى
و بثفرق عن ال S بـ
1- فرش بيج
2- multifunction steering wheel
3- مراية داخلية تانية للسائق
4-عتب المونيوم داخلى
double lock system-5

بس دى موجودة عند سمارت فقط و ليس سونستا ....

سونستا عندها V1 حاجة اعلى من كده و بـ 138000

[Sharky]

التوكيل الرسمى للمازدا هو غبور
لكن سمارت كار و سونستا مستوردين من الخليج

[محمد عز]

مبارك عليك العربيه
وربنا يحفظك من كل سوء
وشكرا على التقرير الممتاز

[AhMeD EzZ]

هل هيا ستيبترونك

[janjon1978]

كل المازدا 3 الاوتوماتك ---- استربترونك

[AhMeD EzZ]

طيب ايه رايك يف ثبات العربية و وسع العربية

[mada121977]

الف مبروك العربيه وشكرا على التقييم الجميل
انا من عشاق المازدا جداااا بس للاسف العيب الاساسى هو ان توكيلها مع اللى اسمه غبور ده .. لو حد تانى اخد التوكيل منه زى عبداللطيف جميل كده اامازدا هتحقق مبيعات خرافيه

[MedaSam]

تقرير جامد ..... و ايضا ذكرت اماكن قطع الغيار و بعض اسعارها .......... ألف شكر و ربنا يباركلك فيها

[janjon1978]

شكرا ياجماعة .
بالنسبة لوسع العربية.. فالعربية معقولة يعنى ماهش واسعة اوى زى التيدا او الماتركس ولا هى ضيقة زى الA4 .. هى مناسبة زى الكورولا و الصنى .
اما بالنسبة للثبات فهى بردة وسط يعنى ماهش وحشة زى اليارس ولا هى ممتازة زى الالمانى .. هى زى الكورولا والسيفيك. انا كونت سايق امبارح اعلى حاجة بسيطة من 160 على الدائرى و حسيت انها محتاجة مهارة علشان الواحد يحافظ على الثبات فى الملفلت .. لو الواحد غشيم شوية --> he will lose control

[the_first_knight]

ربنا يبارك لك فيها ويعطيك خيرها ويبعد عنك شرها

وفي انتظار تقرير الصيانة ... ولو أمكن أسعار قطع الغيار لما تروح التوكيل
وربنا يوفقك