جنوط مازدا 3 الجديده

[lovemessenger]

السلام عليكم

انا قابلت موضوع غريب النهارده فى توكيل مازدا لما كنت بسئل على العربيه و عايز اعرف رأيكم فيه لو حد يقدر يفيدني

انا كنت بتفرج على العربيه و طبعا غنيه عن التعريف وفيها كل حاجه ممكن الواحد يحب انها تكون في عربيته

بس كانت ملاحظتي الوحيده الجنط صغير شويه مقاسه 16 وتحس انه مش ماشي مع شكل العربيه اوي

بس لما سئلت الراجل اللى كان بيفرجني على العربيه قالي هي العربيه دي نازلها جنط 16 و 18 بس بيتباع لوحده

و قالي لو فى المستقبل جبت العربيه و حبيت تغير الجنط ركب 18 مش 17 لان لو ركبت 17 مش هيمشي مع العربيه و هيتعبها

وانا اللى كنت فاهمه طول عمري ان الجنط لما يكبر يضر العربيه بس مفهمتش ليه 18 احسن من الـ 17

الاستنتاج الوحيد اللى طلعت بيه ان جايز عشان العربيه بره بينزل بجنط 18 يبقى اكيد دا انسب لها

ياريت لو حد عنده معلومات فنيه عن الموضوع دا يفيدنا

انا دلوقتي محتار لو جبت العربيه اكبر الجنط واجيب الـ 18 ولا اخليني فى الـ 16 محتار بصراحه لاني بفكر اجيب العربيه دي

دي صوره للـعربيه بالجنط 16




18

[max13]

انا من رأى انك استفسار الاول عن العربية نفسها علشان انا كنت معجب بيها جدا بس مسمعتش عنها خير ومن ناس عنده خبرة فى المازدا ومعاهم الموديلات اللى قبل الموديل ده وشفتهم بينصحوا ناس يشتروا كورولا وشارك وهوندا

[Sameh samy]

شكاوي المازدا اللي شفنلهل هنا لحد دلوقتي هي ضعف سحب الموتور الغير متناسب مع البودي مع ملاحظة ان العربية مباعتش كتير واللة اعلم هيبان فيها حاجة تاني ولا لا
ريسيل المازدا موش حلو وانا بنصحك بالتويوتا وهي عربية بلا مشاكل تقريبا

[ahm.mega007]

انا هنصحك سيراتو أو تويوتا أو هيونداى أفضل وكمان ف اعاده البيع