موضوع خطير جدا وغريب ..أرجو المساعدة

[KABOKY_2010]

السلام عليكم
انا اخوكم من قسم اسكودا
وكان عندى استفسار بسيط الى هو لية
لية سعر المازدا 3 من موديل 2007 لحد 2009 واقع اوى كدة ومش بيعدى ال 90000 والهاى لاين كمان فى حين ان عربيات تانية اقل منها فى الموديل والفئة واسعارهم بتعدى ال100 امثال الكورولا و البومة اقل فى الاوبشنز وفى الخامات وفى الفئة والسعر بتاعهم نار فى حين انك تلاقى فى المازدا شكل فخيم سحب وثبات شكل داخلى روعة اوبشنز بسم الله ما شاء الله لية بقى السعر كدة ولية الانتشار مش قوى مع ان سعرها واقع
سامعك يالى بتقولى طب وانت مالك انت انت معاك فانتازيا مالك بالمازدا احب اقولة ان اخوك بيمر بظروف صعبة وبيفكر يبيع عشان كدة قولت اخد فكرة عن العربيات الى ممكن تعمل فى حدود 85 لحد 90 امثال مازدا 3 النترا 2008-2009 والبومة طبعا
ارجو الافادة لانى بفكر بشكل كبير فى المازدا وبالله عليكم بدون تحيز
أسف للاطاله

[hardmind_doc]

عربية محترمة
المشكلة اللى منتشرة عنها غلو قطع الغيار وان كنت مش متاكد لانى معرفش اسعارها
وانا شايف ان قلة سعر بيع عربيات محترمة زى المازدا والسوبارو والميجان دى حاجة كويسة للى هيشترى مستعمل

[mr_green]

قطع غيارها نوعا ما حاليا بقت معقولة - لكن صعب جدا تلاقى عربية نضيفة لأنها بتكون إستعمال شباب صغير و طول ما هى كويسة مش بيبيع و لما بيعمل بيها حدثه ولا أى بلوه بيفكر يبيع - المستعمل فى مصر مأساه

[KABOKY_2010]

عايز اراء اكتر يا جماعة

[خالد دياب]

متابع

[فتح الباب]

الماذدا ٣ قطع غيار معمره جدا ثبات مش زى انت ما بتوصف انما ثبات عالى جدا جدا عوامل امان جيده اما بالنسبه للكماليات فمش هنتكلم عن الكماليات لانها معروفه ايجابا طبعا نيجى بقى لاهم حاجه بالنسبالى انا شخصيا اللى هى عدم انتشارها ودى هتخليك مميز عن غيرك ده غير انها شيك جدا وفخمه وبرستيج عالى اوى وكفايه متعة ورفاهية القياده بتاعتها التى تجعلك بعد ٥ ساعات قياده مثلا تصل وانت غير مجهد وكلك حماس ولا تشعر يتعب القياده اصلا دى كانت وجهة نظرى انا طبعا واحترم اى وجهة نظر اخرى حتى لو كانت مضاده ٠ شكرا

[فتح الباب]

ونسيت اقولك ان محدش عملها تاكسى ودى مهمه طبعا

[KABOKY_2010]

يا جماعة انا مش بطلب من حد انة يقولى على مواصفات ولا يتغزل فى العربية كل دة انا عارفة اية سبب نزول سعرها كدة بالدرجة دى مقارنة بالعربيات اليابانى الى زيها وفى نفس فئاتها وكمان اوبشن اقل من المازدا وياريت لو اعرف سعرها جديد كان عامل كام

[khaled_afandy]

يا جماعة انا مش بطلب من حد انة يقولى على مواصفات ولا يتغزل فى العربية كل دة انا عارفة اية سبب نزول سعرها كدة بالدرجة دى مقارنة بالعربيات اليابانى الى زيها وفى نفس فئاتها وكمان اوبشن اقل من المازدا وياريت لو اعرف سعرها جديد كان عامل كام

المازدا فاسدة هذا ما يقوله جهابذة السوق لمصرى العظيم و علشان كده العربية دايما فى المراكز الاولى فى التقييمات زى ده مثل بالنسبة ل ٢٠١٥
Best Affordable Compact Cars Rankings | U.S. News Best Cars
سعرها كان ١٢٠ تقريبا زيرو

عندك برضه التويوتا افينسيس عربية سوبر جبارة انما ما لهاش سعر قوى علشان مانيوال

[atef_5005]

