استفسار مهم بخصوص Mazda 3 2015

[adorehearts]

بسم الله الرحمن الرحيم
السلام عليكم ورحمة الله وبركاته

اخوانى الكرام ارجو ان تفيدونى فى مميزات وعيوب Mazda 3 2015 فئة core ال هى اول فئة

وياريت اعرف هى الشاشة فيها ولا لأ ياريت حد يكون معاه العربية يكتبلى ايه ال موجود فيها ايه بظبط فى الفئة الاولى

شكرا جزيلا مقدما ولا تتأخرو عليا فى الرد بالله عليكم لأنى مقبل على عملية الشراء قريبا .

[madooomad]

مفهاش الشاشة ... الكور من غير فتحة سقف ولا جنوط ولا فوانيس زينون ادابتيف التكييف اعتقد مانيوال مش اوتوماتيك مفهاش الهيد اب ديسبلاي ٢ او ٤ ايرباج عكس الهاي لاين ٦ مفهاس ال سبويلر الصغير اللي في الشنطة مفهاش ليد في المصابيح الخلفية ولا الامامية بس كدة ... العيوب تكمن في سوقنا اللي مبيحبش المازدا والمحرك و الفتيس الاربع سرعات تكنولوجيا قديمة شوية بس منطقية من مازدا عشان لو كان نزلها بالسكاي اكتيف ماكنتش هاتتباع عشان البنزين بس كدة

[adorehearts]

تمام يا استاذى الفاضل ممكن تقولى الفوانيس الخلفية والامامية بتكون شكلها ازاى وهى منورة ؟! اصلى مشوفتهاش غير هاى لاين ليدات خلفية وانا عايز اجيب core
شكرا لسعة صدرك..

[ENG.MaRk]

بصراحة المازدا الجديدة ماتتركبش غير هاي لاين لأن الtechnology بتاعت موتورها و فتيسها قديمة و اللي بيعوض ده الكماليات الكتيرة ... لو مش هتقدر تجيبها هاي لاين هات كورولا تاني فئة

[madooomad]

رائيي من رأي استاذ مارك لو عاوز تجيبها يبقي الهاي لاين افضل لاكن لو هتقارن من ناحية build quality بينها و بين عربيات تاني في سعر الكور اللي هوة ١٧٠ اعتقد زي مثلا بينها و بين الشارك يبقي بردة تكسب لكن لو دخلتها مع فلوانس او كورولا ممكن تبدأ تفكر في المجمل العربية جيدة جدا خصوصا في تفاصيل و جودة الخامات كا عربية في المجمل ... للاسف مشفتهاش بليل الكور ابدا عشان اقدر اقولك شكلها بس عمتا مش الليد هوة الحوار الكبير يعني وبالتوفيق ان شاء الله

[adorehearts]

بصراحة انا عاجبنى شكل العربية جدا وبالنسبة للشارك والكرولا مش بحب شكلهم خالص , وفى نفس الوقت انتم قلقتونى من موضوع العربية متتركبش غير هاى لاين , بس فى نفس الوقت انا شايف ان الشاشة مش مهمة بالنسبالى هو النقطة الوحيدة ال مضيقانى موضوع الفوانيس والجنوط لأنها فى الكور بتنزل طاسات ! عربية ب 177 الف ونازلة بطاسات , طب ازاى !؟

[hmotors]

بصراحة انا عاجبنى شكل العربية جدا وبالنسبة للشارك والكرولا مش بحب شكلهم خالص , وفى نفس الوقت انتم قلقتونى من موضوع العربية متتركبش غير هاى لاين , بس فى نفس الوقت انا شايف ان الشاشة مش مهمة بالنسبالى هو النقطة الوحيدة ال مضيقانى موضوع الفوانيس والجنوط لأنها فى الكور بتنزل طاسات ! عربية ب 177 الف ونازلة بطاسات , طب ازاى !؟

الصراحة الفرق فى المازدا بين الهاى لين والكور يصول لدرجة انهم عربيتين مختلفين ، ومش معنا كده انها متتركبش بس المقصود ان ناقص فيها حاجات كتير. الفئة السعرية فى حدود 177 الف ممكن تركب بيهم عربية بمميزات اكتر.

الى هيشترى المازدا الكور فعلاً هيكون عايز يركب العربية دى، بس ميتوقعش مميزات كتيرة وده الفرق بين الفئتين:




تحياتى لحضرتك وباتوفيق،

.

[hmotors]

المازدا كور:

[madooomad]

حضرتك لو المشكلة مشكلة فلوس ممكن تزود ١٥ اعتقد و تجيب الهاي لاين الخليجي و تشتري ضمان من سمارت كار و الناس بتشكر في سمارت اكتر من غبور خصوصا في الصيانات

[adorehearts]

متشكر لرد حضرتك جدا .

[adorehearts]

حضرتك لو المشكلة مشكلة فلوس ممكن تزود ١٥ اعتقد و تجيب الهاي لاين الخليجي و تشتري ضمان من سمارت كار و الناس بتشكر في سمارت اكتر من غبور خصوصا في الصيانات

المشكلة انى هجبها قسط ومش عايز ازود المبلغ اكتر من كدة علشان المقدم.