اوكتافيا ولا مازدا

[mohamedmajed]

السلام عليكم ،،،
أنا ناوي اشتري عربيه جديده ومحتار بين اوكتافيا الفئة التانيه وبين المازدا 3 هاي لاين والاتنين موديل 2015 مع العلم أني خبرتي بالعربيات ضعيفه لكن ٢ دول قريبين في السعر فعايز اعرف مين أحسن من المواصفات وكده من غير تعصب لأي ماركة وتنصحوني بايه واذا فيه عربيه غير دول تنصحوني كمان ، وشكرا لكم

[drahmedmd]

مازدا 3 هاى لاين جميلة جدا لانه فيها نافيجيشن وفتحة سقف وحاجات كتيرة كويسة , لكن ضيقة شوية وكمان شنطتها 370 لتر بس مش واسعة اوى ومفيهاش مكيف فى المقاعد الخلفية اما الاوكتافيا انا معرفهاش بس عموما هى من عيلة الفولكس واعتقد جودة الخامات بتاعتها هتبقى احسن

[mohamedmajed]

شكرًا لردك وكده هفضل لسه في حيرة :) ومعرفش اعمل آيه ^_*

[عﻻء سالمان]

اوكتافيا فيها مكيف بالمقاعد الخلفية ..وشنطتها عﻻكبر فى كل سيارات ال C segment بس أقترح تضحى وتحط عشرة كمان وهات سيارة بصالون اوسع D segement زى البيجو 508 او اﻻوبل انسجينا اول فئة انا جبت الباسات بيز ﻻين وفرحان بيها برغم ما يقال عن احتمال وجود مشاكل مستقبلية بالفتيس اﻻ انى مقنع ان حسن اﻻستخدام بيلعب دور بعد توفيق ربنا يا اما تزودلك خمسين الف و تشوفلك حتة بى ام الفئة التالتة مو 2013 او تستفسر عن العربية الجديدة الى لسة هتنزل السوق مانوال مرسيدس C 160

[mohamedmajed]

اوكتافيا فيها مكيف بالمقاعد الخلفية ..وشنطتها عﻻكبر فى كل سيارات ال c segment بس أقترح تضحى وتحط عشرة كمان وهات سيارة بصالون اوسع d segement زى البيجو 508 او اﻻوبل انسجينا اول فئة انا جبت الباسات بيز ﻻين وفرحان بيها برغم ما يقال عن احتمال وجود مشاكل مستقبلية بالفتيس اﻻ انى مقنع ان حسن اﻻستخدام بيلعب دور بعد توفيق ربنا يا اما تزودلك خمسين الف و تشوفلك حتة بى ام الفئة التالتة مو 2013 او تستفسر عن العربية الجديدة الى لسة هتنزل السوق مانوال مرسيدس c 160

مبروك علي العربيه وتتتهنى بيها ان شاء الله طيب من حيث الموتور قصدي من أحسن بينهم وفي الاستخدام ، وقصدك ان 508 أحسن من المازدا والاوكتافيا

[عﻻء سالمان]

508 اوسع موتور اقوى رفاهيات اعلى بس قطع غيار غالية والفرنساويين نفسهم مبيركبوش ال 508 كتير بس هيا ناجحة فى مصر وشكل الفيس ليفت 2015 جذاب انا بصراحة مفكرتش فيها عشان شبعنا من موديل 405 وموديل 207 والرينو كمان وكلهم بيشتركوا ان صيانتهم فنيا صعبة.. والفاليو فور مانى مش كبير بس ال508 بداية انطﻻقة قوية للنهوض ببيجو مرة تانية واخيرا دى اذواق انا بحب اليابانى واﻻلمانى ومحبش ﻻ الفرنساوى وﻻ اﻻمريكى .. الفرنسيين بيعشقوا الﻻمانى واﻻمريكان عندهم ضرايب كبيرة على العربيات اﻻلمانى عشان يحموا جنرال موتورز من حدة المنافسة الى ممكن توقعها لو كانت منافسة عادلة وشريفة .. وبالتوفيق لاحسن اختيار

[ENG.MaRk]

الاتنين تكنولوجيا الموتور قديمة للبعد عن مشاكل الفتيس في الأوكتافيا و مش عارف ليه مازدا مانزلتش الskyactiv في مصر بس أعتقد إنه مش بينزل في أقل من 2000 cc ... المهم السحب في الاتنين مش جبار و لكن معقول بشكل كبير ... كماليات الهاي لاين مازدا أحسن من الفئة التانية سكودا ... الاتنين تقفيلهم كويس جداً والخامات أحسن في سكودا ... الارتفاع عن الأرض في صالح سكودا بفرق مش كبير و الاتنين بيحكوا في المطبات و الثبات في الاتنين لا غبار عليه ... شنطة سكودا أكبر من المازدا بفرق ملحوظ ... مجرد نصيحة لو عندك إمكانية إنك تزود شوية و تجيب بيجو 508 أول فئة يبقي تمام و لو مفيش إمكانية ممكن تجيب فلوانس أعلي فئة Special order و ديه عبارة عن بحر كماليات بالإضافة إلي موتور سحبه معقول جداً و ثبات كويس لغاية 180 و أوسع منهم هم الاتنين و أعلي منهم عن الأرض و فيها navigation system و تبقي وفرت كمان مش أقل من 10000 جنيه و ممكن كمان تجيب تاني فئة كورولا بديل للمازدا لو عايز تركب ياباني و لو مصمم علي حاجة من الاتنين اللي في المقارنة يبقي مازدا

[M!SHO]

بص يا باشا نصيحة من واحد في نفس حيرتك

فكك من جو المقارنات ، لو دخلت فيه مش هتخلص وهتزيد حيرتك وهتفضل تزود ١٠ في ٢٠ الف عشان تجيب حاجه أعلى

