سؤال بخصوص مازدا 3 2015

[Ahmed Sharawy]

اريد الاستفسار عن ارتفاع السيارة المازدا 3 2015 عن الارض لاني مقبل على الشراء لكن يتم تحذيري بان السيارة قريبة من الارض وتحتك بالمطبات
رجاء الاجابة على الاستفسار ولكم جزيل الشكر
السيارة مازدا 3 2015 كور (اقل فئة)

[mohamedmajed]

المفروض انها ١٦ سنتي ونص يعني مش واطيه ده الي اعرفه وبالتوفيق ليك

[Mostafa Bedo]

لا طبعا مش واطية خالص وممكن حضرتك تعملها test drive بنفسك من غبور

[Omar Sarray]

لالا مش واطيه خالص هيا ارتفاعها مقارب للسيراتو والالنترا وعاليه شويه متخفش لانها كانت عندى وبعتها اعلا فئه

[Ahmed Sharawy]

لالا مش واطيه خالص هيا ارتفاعها مقارب للسيراتو والالنترا وعاليه شويه متخفش لانها كانت عندى وبعتها اعلا فئه

طبعا اشكرك على الاجابة وعلى ذوقك بس حابب اسألك ليه بعتها عشان حاجة بخصوص العربية او شئ تاني

[Ahmed Sharawy]

ولو معروض عليا كيا سيراتو الفئة قبل الاخيرةبنفس السعر يعتبر زيادة 4000 يعني ب 179000 اشتري انهي فيهم لان الكيا كده بقت مميزة لاني هشتري المازدا فاضية تعتبر بصراحة انا محتار جدا

[Ahmed Sharawy]

اشكركم جميعا على الردود والاهتمام

[mohamedmajed]

لالا مش واطيه خالص هيا ارتفاعها مقارب للسيراتو والالنترا وعاليه شويه متخفش لانها كانت عندى وبعتها اعلا فئه

طيب ولماذا بعتها :) ده الواحد ناوي عليها

[Omar Sarray]

مازدا كويسه مقلتش عليها اى شى ابدا بس عيبها ان غبور بصراحه مع احترامى للجميع بيضحك على ناس هوا ومنصور شفروليه بيجيو اشكال عربيات لا فيها اوبشنز ولا محرك كويس يعنى انا بعت مازدا ل3 اسباب

اولالهم

مفهاش فتحه تكيف ورا
ثانيا الجنط حتى لو فئه عاليه 16 مش 18
ثالثا ضعف المحرك معرفش ليه كده 1600 ب 105 حصان
رابعا سعرها مبالغ فيه جدا ب 210 الف اجيب فيهم سيراتو كامله اعلا فئه او اجيب فيها فورد فوكاس اعلا فئه ب 206 الف
عشان كده بعتها واستقريت على سيراتو

[mif]

اريد الاستفسار عن ارتفاع السيارة المازدا 3 2015 عن الارض لاني مقبل على الشراء لكن يتم تحذيري بان السيارة قريبة من الارض وتحتك بالمطبات
رجاء الاجابة على الاستفسار ولكم جزيل الشكر
السيارة مازدا 3 2015 كور (اقل فئة)

بالعكس تماما ارتفعها ممتاز بدون اى احتكاكات....افضل من الكورولا في الحتة دي كمان

و فيها عفشة مالتي لينك عمرها طويل جدا بتستحمل الطرق المكسرة و بتديها ثبات ممتاز جدا في الجري ... افضل من مثيلتها بكثير

[mif]

مازدا كويسه مقلتش عليها اى شى ابدا بس عيبها ان غبور بصراحه مع احترامى للجميع بيضحك على ناس هوا ومنصور شفروليه بيجيو اشكال عربيات لا فيها اوبشنز ولا محرك كويس يعنى انا بعت مازدا ل3 اسباب

