صيانة مازدا 3 موديل 2006 والفرق بينها وما بعدها

[JACK NOOR]

السلام عليكم ورحمة الله
انا لسه مشترى مازدا 3 موديل 2006 وحابب اعرف الفرق بينها وبين موديل 2007 وما بعدها
وايه المفروض السيرفس اللى اعمله للعربية مع العلم انها عامله 126000 كم اوتوماتيك

[pioneerahmed]

سير مجموعة ب 300 جم
فلتر بنزين و هات بتاع اللانوس ب 50 جم
فلتر هواء ب 250 جم
بوجيهات الاصلي بتعد 60000 كم ب 140 جم
تيل فرامل الريمسا ب 220 جم احسن من الاصلي

[راضي]

طيب ممكن أعرف إشترتها بكام علشان أنا كمان لسه شاري عربية 2007 ؟

[JACK NOOR]

انا عملت الصيانة وكانت كالتالى
اشتريت فلتر زيت موتور 55 جنيه فلتر هواء 170 جنيه فلتر بنزين 140 وده مش اصلى وعرفت بعد كده انك ممكن تركب بتاع فورد فوكس 2005 وبوجيهات تويوتا 70 جنيه علشان الميكانيكي بتاعى قالى مفيش حاجه اسمها 60000 دى بس اما ركبتهم العربية قطعت وتانى يوم اشتريت بوجيهات كورى ngk واشتغلت كويس بس حاسس أن تجميع العربية أضعف من اﻻول والحاجات دى اشتريتها من العالمية بدمشق
أما بالنسبة لزيت الموتور والفتيس وفلتر الفتيس اشتريتهم من سامى فخرى زيوت ألمانى اسمه ميجوين 900 جنيه
وده اللى انا عملته حتى اﻻن ولا أعرف النتيجه بقى وربنا يستر

[pioneerahmed]

البوجيهات دي هتبوظلك ال 4 موبينات بتوع العربية و هتدوخ على اما تلاقيهم و لو لقيتهم هتلاقيهم غاليين جداا
روح هات الاصلي ب 140 جنية و سيبهم 60000 كم زي ما الكتالوج بتاع العربية بيقول و سيبك من الميكانيكية

[pioneerahmed]

و اصلا ال بوجيهات ال ngk ياباني مش كورى
يعنى الى انت جايبهم دول كمان مضروبين !!!

[JACK NOOR]

اشكرك جدا على اﻻفادة وهاعمل بنصيحتك بعد العيد وكل سنة وانتم طيبين

[janjon1978]

وخد عندك بوجيهات nkg الايروديوم بيعقدوا 100 كم وجبتهم من توكيل nkg ب 250 ج عمالين لغاية النهاردة 95 الف و لسة بخيرهم وسحبهم اكني جايبهم امبارح

[pioneerahmed]

ايريديوم مش ب 250
الايريديوم ب 550 جم عشان بجيبها للهوندا

[love_medo212]

حضرتك جبت العربيه المازدا 3 2006 دى بكام وايه انطباعك عنها علشان انا بفكر اجيب العربيه دى وحببها قوى وتنتا شايف ممكن اجيب 2007 او 2008 احسن وتفرق فى الفلوس قد ايه

[pioneerahmed]

خليك في موديل 2009 احسن عشان الاوبشنز و الفرامل احسن