تقرير كامل عن مازدا 3 - 2015

[hmotors]

مبروك عليك يا ريس بس سؤال يعني علشان انا عجباني العربيه وناوي عليها يا اماالاوكتافيا بس انا ميال للمازدا الهاي لاين هاتشباك بس سؤالي العربيه انت شايفها تستحتق الشراء على الناس الي بيتقول سعرها غالي على متورها 1600 مش تربو و105 و4 سرعات وفي عربيات تانيه 6 سرعات وان مافيهاش نظام الثبات الالكتروني (esp) ولا الحاجات دي مش فارقه قوي بالذات حوار esp واي لون اشتريته , وشكرا

الله يبارك فى حضرتك، جبت الفضى

تستحق الشراء وعربية كويسة جداً، بس لازم تتنازل عن حاجة مقابل حاجة موجدة فى عربيات منافسة والعكس، كل ده يعتمد على احتياجات كل واحد.

اذا حبنا نعمل مقارنة بين مازدا الموديلات الى قبل كده هتلاحظ فى تطور كبير حتى مع نفس المتور ، الكورولا الجديدة 2015 مثلاً بينزل موديل منها خليجى 4 سرعات (D,3,2,L) وكمان مفهاش استبترونك و جربتها كتير،

العربية دى النقلات فيها مختلفة وحادة وكمان المتور قوى ومع كده فى بعض الأحيان الجيربوكس ردت فعله مش كل مرة سريعة الحق يقال اذا النقلة جت مظبوطة العربية بتدى تسارع قوى جدا اكثر من ممتاز.


تحياتى لحضرتك وبالتوفيق،

[Fawzy.Abdelnour]

بالنسبالى مافيش مشكله مع الموتور, مشكلتى مع الفيتيس.
انا عايز اجيبها انشاء الله, بس لسه جايب سيات توليدو لناس لقيت الفيتيس فارق جداً.
التوليدو 105 حصان بردو بس عزم اعلى شويه 153 مقابل 143 للمازدا, مع فيتيس تيبترونيك 6 سرعات مخلى الموتور مرتاح عالاخر.
بس الصراحه المازدا فيها شوية اوبشنز رائعه, و شكل جمالى و خامات جباره, اعتقد اعلى اوبشنز فاليابانى.

[hmotors]

بالنسبالى مافيش مشكله مع الموتور, مشكلتى مع الفيتيس.
انا عايز اجيبها إن شاء الله, بس لسه جايب سيات توليدو لناس لقيت الفيتيس فارق جداً.
التوليدو 105 حصان بردو بس عزم اعلى شويه 153 مقابل 143 للمازدا, مع فيتيس تيبترونيك 6 سرعات مخلى الموتور مرتاح عالاخر.
بس الصراحه المازدا فيها شوية اوبشنز رائعه, و شكل جمالى و خامات جباره, اعتقد اعلى اوبشنز فاليابانى.

متفق مع حضرتك ، علشان كده دى اكتر حاجة كانت مخليانى متردد فى البداية ان الفتيس 4 سرعات خصوصاً انى نزلت من عربية سيراتو فتيس 6 سرعات فكان قرار اصعب انى اشترى المازدا ومازلت شايف الفرق كبير لصالح ال 6 سرعات بس الفتيس فقط،

لما كنت بقارن العربيات اكتشفت انى مش هقدر اخد كل حاجة نفسى فيها والمازدا فيها كل المواصفات الى احنا عيزنها بس مش بتنزل عندنا فى مصر

انا جربت الفتيس الجديد النيو اكسنت rb هو 6 سرعات بس الطريقة الى شغال بيها مش عجبانى ، جربت المرسيدس ال c طبعا عربية مفهاش كلام بس صدقنى مثلاً صوت المتور معجبنيش والنقلات مش الحاجة الى هتحس بفرق، طبعاً قوة كبيرة بس مش كل حاجة الواحد هيحتجها لازم تكون سرعة وقوة،

تحياتى وبالتوفيق،

[Fawzy.Abdelnour]

انا الصراحه ان شاء الله هجيبها.
الفيتيس فعلا مش جامد، بس العربيه ككل تستاهل.
بس لو الفيتيس يتغير، و يزودو esp تبقي حكايه.

[hmotors]

انا الصراحه ان شاء الله هجيبها.
الفيتيس فعلا مش جامد، بس العربيه ككل تستاهل.
بس لو الفيتيس يتغير، و يزودو esp تبقي حكايه.

الف مبروك مقدماً ،

[mohamedmajed]

طيب يا ريس سالت على حوار اعاده البيع ولا مكنش في راسك الموضوع ده ولا كنت حاطه في الحسابات وان سوقها واقع المازدا وكده ساعه البيع , وشكرا

[hmotors]

طيب يا ريس سالت على حوار اعاده البيع ولا مكنش في راسك الموضوع ده ولا كنت حاطه في الحسابات وان سوقها واقع المازدا وكده ساعه البيع , وشكرا

أكيد فى حساباتى اعادة البيع، وكمان سألت ناس كتير جدا معاهم مازدا قبل كده وكل الراكبين العربية السعر نزل طبعاً مقارنة بئعادة بيع كيا او هيونداى بس مش بالدرجة الى انته متخيلها ومعظمهم مكنش عايز يبيع والسبب الرئيسى للبيع كان ان الموديل القديم ديق شوية. الصارحة تمسك اصحاب العربية بيها شجعنى اكتر.