اولالهم

مفهاش فتحه تكيف ورا

اوبشن و كل ما تزود الاوبشنز السعر بيزيد
المهم اداء التكييف كان عامل ازاي ؟
و هل التكييف كان بيسقع ورا و قدام كويس ؟
ثانيا الجنط حتى لو فئه عاليه 16 مش 18
انا شايف انها مش مشكلة خالص .... و كمان الطرق المكسرة بتاعتنا كل ما تكبر جنط العربية بتقص عمر العفشة .... و تكلفة تغغير الكاوتش و الجنوط بتبقى اعلى بكتيير ...بمعنى بتنزل 16 كاقتصاد و علشان تحس بنعومة العفشة و تعيش معاك
من الاخر 18 مش عملي خالص
ثالثا ضعف المحرك معرفش ليه كده 1600 ب 105 حصان
المهم الاداء معاك كان عامل ازاي .... و اكيد السيراتو ادائها مش خراي قدام المازدا .... بل انت ستتقد الاقتصادية في الوقود في المازدا
غبور منزل المكنة القديمة ال 105 علشان تمشي بنزين 92 مرتاح جدا بدون ادنى قلق
رابعا سعرها مبالغ فيه جدا ب 210 الف اجيب فيهم سيراتو كامله اعلا فئه او اجيب فيها فورد فوكاس اعلا فئه ب 206 الف
مع احترامي لحضرتك سعرها مش مبالغ ابدا ابدا ....
هي الفكرة انك بتدور على الكماليات .... لكن مش القيمة

انا ركبت الكورولا (التركي) و ركبت المازدا (الياباني من غبور )
فرق السما عن العمى يبان فى الخامات بطريقة واضحة جدا و باين فى كل حتة فى المازدا كوالتي عالي جدا تركبها تحس انك راكب الماني .

حتة السعر .... المفروض المازدا تكون اغلى من الكورولا و الفوكاس
لان مازدا بتيجي من اسيا بدون اى تخفيضات فى الجمارك عكس الكورولا التركي و الفوكاس الاوروبي اللى عليهم تخفيض كبير فى الجمارك


عشان كده بعتها واستقريت على سيراتو

من الاخر لو واحد بيدور على عربية قيمة جدا ياباني الوحيدة عفشة مالتي لينك اقتصادية فى الوقود يبقى مازدا

عايز تاخد كماليات و شكل و صيانة ارخص يبقى سيراتو

[Omar Sarray]

اشكر ردك على كلامى وليا شرف منك بس ارجع واقول دى اذواق وكل واحد عنده قراره وقدرته وظروفه وانا بقولك مازاد 3 2015 حتى لو 2016 مقلتش عليها اى شى والتكيف كان كويس جدا والعفشه نقول شويه ضعيفه مع سحب اول ماتجرى يعنى وانا مش بقول سيراتو ملكه ملوك العربيات لا بس زى ما تفضلت حضرتك سيراتو كماليات وشكل وقطع غيار شويه ارخص مش كلهم بس انا شايف حاليا انى احتمال والله واعلم اغير كمان السيراتو واشترى وفورد فيوجن بس لسه مش مقرر والسعر بقولك فيه مبالغ جدا لانه اى حاجه يقولك ياعم شوف اسعار البلد والجمارك طب ماهيا بتيجى بسرع الدوله ليه جمالك يخليها 200 يعنى وله هيا زياده اسعار وخلاص انا شايف ان العربيتين احسن عربيتين وتجى وراهم كورولا من حيث الشكل والوسع والكماليات

[hmotors]

من الاخر لو واحد بيدور على عربية قيمة جدا ياباني الوحيدة عفشة مالتي لينك اقتصادية فى الوقود يبقى مازدا

عايز تاخد كماليات و شكل و صيانة ارخص يبقى سيراتو

عايز اقول لحضرتك الكماليات فى المازدا مش اقل من السيراتو ، والشكل ازواق بس المازدا شكلها مميز

المازدا هاى لين ب 210 الف
السيراتو هاى لين ب 200 الف

هى المازدا فيها حاجات ناقصة بسيطة جداً،

طيب نشوف مميزات و كماليات المازدا 2015 HL الى مش موجودة فى السيراتو 2015 HL

- نظام ال i-drive ده لوحده مينفعش نقارنة بالسيراتوعلشان تكنولوجيا مختلفة ومميزاته اكتر وممكن تتحكم بحاجات كتير فى العربية والتطبيقات
- النظام الصوتى للتحكم فى انظمة العربية من الداخل، عن طريق انك ممكن تشغل اى حاجة بالصوت
- الزينون والأضاءة مستوى اعلى
- نظام توجيه الأضاءة الذاتى AFS - Adaptive Front Lighting System
- 6 ايرباج
- توضيح السرعة على الزجاج الأمامى
- كرسي السائق كهرباء
- سينسور مطر
- رشاشات لتنظيف الفوانيس الأمامية
- سينسور مية المساحات للتنبيه اذا نقصت ، عجبتنى الفكرة دى

ده غير كل المميزات الأساسية الى موجودة فى الأتنين: سمارت كى، كروز كنترول ، ABS,EBD ، ليد ، سينسور بارك وكاميرا ، فتحت سقف ، دريكسيون مالتى فنكشن كامل، مريات ضم، كراسى جلد.......

