تقرير صيانة 150 الف في مركز سبيد سيرفس المهندس هاني

[janjon1978]

اولا لازم اشكر المهندس هاني علي استقباله و ضيافتة و الشغل اللي تعمل بكل شطارة في وقت قليل و بصراحة بفلوس بسيطة انا بعتبرها لا تضاهي ابدا الشغل اللي بيتعمل هناك
واللي ما يعرفش المركز.. يقرا بس الموضوع دة في قسم الهيونداي http://www.nilemotors.net/Nile/28764...r-enghany.html

ثانيا العربية مازدا 3 2008 .. عربية اصيلة اصيلة اصيلة
الحمد لله من الزيرو حتي الان بدون اعطال و الصيانة كلام فاضي

الحاجات اللي غيرتها باسعارها
زيت كاسترول ايدج 5-40 ب 320 ج
فلتر زيت اصلي 55 ج من العالمية
فلتر هواء اسمه micro made in Japan وان كنت اشك فيه ب 125 ج من الشرقاوي جسر السويس
بوجيهات NGKايرديوم ب 275 ج من توكيلها شركة التوفيق بالمعادي
انا كنت جبتها و غيرت البوجيهات الاصلية بيها و انا كنت عامل ساعتها 45 الف و البوجيهات قعدت 105 الف زي الفل.. حاجة ما شاء الله
تيل الامامي و جبت نوع اسمه فرودو ferodo و دي شركة انجليزي بتعمل احسن انوع التيل .. حاجة اعلي من التيل الاصلي كمان.. جبتة ب 400 ج من محل فخري بتاع الفورد بشارع دمشق
عموما التيل اللي فات كان ماركة بوش ايطالي و كان ممتاز جدا.. بيمسك فرامل حلو جدا عيبة ان يهبب الجنوط اسود و عمرة قصير.. كدة كدة انا في الفرامل احب اجيب احسن حاجة.. علشان كدة ماليش و لا في الريمسا و لا الياباني اللي مش اصلي

و تم الكشف علي العربية ككل و العفشة و الفرامل الخلفية و سكان بجهاز الاعطال.. و المصنعية كلام فاضي 70 ج بس
بامانة اللي هايروح هناك مرة .. عمرة ماهيسيبة

اخيرا اشكر تاني هاني و اشكر بردة شركة مازدا.. انها حقا سيارة محترمة ..

[enghany]

اولا لازم اشكر المهندس هاني علي استقباله و ضيافتة و الشغل اللي تعمل بكل شطارة في وقت قليل و بصراحة بفلوس بسيطة انا بعتبرها لا تضاهي ابدا الشغل اللي بيتعمل هناك
واللي ما يعرفش المركز.. يقرا بس الموضوع دة في قسم الهيونداي http://www.nilemotors.net/nile/28764...r-enghany.html

ثانيا العربية مازدا 3 2008 .. عربية اصيلة اصيلة اصيلة
الحمد لله من الزيرو حتي الان بدون اعطال و الصيانة كلام فاضي

الحاجات اللي غيرتها باسعارها
زيت كاسترول ايدج 5-40 ب 320 ج
فلتر زيت اصلي 55 ج من العالمية
فلتر هواء اسمه micro made in japan وان كنت اشك فيه ب 125 ج من الشرقاوي جسر السويس
بوجيهات ngkايرديوم ب 275 ج من توكيلها شركة التوفيق بالمعادي
انا كنت جبتها و غيرت البوجيهات الاصلية بيها و انا كنت عامل ساعتها 45 الف و البوجيهات قعدت 105 الف زي الفل.. حاجة ما شاء الله
تيل الامامي و جبت نوع اسمه فرودو ferodo و دي شركة انجليزي بتعمل احسن انوع التيل .. حاجة اعلي من التيل الاصلي كمان.. جبتة ب 400 ج من محل فخري بتاع الفورد بشارع دمشق
عموما التيل اللي فات كان ماركة بوش ايطالي و كان ممتاز جدا.. بيمسك فرامل حلو جدا عيبة ان يهبب الجنوط اسود و عمرة قصير.. كدة كدة انا في الفرامل احب اجيب احسن حاجة.. علشان كدة ماليش و لا في الريمسا و لا الياباني اللي مش اصلي

و تم الكشف علي العربية ككل و العفشة و الفرامل الخلفية و سكان بجهاز الاعطال.. و المصنعية كلام فاضي 70 ج بس
بامانة اللي هايروح هناك مرة .. عمرة ماهيسيبة

اخيرا اشكر تاني هاني و اشكر بردة شركة مازدا.. انها حقا سيارة محترمة ..