يعنى لما تشترى عربية وتحب تبعها بعد سنتين غير لما تقعد معاك 5 سنين مثلاً.

اعادة البيع الفورية هتخسر جامد فى اى عربية وخصوصاً لما سعر العربية يكون عالى.

المازدا محبوبة فى مصر وإعادة البيع فيها محتاجة صبر شوية غير لما تبيع لتاجر اى عربية هتنزل الأرض.

اتمنا اكون أفدت حضرتك، وتمنياتى بكل التوفيق إن شاء الله.

[hmotors]

الأختيارات و العربيات الى فى نفس الفئة السعرية "هلى لين / اعلى فئة" ونشوف القرار كان هيكون لصالح مين:

- مازدا 3 210,000
- كيا سيراتو 201,000
- هيونداي الينترا 185,500
- تويوتا كرولا 216,900
- هوندا سيفيك 225,000
- اسكودا اوكتافيا 261,900 & 221,900
- سوبارو امبريزا 199,900
- سوبارو 229,900 - xv
- رينو فلوانس 200,900
- سيتروين c5 228,800
- بيجو 508 299,000 & 269,000
- فورد فوكس 206,000
- اوبل استرا 194,990

كنت هتختار ايه وتتنازل عن ايه ؟ مقابل اعادة البيع،الصناعة،الأوبشن، المتور،الجيربوكس الى موجود فى كل عربية مع العلم فى عربيات سعرها متقارب وعالى ومفيهاش مميزات اساسية

[Omar Sarray]

انا لو مكانك كنت حفكر كتير واختار كورولا اعلا فئه بس مشكله عيب الكورولا هوا مش عيب يعنى بس انو هيا تركى مش يابانى وانو مفهاش فتحه سقف الا على طلب وسالت هناك قالولى الطلب يطول شهر ونص عشان تجى عربيه فيها فتجه سقف وتجى وراها سوبارو امبريزا مع ان سوبارو تقريبا كلها دفع كلى وميزه حلوا وميزه عيب انو مش حتحتاج فى مصر دفع كلى لانك مش بصحرا يعنى ونيجى بقى للى كانو عندى العمالقه المنافسين الى كانو عندى كيا سيراتو اعلى فئه ومازدا 3 اعلى فئه انا شايف جيربوكس 6 نمر اخف واحلا من جيربوكس 4 نمر ال4 نمر عملو عشان موتور خفيف وعملى وصرف بنزين مش عشان تروح تسوق فيها سرعات وتحارب مع حربيات تقيله وال6 نمر على فكره فى كل العربيات الى تيجى مصر ماعدا الاوربى والامريكى دول خليهم على جنب 6 نمر نفس الحكايه بس ميزه 6 نمر نقلاته اسرع واحسن والريتيو عالى شويه لدرجه لو تلاحظ سيراتو 160 عزم دوران ومازدا 143 دوران عزم فرق شاسع حتى لو قلنا سيراتو 155 عزم دوران ومازدا 150 بردك السيراتو فى العزم تكسب ولمه تسابقت على طريق اسكندريه اخويه كان راكب مازدا وانا سيراتو اخويه سبقى على سرعه 160 وانا كنت ورا ماشى على سرعه 170 ال شويه يعنى شفت الفرق قد ايه بردك الحته دى مازدا تكسب فيها بس الباقى طبعا فيه فى مازدا وفى فى سيراتو الباقى بقى سكودا ورينو وبيجو وستروين انا بصراحه مقربش منهم لان عارفهم مش بتوع مصر بصراحه مصر عايزه عربيه حلوا عمليه اقتصاديه وشويه عائليه وفيها اوبشن كويسه وتقعد معاك كتير بس متنساش كمان شركات كتير بتنافس دلوقتى حتى صينى دخل على الخط معاهم ربنا يصبر الواحد بس والاسعار الحلوا دى تنزل وربك المستعان واسف لو طولت عليكم

[hmotors]