هل 10,000 جنيه زيادة وتاخد عربية يابانى فيها المميزات دى والخامات بالجودة العالية يعتبر رقم كبير و لا تستحق ؟
وفعلاً اذا وفرت المبلغ ده خدت حاجات اكتر فى السيراتو؟

علشان كده وجهت نظرى ان الى يشترى السيراتو او المازدا هيكون موضوع راحة نفسية بس مش هقدر اقتنع انى خدت حاجة زيادة

وقطع الغيار والصيانة معدش الكورى زى زمان ، اليابانى اكيد اغلى بس مش بالدرجة المخيفة للراكاب هاى لين،

تحياتى للجميع،

[mif]

اشكر ردك على كلامى وليا شرف منك بس ارجع واقول دى اذواق وكل واحد عنده قراره وقدرته وظروفه وانا بقولك مازاد 3 2015 حتى لو 2016 مقلتش عليها اى شى والتكيف كان كويس جدا والعفشه نقول شويه ضعيفه مع سحب اول ماتجرى يعنى وانا مش بقول سيراتو ملكه ملوك العربيات لا بس زى ما تفضلت حضرتك سيراتو كماليات وشكل وقطع غيار شويه ارخص مش كلهم بس انا شايف حاليا انى احتمال والله واعلم اغير كمان السيراتو واشترى وفورد فيوجن بس لسه مش مقرر والسعر بقولك فيه مبالغ جدا لانه اى حاجه يقولك ياعم شوف اسعار البلد والجمارك طب ماهيا بتيجى بسرع الدوله ليه جمالك يخليها 200 يعنى وله هيا زياده اسعار وخلاص انا شايف ان العربيتين احسن عربيتين وتجى وراهم كورولا من حيث الشكل والوسع والكماليات

شرف ليا يا فندم

و و اذا كانت من ناحية الاذواق كل انسان حر اختياره

لكن القيمة مقابل السعر فعلا تتفوق المازدا من وجهة نظري

[mif]

عايز اقول لحضرتك الكماليات فى المازدا مش اقل من السيراتو ، والشكل ازواق بس المازدا شكلها مميز

المازدا هاى لين ب 210 الف
السيراتو هاى لين ب 200 الف

هى المازدا فيها حاجات ناقصة بسيطة جداً،

طيب نشوف مميزات و كماليات المازدا 2015 hl الى مش موجودة فى السيراتو 2015 hl

- نظام ال i-drive ده لوحده مينفعش نقارنة بالسيراتوعلشان تكنولوجيا مختلفة ومميزاته اكتر وممكن تتحكم بحاجات كتير فى العربية والتطبيقات
- النظام الصوتى للتحكم فى انظمة العربية من الداخل، عن طريق انك ممكن تشغل اى حاجة بالصوت
- الزينون والأضاءة مستوى اعلى
- نظام توجيه الأضاءة الذاتى afs - adaptive front lighting system
- 6 ايرباج
- توضيح السرعة على الزجاج الأمامى
- كرسي السائق كهرباء
- سينسور مطر
- رشاشات لتنظيف الفوانيس الأمامية
- سينسور مية المساحات للتنبيه اذا نقصت ، عجبتنى الفكرة دى

ده غير كل المميزات الأساسية الى موجودة فى الأتنين: سمارت كى، كروز كنترول ، abs,ebd ، ليد ، سينسور بارك وكاميرا ، فتحت سقف ، دريكسيون مالتى فنكشن كامل، مريات ضم، كراسى جلد.......

هل 10,000 جنيه زيادة وتاخد عربية يابانى فيها المميزات دى والخامات بالجودة العالية يعتبر رقم كبير و لا تستحق ؟
وفعلاً اذا وفرت المبلغ ده خدت حاجات اكتر فى السيراتو؟

علشان كده وجهت نظرى ان الى يشترى السيراتو او المازدا هيكون موضوع راحة نفسية بس مش هقدر اقتنع انى خدت حاجة زيادة

وقطع الغيار والصيانة معدش الكورى زى زمان ، اليابانى اكيد اغلى بس مش بالدرجة المخيفة للراكاب هاى لين،

تحياتى للجميع،

الله ينور عليك في كلماتك الدقيقة
و
علشان كدا وصفتها بعربية قيمة جدا ياباني