اسفسار قبل شراء مازدا 3 2015

[Ahmed.Tarek]

مش عارف اجيبها و لا اجيب الاسترا او الفوكاس ال2015 التوب لاين بردو
و بالنسبة لارتفاعها عن الارض عاملة ايه في المطبات و النقر؟؟؟

انا الصراحة العربية هتطلع من دماغي ركبت الهاي لاين بتاعها تحفة من الاوبشنز للفرش بتاعها للتقفيل حوااااااار ( تتفوق في االاوبشنز عن كل سيارات فئتها الكورولا و ال a7 و السيفيك)
و بالنسبة للموتور و الفتيس القديم انا مش من هواة الجري يعني يوم ما اتمعظم اخري 150


فتنصحوني بإيه؟؟؟

[a7med ezz 20]

لو مش هيهمك سعر اعادة البيع ، وصوت الموتور العالي ، التسارع . يبقي اختيار موفق ، اما لو يهمك التسارع وسعر اعادة البيع يبقي تشوف الفلوانس او الكرولا

[mo7a_mo7a]

مدام حاببها سيبك من كلام الناس واراءهم

توكل

[Ahmed.Tarek]

لو مش هيهمك سعر اعادة البيع ، وصوت الموتور العالي ، التسارع . يبقي اختيار موفق ، اما لو يهمك التسارع وسعر اعادة البيع يبقي تشوف الفلوانس او الكرولا

الفلوانس و الكورولا بحسهم عربيات عيلة مش شبابي و بالنسبة لصوت الموتور هيبقي مسموع للدرجة لو عديت ال130-140
و التسارع في الارض اوي كدة؟؟

[Ahmed.Tarek]

مدام حاببها سيبك من كلام الناس واراءهم

توكل

يعني انا شايف عدم انتشارها ميزة برغم ان معظم الناس شايفاه يعيب العربية
انا حاببها فعلا عشان اتغيرت تغيير جوهري في الشكل و الاوبشنز
بعكس الكورولا مثلا الهاي لاين بتاعها مفيش فرق بينه و بين اللي قبلها غير انها بقي فيها 9 ايرباج (رقم مبالغ فيه) وتاتش سكرين..من غير فتحة سقف و لافاميه خلفي


انا فعلا حاببها بس لازم اقارن عشان 200الف و انت طالع بالنسبة لي مش مبلغ قليل نهائي فمش محتاج اي مقالب...بس انا كعربية حاببها من الاكصدام للاكصدام

[monamize4]

جزمة الفوكس برقبة المازدا ,,

[a7med ezz 20]

الفلوانس و الكورولا بحسهم عربيات عيلة مش شبابي و بالنسبة لصوت الموتور هيبقي مسموع للدرجة لو عديت ال130-140
و التسارع في الارض اوي كدة؟؟

بص هو ده انطباع كل اللي ساقها ، قال تسارعها قليل وصوت الموتور عالي عشان 4 غيار بس ، انا رأيي اعمل تيست درايف ليه وحدد ، لان المبلغ مش شويه ، بس العربية كتقفيل وخامات واوبشن وشكل تحفة ، تضرب عربيات كتير اوي بالجزمة

[haithamelhagar]

هوليه الناس كلها مش عاجبها موتور المازدا ال ١٠٥ حصان م الجيتا والوكتافيا كانو طول عمرهم ١٠٢ حصان وكان تسارعهم كويس

[elostaz13]

