مساعده في قرار شراء

[meka1990]

دلوقتي انا معايا اكسنت 2013 من الزيرو اول فئه عامله 50 الف كيلو اتخبطت مرتين من قدام بسبب ضعف الفرامل و الثبات و دلوقتي والدة صديق ليه بتفكر في بيع عربيتها مازدا 2006 اعلي فئه بدون الباصمه و الزينون و حاله العربيه كالاتي 155 الف كيلو فابريكه معادا الاكصدامين بس مجرحه كتير من بره و شكلها مبهدل شويه بس من جوه العربيه زيرو بمعني الكلمه و كل حاجه شغاله كويس تكييف و موتور و فتيس مفهومش مشاكل و بتصيين في سمارت كار اللي في المعادي

المشكله بقي انا مستكتر الكيلومتر و مش عارف العربيه تسوي كام بس الفكره ان انا كاره الاكسنت من يوم ما جبتها و نفسي اخلص منها و في نفس الوقت انا ضامن المازدا بس الكيلومتر عالي وكده كده هتقعد معايا في حدود سنه سنه و نص

[hardmind_doc]

لو بتعمل صيانة منتظمة الكيلومتر مش مقياس
اما السمكرة كلها 4000 جنيه سمكرة ودوكو وترجع فلة
المازدا طبعا لا خلاف عليها بس اسال الاول عن اسعار قطع الغيار

[meka1990]

انا معنديش مشاكل في اسعار قطع الغيار المهم بس يبقي لسه فيها نفس بعد 150 الف كيلو ولا خلاص بتفتح بقها ؟

[Abo_Mazen]

وياريت ميكونش عندك مشكلة في سعر إعادة البيع

[Fawzy.Abdelnour]

هى مش هتفتح بقها موتور, لسه شويه عليه على ما اعتقد.
بس هتبتدي حاجات فالعفشه, مساعدين, بارات, جلب مقص, حاجات من دي يعنى.

[pioneerahmed]

لا بلاش هتفتح منك جامد 150000 كتير اوي
و لان هي اصلا اعتمادية فمش هتلاقي اي حاجة اتغيرت من الزيرو غير الصيانات بس
هتستلمك بقي عفشة في حساسات و تتسلي عليك
خليك في حاجة ماشية قليل احسن

[eng_amg]

بص. الياباني مبيفتحش بقه قبل 300 او 400 الف كم.
ودا بالنسبة لمتسوبيشي لانسر مثلا. الي هي اقل فئة في الياباني. فما بالك بمازدا! معتقدش انها مشكله ابدل موضوع العداد دا.
المشكلة بالنسبة لقطع الغيار. لاني سألت مرة عن مجموعة حاجات لقيتها تخض. ياريت تسأل مثلا علي الكبالن. استيراد مش جديد. وبعديها قرر.

[eng_amg]

اه. علي فكرة .. انت معاك هيونداي. فرق قطع الغيار مهول.. يعني مش قريب او حتي بعديد شوية. دا بعديد كتييير.
بس العزاء انها معمرة جدا غير الكوري.

[M2014]

السلام عليكم
أرجو التأكد من إرتفاع السيارة موديل ٢٠٠٦ عن الأرض لتفادى مشكلة الحك فى المطبات .
خالص تحياتى