استقر على عربيتين او تلاته بالكتير ، ادرسهم كويس ، اعرف مميزاتهم وعيوبهم ( يفضل من الملاك ) وشوف المناسب ليك وهاته

انا بقولك الكلام ده لأني دخلت فيه من قبلك وبقالي ٣ شهور محتار ، بدأت ب ١٨٠ الف وانتهت مع ٢٥٠ الف ومستقرتش على حاجه للأسف

[M!SHO]

بشمهندس مارك

المازدا ٣ ارتفاعها ١٦ ونص ، واعتقد الاوكتافيا ١٦ يعني ارتفاع معقول جداً ، وانا مشفتش حد اشتكى من الحك في المطبات

ممكن توضح قصد حضرتك ايه ؟ عشان الموضوع ده يفرق معايا لاني من الاقاليم والمطبات عندنا صعبه

[mohamedmajed]

الاتنين تكنولوجيا الموتور قديمة للبعد عن مشاكل الفتيس في الأوكتافيا و مش عارف ليه مازدا مانزلتش الskyactiv في مصر بس أعتقد إنه مش بينزل في أقل من 2000 cc ... المهم السحب في الاتنين مش جبار و لكن معقول بشكل كبير ... كماليات الهاي لاين مازدا أحسن من الفئة التانية سكودا ... الاتنين تقفيلهم كويس جداً والخامات أحسن في سكودا ... الارتفاع عن الأرض في صالح سكودا بفرق مش كبير و الاتنين بيحكوا في المطبات و الثبات في الاتنين لا غبار عليه ... شنطة سكودا أكبر من المازدا بفرق ملحوظ ... مجرد نصيحة لو عندك إمكانية إنك تزود شوية و تجيب بيجو 508 أول فئة يبقي تمام و لو مفيش إمكانية ممكن تجيب فلوانس أعلي فئة Special order و ديه عبارة عن بحر كماليات بالإضافة إلي موتور سحبه معقول جداً و ثبات كويس لغاية 180 و أوسع منهم هم الاتنين و أعلي منهم عن الأرض و فيها navigation system و تبقي وفرت كمان مش أقل من 10000 جنيه و ممكن كمان تجيب تاني فئة كورولا بديل للمازدا لو عايز تركب ياباني و لو مصمم علي حاجة من الاتنين اللي في المقارنة يبقي مازدا

شكرًا ليك وعلي رأيك طيب الي عرفته ان نظام esp مش موجود في المازدا وموجود في الاوكتافيا الموضوع بيفرق يعني

[mohamedmajed]

بص يا باشا نصيحة من واحد في نفس حيرتك

فكك من جو المقارنات ، لو دخلت فيه مش هتخلص وهتزيد حيرتك وهتفضل تزود ١٠ في ٢٠ الف عشان تجيب حاجه أعلى

استقر على عربيتين او تلاته بالكتير ، ادرسهم كويس ، اعرف مميزاتهم وعيوبهم ( يفضل من الملاك ) وشوف المناسب ليك وهاته

انا بقولك الكلام ده لأني دخلت فيه من قبلك وبقالي ٣ شهور محتار ، بدأت ب ١٨٠ الف وانتهت مع ٢٥٠ الف ومستقرتش على حاجه للأسف

والله معاك بس حبيت اعرف الدنيا فيها آيه بس وبحاول ادرس ٢ كويس وربنا يسهل

[ENG.MaRk]

بشمهندس مارك

المازدا ٣ ارتفاعها ١٦ ونص ، واعتقد الاوكتافيا ١٦ يعني ارتفاع معقول جداً ، وانا مشفتش حد اشتكى من الحك في المطبات

ممكن توضح قصد حضرتك ايه ؟ عشان الموضوع ده يفرق معايا لاني من الاقاليم والمطبات عندنا صعبه

الكلام هيكون scientific شوية لتوضيح الفكرة كاملة
الخلوص (الارتفاع عن الأرض) مش هو أهم نقطة في موضوع الuneven roads ولا الpumps ... في عدة عوامل تانية منها مثلا coefficient of damping of helpers و viscosity of oil in the helper و كمان الcoefficient of damping of coil springs و ديه كلها عوامل بتتأثر بالclimatic changes و عدد الركاب أو حمولة العربية بمعني أصح ... ممكن تلاقي عربية منخفضة و مش بتحك و ده بسبب العوامل اللي تم ذكرها زي مثلاً Mercedes و BMW ... و في عامل مهم كمان أحب ألفت نظر حضرتك ليه و هو تعدد الlinks بتاعت العفشة لذلك أحسن عفشة هي الmultilink لأن زي ما كلنا عارفين إن الضغط = قوة/مساحة (P=F/A) فلما أزود عدد الhelpers بيتم زيادة المساحة معاها فبيقل الضغط فبالتالي بيقل الإحساس بالصدمة ... أنا عارف إن الكلام ممكن يكون مش واضح لكن صدقني ده أبسط تفسير للموضوع ... و عارف إن الإجابة ممكن تكون توهت حضرتك و برضه ماوصلتش للي عايز تعرفه بس اللي قصدي أقوله إن الارتفاع ده عامل من العوامل بدليل إني ركبت مع واحد معرفة Grand Terios و كنا 5 فيها أوزان متوسطة و حكت عادي ... الجزء اللي جاي ده هو المفيد من الآخر لو حضرتك بتحمل العربية أوزان تقيلة أو دائماً معاك عدد كبير في العربية يبقي هات عربية مضمونة و معروف إنها عالية و مش بتحك في المطبات و يفضل تكون SUV

[mohamedmajed]

شكرًا لجميع الردود بس النقطه موضوع esp بيفرق علشان الي سمعته انه مش موجود في المازدا