رد تفصيلي

الحمد لله استنلمت العربية يوم16 / 11 هنا في الكويت والانطباع الاول اني فعلا احسنت الاختيار بعد حيرة ما بين الفلوانس والكورولا والسنترا العربية كجودة وخامات حاجة فعلا محترمة جدا جدا والشكل الخارجي فعلا مميز وملفت واحد شافها قالي دي واخدة من شكل الشارك الامامي علي احلى وواخدة من شكل الكيا والهيونداي من ورا بصراحة الشكل الخارجي تحفة ومتناسق
نيجي بقى للاداء ولو اني عارف انه لسة مش هيبان دلوقتي انا عملت 1300 كيلو العربية نقدر نقول طلعتها لحد 30 تقيلة بس مع اعتبار اني مش بضغط على الدواسة عشان التليين وكمان ممكن احساسي بدواسة البنزين اللي في الارضية غريب شوية هاخد فترة على متعود على مكانها لاكن بصراحة بعد الاربعين سحب العربية لحد 100 او 110 مزودتش لسة عن كدة اكتر من ممتاز ومافيش صوت للمتور نهائي لحد 100 مستغرب من اللي بيقول صوتها عالي عزل العربية فوق الممتاز للموتور وللاصوات الخارجية ودي السرعة الحالية ليا لاكن اعتقد هايكون مسموع بعد 120 لاكن دا الطبيعي لمواتير 1600 سي سي مع فتيس اربع غيار اما العزل الخارجي فوق الممتاز بس بردو لحد 100كم معلش كلها 2000كمان ونفتح السرعة والتكييف شغلته مرتين بس وبختصار تلاجة العربية الباور بتاعها فعلا دلع الدلع لايضاهيه الا لما جربت الفلوانس قبلها والنظام الصوتي هنا بدون شاشة لل1600 سي سي بس الصوت جميل فيها اربع سماعات اربعة بالابواب بالنسبة لاستهلاك البنزين متوسط 8.5 لتر واعتقد هايقل وبيوصل 5.5 مع تشغيل مثبت السرعة على 90 الحمد لله راضي جدا عنها اللون اللي اختارته هو تيتينيوم فلاش ميكا قريب من الموكا بس اغمق شوية وبصراحة بيترب بسرعة هو شيك بس الفواتح احسن عشان التراب والاحمر بقى دا حكاية على جنب لوحده واي استفسار تحت امركم ودعواتكم
التقيم
خامات داخلية 10/10
شكل خارجي ازواق لاكن في اجماع على انه تحفة ومميز
الباور 10/10
صوت الموتور لسرعة 110 10/10
استهلاك البنزين حاليا كويس جدا ولسة هايقل بعد اول 5 االاف
الفتيس متعود علي الاربعة غيار فيعتبر طبيعي لاكن فيه تبترونك خمس نقلات بس مجربتوش
العزل الخارجي 10/10
العفشة اقيمها 8/10 في احساس بالمطباط بس قل بعد معبيت نيتروجين في اول سيرفس ويمكن عشان مالتي لينك وانا متعود على التورشين
وفي النهاية العربية ممتازة بس بقول انن سعرها عالي شوية في مصر وبصراحة بستغرب لما حد يوقول بلاش مازدا او شارك وهات سيراتو والا هيونداي انا مش شايف اي وجه مقارنة وارجو محدش يزعل والفلوانس كانت اختياري الاول بس التكييف طلع مقلب كانها مافيهاش تكييف هنا ودا طبعا اهم من الموتور في الخليج فصرفت نظر نها واستقريت على المازدا الحمد لله واي استفسار تحت امركم

[Ahmed.Tarek]