اشكرك ايها المحترم و دايما نراك بافضل حال انت و اسرتك الكريمه

[tatoooooo]

تقرير مفيد وهايل تسلم على المجهود ولتعم الافاده

[elrity]

شكرا أخ جنجون ... انا معايا نيسان صني و كنت بفكر أغير لمازدا 3 بسبب الاستهلاك العالي لبنزين للصني ... كنت بسأل هل ترشح هذا التغيير ولا لأ ... و ما هو استهلاك الوقود معاك و شكرا مقدما

[elrity]

و معلش سؤال تاني مهم ... اخبار سحب العربية معاك إيه ... انا بسمع كلام على ان الموتور ضعيف بالنسبة لحجم العربية ... هل ضعيف اوي كدة .... و هل العربية واطية اوي و بتحك في المطبات ؟؟؟

[janjon1978]

شكرا أخ جنجون ... انا معايا نيسان صني و كنت بفكر أغير لمازدا 3 بسبب الاستهلاك العالي لبنزين للصني ... كنت بسأل هل ترشح هذا التغيير ولا لأ ... و ما هو استهلاك الوقود معاك و شكرا مقدما

معدل الاستهلاك ممتاز حوالي 230 في الصفيحة بس انا 70% من الطرق سريعة مش زحمة.. لكن اصحابي اللي مشاوريهم في الزحمة الصفيحة بتعمل 170 ال 190 كم.. يعني الاستهلاك مش حلو قوي اعتقد احسن حاجة بسيطة من الصني.. او بتدور علي عربية اقتصادية و كبيرة يبقي عندك اليارس او الستيي استهلاك البنزين ممكن يوصل 300 في الصفيحة خصوصا لو مانيوال.. عموما المازدا احلي بكتير كتير كتير من الصني ركوبة حلوة و اوبشن اكتر و خامات احلي و اعتمادية احسن بس انا مابحبش اجيب عربية مستعملة بقالها اكتر من 5 سنين.. علشان كدة مانصحش بالتغيير الا الي كسر زيرو موديل 13 او 14

[janjon1978]

و معلش سؤال تاني مهم ... اخبار سحب العربية معاك إيه ... انا بسمع كلام على ان الموتور ضعيف بالنسبة لحجم العربية ... هل ضعيف اوي كدة .... و هل العربية واطية اوي و بتحك في المطبات ؟؟؟

السحب ممتاز بالذات لو سوقت بالتربترونيك.. ممكن يبقي احسن من الصني بفرق قليل
لكن ماهش عربية سباق.. يعني اكيد الفيرنا اسرع

العربية واطية.. و الكل عارف كدة و اكيد ها تحك في المطبات العشوائية اللي بتقبي زي الجبال لكن المطبات العادية مش بتحك خالص

المازدا عربية من العربيات اللي تركبها و تنساها زي الكورولا 2006 .. اعطالها قليلة جدا و بتتحمل البهدلة بشكل موش طبيعي.. مش عايز اقولك خلال السبع سنين اللي فاتت.. بتحرك بيها بشكل يومي.. طرق سريعة و بطيئة و مبهدلها اخر بهدله و العربية لغاية دلوقتي زيرو زيرو.. لدرجة انا مش عارف اغيرها لاني مش لاقي حاجة في جمالها

[Thebutcherr]

انا عندي بس تحفظ ليه تجيب فلتر مش اصلي ب 125 لما الاصلي ب 140
و تيل فرامل ب 560 !! اصلي
انضم ل fb/Mazda 3 Egypt club

[Mecha]

اوتومبيل حلو

[elrity]

الف الف شكر على الإفادة و الاهنمام .... و تقريبا كدة انا نويت, و بالمناسبة في مازدا 3 موديل2011 هاي لاين في معرض غبور للمستعمل, العربية رشة برة بالكامل و مغيرة شنطة نتيجة حادثة, عاملة 85 ألف كيلو و معروضة عل 122 ألف جنية ... إيه رأئ خبراء المازدا ... أدوس ولا أصرف نظر .... و شكرا لإهتمامك

[Stingahmed]

اهرب يا برنس
122 الف ايه اللى هاتدفعهم دول فى عربية عامله حادثه و مرشوشه كلها بالكامل

لأ طبعا حرام جدا