السلام عليكم
انا اخوكم من قسم اسكودا
وكان عندى استفسار بسيط الى هو لية
لية سعر المازدا 3 من موديل 2007 لحد 2009 واقع اوى كدة ومش بيعدى ال 90000 والهاى لاين كمان فى حين ان عربيات تانية اقل منها فى الموديل والفئة واسعارهم بتعدى ال100 امثال الكورولا و البومة اقل فى الاوبشنز وفى الخامات وفى الفئة والسعر بتاعهم نار فى حين انك تلاقى فى المازدا شكل فخيم سحب وثبات شكل داخلى روعة اوبشنز بسم الله ما شاء الله لية بقى السعر كدة ولية الانتشار مش قوى مع ان سعرها واقع
سامعك يالى بتقولى طب وانت مالك انت انت معاك فانتازيا مالك بالمازدا احب اقولة ان اخوك بيمر بظروف صعبة وبيفكر يبيع عشان كدة قولت اخد فكرة عن العربيات الى ممكن تعمل فى حدود 85 لحد 90 امثال مازدا 3 النترا 2008-2009 والبومة طبعا
ارجو الافادة لانى بفكر بشكل كبير فى المازدا وبالله عليكم بدون تحيز
أسف للاطاله

حضرتك زي حالاتي كان معايا اوكتافيا 2010 خليجي كانت رائعه و لظروف شراء شقه بعت العربيه
و كنت بدور برضو علي مازدا 3 لفيت كتير و ما لقتش حاله نظيفه فعلا معظمها مع الشباب
بس عي عربيه رائعه
و في الاخر صرفت نظر و جبت تيدا
نصيحه هات الحاله الممتازه بغض النظر عن الموديل

[خالد دياب]

المازدا فاسدة هذا ما يقوله جهابذة السوق لمصرى العظيم و علشان كده العربية دايما فى المراكز الاولى فى التقييمات زى ده مثل بالنسبة ل ٢٠١٥
best affordable compact cars rankings | u.s. News best cars
سعرها كان ١٢٠ تقريبا زيرو

عندك برضه التويوتا افينسيس عربية سوبر جبارة انما ما لهاش سعر قوى علشان مانيوال

يعني ايه مازدا فاسده ؟؟؟؟ برجاء التوضيح

[khaled_afandy]

يعني ايه مازدا فاسده ؟؟؟؟ برجاء التوضيح

ده كلام القهاوى اللى بيقولوه فى السوق المصرى العظيم، شغل فتى يعنى
كل ما تكلم الناس عن المازدا يقول لك المثل العظيم ده :-)
العربية ممتازة و هى افضل اليابانى حاليا رأسا برأس مع السيفيك و الأيمبريزا كل له مزايا تفوق فى نقاط معينة، المازدا الأجمل و الأشيك و صالون رائع واسع و عفشة ممتازة، الهوندا الأفضل فى المحرك و الإعتمادية، و الأيمبريزا بنظام القيادة all-wheel-drive

[KABOKY_2010]

عايز اراء اكتر يا جماعة حد يفيدنى اكتر لان الموضوع شاغلنى ومهم

[e.k.omran]

من وجهة نظري
المازدا عربية ممتازة نفس العيلة مع الفورد و الفولفو زي عيلة فولكس وسيات واسكودا و اودي.
العربية مش ناعمة زي العربيات الياباني هيا رياضية اكتر فالي متعود على ركوب اليابني مش بيقتنع بيها روكبها شبه الالماني ...فابيأثر على سعرها
الصالون و الشنطة ديقين لحد كبير جدا .فاتفقد الشريحة العائليه بيأثر على سعرها.
العربية مختلفة تماما عن الموديل السابق قطع الغيار مش كتير و غالية زيها زي الفوكاس و الفولفو اس 40.قطع غيار غالية و مش متوفرة على طول ودي اكتر حاجة تقتل سعر عربية في السوق المصري والدليل ان البوما و اية 4 مساكين سعر عشان رخص قطع الغيار .
الوكيل مهتم بالهيونداي اكتر يكاد يكون بيحارب العربية .
معظم الي بيجيب العربية شباب فصعب تلاقي عربية حالة ممتازة غالبا بتبقى متهانة بس عشان هيا عربية ممتازة بتستحمل .
اقرب الياباني للاسكودا حتكون المازدا فعلا مش حتس اوي بقطع الغيار الاثنين قريبن لبعض بس الوفرة و مراكز الصيانة لصالح الاسكودا بكتيير
الوسع حيفرق اوي لصالح الاسكودا.

[KABOKY_2010]

لا مهو لو قطع غيار المازدا زى الفانتازيا مش هجيب مازدا انا عايز اهرب من الفانتازيا عشان قطع الغيار وفرق السعر محتاجة لظروف خاصة ماليه عندى انا بفكر بردوا فى a4 والبوما يا جماعة بجد محتاج المساعدة وآراء الناس العنتيله فى المازدا