الحمد لله استنلمت العربية يوم16 / 11 هنا في الكويت والانطباع الاول اني فعلا احسنت الاختيار بعد حيرة ما بين الفلوانس والكورولا والسنترا العربية كجودة وخامات حاجة فعلا محترمة جدا جدا والشكل الخارجي فعلا مميز وملفت واحد شافها قالي دي واخدة من شكل الشارك الامامي علي احلى وواخدة من شكل الكيا والهيونداي من ورا بصراحة الشكل الخارجي تحفة ومتناسق
نيجي بقى للاداء ولو اني عارف انه لسة مش هيبان دلوقتي انا عملت 1300 كيلو العربية نقدر نقول طلعتها لحد 30 تقيلة بس مع اعتبار اني مش بضغط على الدواسة عشان التليين وكمان ممكن احساسي بدواسة البنزين اللي في الارضية غريب شوية هاخد فترة على متعود على مكانها لاكن بصراحة بعد الاربعين سحب العربية لحد 100 او 110 مزودتش لسة عن كدة اكتر من ممتاز ومافيش صوت للمتور نهائي لحد 100 مستغرب من اللي بيقول صوتها عالي عزل العربية فوق الممتاز للموتور وللاصوات الخارجية ودي السرعة الحالية ليا لاكن اعتقد هايكون مسموع بعد 120 لاكن دا الطبيعي لمواتير 1600 سي سي مع فتيس اربع غيار اما العزل الخارجي فوق الممتاز بس بردو لحد 100كم معلش كلها 2000كمان ونفتح السرعة والتكييف شغلته مرتين بس وبختصار تلاجة العربية الباور بتاعها فعلا دلع الدلع لايضاهيه الا لما جربت الفلوانس قبلها والنظام الصوتي هنا بدون شاشة لل1600 سي سي بس الصوت جميل فيها اربع سماعات اربعة بالابواب بالنسبة لاستهلاك البنزين متوسط 8.5 لتر واعتقد هايقل وبيوصل 5.5 مع تشغيل مثبت السرعة على 90 الحمد لله راضي جدا عنها اللون اللي اختارته هو تيتينيوم فلاش ميكا قريب من الموكا بس اغمق شوية وبصراحة بيترب بسرعة هو شيك بس الفواتح احسن عشان التراب والاحمر بقى دا حكاية على جنب لوحده واي استفسار تحت امركم ودعواتكم
التقيم
خامات داخلية 10/10
شكل خارجي ازواق لاكن في اجماع على انه تحفة ومميز
الباور 10/10
صوت الموتور لسرعة 110 10/10
استهلاك البنزين حاليا كويس جدا ولسة هايقل بعد اول 5 االاف
الفتيس متعود علي الاربعة غيار فيعتبر طبيعي لاكن فيه تبترونك خمس نقلات بس مجربتوش
العزل الخارجي 10/10
العفشة اقيمها 8/10 في احساس بالمطباط بس قل بعد معبيت نيتروجين في اول سيرفس ويمكن عشان مالتي لينك وانا متعود على التورشين
وفي النهاية العربية ممتازة بس بقول انن سعرها عالي شوية في مصر وبصراحة بستغرب لما حد يوقول بلاش مازدا او شارك وهات سيراتو والا هيونداي انا مش شايف اي وجه مقارنة وارجو محدش يزعل والفلوانس كانت اختياري الاول بس التكييف طلع مقلب كانها مافيهاش تكييف هنا ودا طبعا اهم من الموتور في الخليج فصرفت نظر نها واستقريت على المازدا الحمد لله واي استفسار تحت امركم

الف شكر يا باشا علي التقرير الكامل ده...

سؤال بقي بالنسبة للارتفاع ايه نظامها في المطبات و النقر و كنت ناوي اجيبها بجنط ال18 ..ولا مش مستاهلة و ال 16 مقضي الغرض؟؟

[elostaz13]

ارتفاع العربية 16.5 بدون ركاب وعالية جدا عن الارض متقلقش

[back2life]

معلومات مؤكده المازدا هتغلى والعربيات بصفه عامه ..وغبور بينزلها للمعارض بالعافيه

[eng_sedeek]

يعني المازدا احسن من الفلوانس

انت اللكلام علب المازدا 1600 ولا كام انا في السعوديه ومحتار بينها وبين الفلوانس

[elostaz13]

انت اللكلام علب المازدا 1600 ولا كام انا في السعوديه ومحتار بينها وبين الفلوانس

ياباشا انا كان اختياري الفلوانس لاكن بعد التيست دريف صرفت نظر عنها العربية كانها ما فيهاش تكييف واكتشقت ان تكيفها ّمش يباني من نيسان بس الموتور والفتيس نيسان وطبعا التكييف اهم من الموتور في الخليج فنصيحة خاليك في المازدا العربية خامتها انضف من الفلوانس الكوري اللي هنا الف مرة وتكيفها تلاجة بمعنى الكلمة سبع سرعات اقصى سرعة بجبها تلاتة وتلج يعيبها الفتيس اربع غيارات بس انا متعود عليه مش فارقة كتيير ومتبصش على الفلوانس اللي في مصر لانها تقفيل تركي وابشن مختلف روح اعمل تيست دريف وانت هاتقرر لواحدك

[Mohamed.Ramah]

انا من راى طالما مقتنع بيها معادا موضوع التسارع اعمل test drive متوفر على صفحة الوكيل تقدر تحجزة وشوف مناسبة ولا لاء الموضوع مش صعب لدرجة تاخد راى الناس فى التسارع لان اغلب البيكتب راية بيكون بدون تجربة السيارة .. لو معجبتكش شوف بدايل ثانية وفى فى نفس الفئة السيفيك الهاى لاين والفورد فوكاس