افيدونى يا وحوش المازدا 3

[Eng. Karim]

السلام عليكم ورحمه الله وبركاته .
انا معايا مازدا 3 موديل 2008 خليجى ماشيه لحد الان 130.000 شاريها من شهرين الحمد لله العربيه كويسه جدا واللى اشترتها منه كان عامل صيانه ف التوكيل قبل ما اشتريها باسبوعين
المهم بعد ما اتعودت على العربيه بدات الاحظ حاجه مش عارف دى طبيعيه ولا فى حاجه اولا وانا بدور والعربيه على وضع ال parking بحس بصوت تكه بسيطه اوى صادره تقريبا من عند الكبالن كده وخصوصا اليمين ولما باجى انقل من ال n الى ال d او ال r بسمع نفس صوت التكه برضه . واوقات لما اكون ماشى واهدى عند مطب وبعدين اجى ادوس بنزين بسمع نفس التكه بس الحاله دى بتحصل قليل جدا مع العلم ان زيت الفتيس متغير ف التوكيل عند 90.000 كيلو وكشفت عليه قريب كان مظبوط ولونه احمر نقى وقالولى الزيت تمام والكبالن حالتها كويسه والكاوتش يتاعها سليم وما فيش اى تسريب للزيوت ولا اى حاجه غير طبيعيه يا ترى بقى اللى بقوله ده طبيعى فى العربيه ولا ف حاجه مش مظبوطه ياريت يا جماعه تقدرو تفيدونى عشان انا من النوع الموسوس ف العربيات وما بحبش اسكت على اى حاجه احسها ف العربيه ولكم جزيل الشكر مقدما .

[Eng. Karim]

ايه يا جماعه كله مشاهده ما فيش رد ولا ايه

[alizahran5]

اكشف على قواعد المتور وخصوصا اللى فوق فى الجمب اليمين وحاول تجرب تانى وتركب جوا العربيه وتعشف الفتيس على r او d وانت مقفل الزجاج بتاع العربيه كامل بدون ما تتحرك وشوف الصوت مع التعشيق وانت واقف على p فى فرق ولا واحد ولو المشكله فى الفتيس بتظهر معاك وانت جاى تهدى فى مطب او وانت بتهدى . حاول تجرب وترد عليا وان شاء الله بحاول افيدك

[Eng. Karim]

اكشف على قواعد المتور وخصوصا اللى فوق فى الجمب اليمين وحاول تجرب تانى وتركب جوا العربيه وتعشف الفتيس على r او d وانت مقفل الزجاج بتاع العربيه كامل بدون ما تتحرك وشوف الصوت مع التعشيق وانت واقف على p فى فرق ولا واحد ولو المشكله فى الفتيس بتظهر معاك وانت جاى تهدى فى مطب او وانت بتهدى . حاول تجرب وترد عليا وان شاء الله بحاول افيدك

شكرا على استجابتك بس بالنسبه لقواعد المتور كشفت عليها وكلها تمام ومن شويه خرجت بالعربيه وحاولت اركز اكتر لقيت ان التكه دى ما بتحصلش وانا ماشى غير لما بدوس فرامل جامد وبعد كده اجى ادوس بنزين تظهر انما لو دوست فرامل خفيفه ما بتظهرش علما بان التيل عندى قرب يخلص

[alizahran5]

طيب جربت وانت ماشى على الفتيس العادى والتيل عامل صوت ولا مفيش صوت

[body]

عايز اسال معاليك سؤال وانت نازل من كوبرى مثلا وجيت اديت فرامل وانت نازل بتسمع نفس التكة ؟

ولما بتاخد المطبات بأوضاع معينة بتظهر ولا لا ؟

ولما بيكون العربية باردة الصبح وتيجى تتحرك وترجع بالعربية بتسمع نفس التكة ولا لا ؟

لازم اعرف لان الحركة دى كانت عندى فى الجيتا وكنت هتجنن لمدة 4 شهور والتوكيل ماعرفش من اية الوحيد اللى عرف المشكلة وحلها المهندس محمد سمير الله يرحمه

[Eng. Karim]

