عربيتي زيرو وبغسلها بالماء فقط رايكم ايه

[elostaz13]

انا اشتريت مازدا 3 2015 وطبعا عاوز احافظ عليها من الهواء هههههههه المهم طبعا منعت البواب يقرب منها نهائي وكنت بروح اغسلها في المغسلة كل 10 ايام مرة ولاكن الجو اليومين دول ترااااب شديد جدا وبتتهبب تقريبا يوميا ودا عشان لونها موكا وبضطر اغسلها بنفسي يوم اه ويوم لاء وخفت من الشامبوهات تبهدل اللون فبغسلها بماء فقط وسفنجة نظيفة واجففها بقماش قطن فعاوز رايكم كدة صح والا بردو اللون هايتبهدل وتبعا بدون خرطوم مياه وسفنجة فقط محتااار وخايف ياريت تفيدوني وتبعا هاوديها مرة كل شهر المغسلة تتظبط من جوة

[Omar Sarray]

الف الف مبروك على شراء السياره والاختيار طبعا بعد تفكير كتير واحتيار وانشاءالله ربنا كرمك عربيه حلوا

لون الموكا حلو كمان وان كان لو جبت اسود او سلفر فاتح كان حتبقى تحفه معاك بس خلاص كل شى قسمه ونصيب

جبتها فئه كامله وله لا

جنوط 16 وله كام عندك

نجى بقى للمفيد اولا لازم حضرتك وده راى الشخصى كل شهر على الاقل تروح لبنزينه موبيل فى دقى بنزينه محترمه جدا فى التعامل والتنظيف العربيه وتكفله عن تجربه 35 جنيهه ولو عاوز انت بايدك تجيب جردك ميه وتمسح العربيه براحه عليها وتنظها بسفنجه وبراحه على العربيه من برا كويس وبكده حتحافظ على عربيتك وانت كلامك صح مفعوش اى حاجه والف مبروك تانى مره ربنا يكفيك شر الطريق يارب ويحفظك يارب تقبل مرورى

[elostaz13]

تحياتي استاذ عمر انا في الكويت والفئات هنا مختلفة عن مصر عموما معايا تاني فئة رنجات الومنيوم 16 ومثبت سرعة وكشافات ضباب وبلوتوث وتحكم سكان واضاءة نهارية و ستارت انجن وكدة تمام قوي عليا وفي انتظار باقي الاراء

[Abo_Mazen]

بلاش مياه كتير عليها ..حاول تشوف لها جراج مقفول احسن ..البويه مع الوقت ممك تجير من المياه وخصوصا ان المياه اللي بتستخدمها مش خاليه من الاملاح ..ممكن بفوطه رطبه تتمسح مرتين في اليوم ..فوطه رطبه مش ظفره ..