انا لو مكانك كنت حفكر كتير واختار كورولا اعلا فئه بس مشكله عيب الكورولا هوا مش عيب يعنى بس انو هيا تركى مش يابانى وانو مفهاش فتحه سقف الا على طلب وسالت هناك قالولى الطلب يطول شهر ونص عشان تجى عربيه فيها فتجه سقف وتجى وراها سوبارو امبريزا مع ان سوبارو تقريبا كلها دفع كلى وميزه حلوا وميزه عيب انو مش حتحتاج فى مصر دفع كلى لانك مش بصحرا يعنى ونيجى بقى للى كانو عندى العمالقه المنافسين الى كانو عندى كيا سيراتو اعلى فئه ومازدا 3 اعلى فئه انا شايف جيربوكس 6 نمر اخف واحلا من جيربوكس 4 نمر ال4 نمر عملو عشان موتور خفيف وعملى وصرف بنزين مش عشان تروح تسوق فيها سرعات وتحارب مع حربيات تقيله وال6 نمر على فكره فى كل العربيات الى تيجى مصر ماعدا الاوربى والامريكى دول خليهم على جنب 6 نمر نفس الحكايه بس ميزه 6 نمر نقلاته اسرع واحسن والريتيو عالى شويه لدرجه لو تلاحظ سيراتو 160 عزم دوران ومازدا 143 دوران عزم فرق شاسع حتى لو قلنا سيراتو 155 عزم دوران ومازدا 150 بردك السيراتو فى العزم تكسب ولمه تسابقت على طريق اسكندريه اخويه كان راكب مازدا وانا سيراتو اخويه سبقى على سرعه 160 وانا كنت ورا ماشى على سرعه 170 ال شويه يعنى شفت الفرق قد ايه بردك الحته دى مازدا تكسب فيها بس الباقى طبعا فيه فى مازدا وفى فى سيراتو الباقى بقى سكودا ورينو وبيجو وستروين انا بصراحه مقربش منهم لان عارفهم مش بتوع مصر بصراحه مصر عايزه عربيه حلوا عمليه اقتصاديه وشويه عائليه وفيها اوبشن كويسه وتقعد معاك كتير بس متنساش كمان شركات كتير بتنافس دلوقتى حتى صينى دخل على الخط معاهم ربنا يصبر الواحد بس والاسعار الحلوا دى تنزل وربك المستعان واسف لو طولت عليكم

انا فكرت كتير واخترت المازدا 3 فى الأخر ،

وكان السؤال الأساسى قبل ماشترى ادفع فى السيراتو 201 الف علشان المتور والجيربوكس؟ والأوبشن مش زى الأول حتى اعلى فئة دلوقتى مبتنزلش تكييف تتش او دول زون ولا كرسى السواق كهربا.
او التويوتا 217 بالحجز وكمان مش يابانى والخامات الداخلية متواضعة والتصميم فطبعاً الأجابة كانت سهلة.

شكرا لتعليق حضرتك،

[mohamedmajed]

أكيد فى حساباتى اعادة البيع، وكمان سألت ناس كتير جدا معاهم مازدا قبل كده وكل الراكبين العربية السعر نزل طبعاً مقارنة بئعادة بيع كيا او هيونداى بس مش بالدرجة الى انته متخيلها ومعظمهم مكنش عايز يبيع والسبب الرئيسى للبيع كان ان الموديل القديم ديق شوية. الصارحة تمسك اصحاب العربية بيها شجعنى اكتر.

يعنى لما تشترى عربية وتحب تبعها بعد سنتين غير لما تقعد معاك 5 سنين مثلاً.

اعادة البيع الفورية هتخسر جامد فى اى عربية وخصوصاً لما سعر العربية يكون عالى.

المازدا محبوبة فى مصر وإعادة البيع فيها محتاجة صبر شوية غير لما تبيع لتاجر اى عربية هتنزل الأرض.

اتمنا اكون أفدت حضرتك، وتمنياتى بكل التوفيق إن شاء الله.

شكرا لردك طيب هو الفتيس في المازدا استبترونك ولا ايه وشكرا ليك لحضرتك

[hmotors]

شكرا لردك طيب هو الفتيس في المازدا استبترونك ولا ايه وشكرا ليك لحضرتك

العفو ، فتيس المازدا استبترونك اربع سرعات
تحياتى لحضرتك وبالتوفيق ،

[Omar Sarray]

المهم يا خويه انك مرتاح مع العربيه لان انا ندمت لمه بعت المازدا 3 بصراحه بوظت دنيا انا عكيت كنت عاوز ابيع العربيتين سيراتو والمازدا عشان خاطر اجيب فورد فيوجن الفئه القبل الاخيره ب292 الف من اوتو جميل بس ندمت لمه بعت مازدا مع ان مكنش عاجبنى فيها حاجتين ولله شكل الجنوط ومفهاش مخرج تكيف خلفى بس الباقى كانت كويسه جدا وياريت بقى لو تحط صور لعربيتك بقى ونشوف لونها بقى وله ايه رايك

[hmotors]

المهم يا خويه انك مرتاح مع العربيه لان انا ندمت لمه بعت المازدا 3 بصراحه بوظت دنيا انا عكيت كنت عاوز ابيع العربيتين سيراتو والمازدا عشان خاطر اجيب فورد فيوجن الفئه القبل الاخيره ب292 الف من اوتو جميل بس ندمت لمه بعت مازدا مع ان مكنش عاجبنى فيها حاجتين ولله شكل الجنوط ومفهاش مخرج تكيف خلفى بس الباقى كانت كويسه جدا وياريت بقى لو تحط صور لعربيتك بقى ونشوف لونها بقى وله ايه رايك

تجربتك مهمه،
بعت عربيتك بكام , وكنت ماشى بيها اد ايه ؟

.

[unl0veable]

الف مبروك على العربيه ويارب يكفيك ربنا شرها وشر الطريق