عايز اسال معاليك سؤال وانت نازل من كوبرى مثلا وجيت اديت فرامل وانت نازل بتسمع نفس التكة ؟

ولما بتاخد المطبات بأوضاع معينة بتظهر ولا لا ؟

ولما بيكون العربية باردة الصبح وتيجى تتحرك وترجع بالعربية بتسمع نفس التكة ولا لا ؟

لازم اعرف لان الحركة دى كانت عندى فى الجيتا وكنت هتجنن لمدة 4 شهور والتوكيل ماعرفش من اية الوحيد اللى عرف المشكلة وحلها المهندس محمد سمير الله يرحمه

ما جربتش اسمعها وانا نازل من كوبرى اما موضوع المطبات باوضاع معينه ده اعتقد بيحصل ولما العربيه بتكون بارده ةاجى اتحرك بالعربيه بسمعها فعلا

[Eng. Karim]

طيب جربت وانت ماشى على الفتيس العادى والتيل عامل صوت ولا مفيش صوت

لا التيل ما بيعملش صوت ف المشى العادى

[body]

ما جربتش اسمعها وانا نازل من كوبرى اما موضوع المطبات باوضاع معينه ده اعتقد بيحصل ولما العربيه بتكون بارده ةاجى اتحرك بالعربيه بسمعها فعلا

روح لعفشجى خلية يلبس السوست الامامية فالجنبين بتاعت المساعدين الامامى يلبسهم خراطيم والموضوع هيتحل معاك بنسبة 100% لانه الموضوع دة كان عندى فالجيتا وغيرت حاجات ماكنتش عايزة تتغير لغايت لما وصلت للموضوع دة فضلت 4 شهور عالحال دة

[Eng. Karim]

[QUOTE=body;3875898556]روح لعفشجى خلية يلبس السوست الامامية فالجنبين بتاعت المساعدين الامامى يلبسهم خراطيم والموضوع هيتحل معاك بنسبة 100% لانه الموضوع دة كان عندى فالجيتا وغيرت حاجات ماكنتش عايزة تتغير لغايت لما وصلت للموضوع دة فضلت 4 شهور عالحال دة[/QUO

اوك ان شاء الله ف اقرب وقت هروح لعفشجى اعمل الحوار ده واكيد هبلغك الاخبار تسلم يا وحش

[body]

[QUOTE=Eng. Karim;3875899119]

روح لعفشجى خلية يلبس السوست الامامية فالجنبين بتاعت المساعدين الامامى يلبسهم خراطيم والموضوع هيتحل معاك بنسبة 100% لانه الموضوع دة كان عندى فالجيتا وغيرت حاجات ماكنتش عايزة تتغير لغايت لما وصلت للموضوع دة فضلت 4 شهور عالحال دة[/QUO

اوك ان شاء الله ف اقرب وقت هروح لعفشجى اعمل الحوار ده واكيد هبلغك الاخبار تسلم يا وحش

تسلم ياباشا وتحت امر معاليك وبلغنى بالاخبار بعد ماتعمل العربية وان شاء الله هتلاقيها ظبطت معاك بنسبة 100%
ولو فى اى حاجة تانية انا تحت امر حضرتك

[Eng. Karim]

[QUOTE=body;3875899812]

تسلم ياباشا وتحت امر معاليك وبلغنى بالاخبار بعد ماتعمل العربية وان شاء الله هتلاقيها ظبطت معاك بنسبة 100%
ولو فى اى حاجة تانية انا تحت امر حضرتك

حبيبى تسلم ويسلم زوقك العالى وعلى فكره انا رحت النهارده اغير تيل فقلت للميكانيكى اللى بيحصل قعد ف العربيه ودورها وفضل ينقل من الnالى ال d و r والتكه كانت بتظهر وهى واقفه قالى دى كبالن ولما فك الطنبوره مسك الكبلن الداخلى الشمال كانت فيه سنه بوش صغيره اوى قالى الكوبلن الداخلى عايز يتغير دا السبب ف التكه دا كان رايه بس مش عارف رايه صح ولا لا مش مقتنع بصراحه وبرضه ان شاء الله هروح للعفشجى وهقولك رايه ايه .