استفسارات بخصوص ال 323

[moh_taia]

السلام عليكم

من فضلكم أنا قدامى عربيه مازدا 323 موديل 83
العربيه اوتوماتيك وزجاج كهربا
شكلها كانت مركونه من فتره وعاوزه شوية تظبيطات زى فرش الأبواب ومرايات جانبيه - الأبواب بترزع فى القفل وهكذا

فلو سمحتم تقولولى سعرها فى رنج من كام لكام

وفيه مشاكل فى الأوتوماتيك بالنسبه للموديل ده ولا لأ

واخبار أسعار قطع الغيار للموديل ده عموما ايه معقوله ولا ....

معلش انا عارف ان الأسئله كتير بس أخوكم ميعرفش حاجه فى العربيه دى خالص
وعشمى فى ربنا و فيكم كبير

شكرا وتحياتى

[hossammoustafa]

بص المازدا عربية ممتازة جدا بالنسبة للحالة اللى انت بتتكلم فيها دى هى فى حدود 20 الى 23 حسب بقى الحاجات واللى محتاجة اما بالنسبة لقطع الغيار فهى متوفرة بس غالية الثمن شوية
بس لما بتركب اليابانى الاصلى انساة ودى صورة عربيتى
وربنا يكرمك

[وائل عطية]

ا بالنسبة للحالة اللى انت بتتكلم فيها دى هى فى حدود 20 الى 23 حسب بقى الحاجات واللى محتاجة

هي مسألة السعر دي بتفرق من واحد للتاني ..كل واحد بيحط السعر اللي شايفه مناسب لعربيته..بس السعر دا عالي شوية
في واحد موديل 84 بحالة جيدة جداً وصاحبها عارضها على 18 ألف

[moh_taia]

شكرا على الردود

بالنسبه للأوتوماتيك فيه مشكله ؟
يعنى ادور على مانيوال أحسن ولا ايه رايكم ؟

لأن عربيات أوتوماتيك كتير أسمع ان بيبقى فيها مشاكل

وشكرا مرة أخرى

[hossammoustafa]

مازدا 323

اة من الافضل انك تدور على مانيول احسن طالاما انت بتدور على قبل 90 عشان التصليح وقطع الغيار والاعطال وكدة وباتلنسبة للاخ العزيز اللى بيقول السعر دة غالى شوية ايوة وفى واحدة على 18 الف فعلا فى على 16 كمان بس حسب الحالة والمصاريف اللى كل يوم هيدفعها الواحد بردة عايز يجيب حاجة تريحة مش كل يوم يعد عند الميكانيكى وخلافة للاستفسار
hoss.eng@hotmail.com

[وائل عطية]

اة من الافضل انك تدور على مانيول احسن طالاما انت بتدور على قبل 90 عشان التصليح وقطع الغيار والاعطال وكدة وباتلنسبة للاخ العزيز اللى بيقول السعر دة غالى شوية ايوة وفى واحدة على 18 الف فعلا فى على 16 كمان بس حسب الحالة والمصاريف اللى كل يوم هيدفعها الواحد بردة عايز يجيب حاجة تريحة مش كل يوم يعد عند الميكانيكى وخلافة للاستفسار
hoss.eng@hotmail.com

شكراً على المعلومة
سؤال بقى:
إيه هي موديلات الـ 323 الياباني إيه الكوري لأني سمعت إن في منها كوري

[med030]

السيد الفاضل
بخصوص السيارة المازدا 323 موديل 83 احب اوضح لك بعض الأمور
1/ السيارة المازدا سيارة ناجحة لحد كبير بالسوق المصرى وليس صحيحا مع احترامى لجميع اراء الاخوة انا تعتبر غالية لاننا هنا بماذا نقارن ؟ هل ب 128 او اين نوع اخر غير اليابانى وعلى الرغم من ذلك فانها تعد ارخص قطع غيار للسيارات اليابانية فى فئتها وموديلها
2/ ان هناك نوعان من السيارة المازدا 323 وهما متشابهان لحد كبير الاول موديل 82 وهى الدفعات التى كانت خاصة بالقوات المسلحة وهى سيارة يابانى تقفيل كوري وقد حدثت مشكلة انذاك لمستوردها وشكلها كما الصورة التى وضعها الاخ الفاضل اعلاه والثانى هو موديل 83 وهو يابانى وقد طرحت موديلاته لدول الخليج واهم ما يميزة الاكصدامات النيكل وليست الفبر كموديل 82 بالاضافة لوجود تكييف اصلى بها وليس استيراد
3/كان من وقت ليس ببعيد هناك طلب بالسوق على تلك السيارة بصورة كبير لفترة ما وذلك قبل انتشار القروض والزيرو
اخيرا سيدى الفاضل اوافق الراي القائل ان السيارات الاوتوماتيكية القديمة غير محبذة نظرا لزيادة احتمالات اعطالها وكذلك صعوبة الحصول على قطع غيارجديدة لها كما انها ذات اعطال مكلفة نسبيا
وفى النهاية اقدم اعتذارى على طول الحديث واتمنى لك التوفيق

[hossammoustafa]

السيد الفاضل
بخصوص السيارة المازدا 323 موديل 83 احب اوضح لك بعض الأمور
1/ السيارة المازدا سيارة ناجحة لحد كبير بالسوق المصرى وليس صحيحا مع احترامى لجميع اراء الاخوة انا تعتبر غالية لاننا هنا بماذا نقارن ؟ هل ب 128 او اين نوع اخر غير اليابانى وعلى الرغم من ذلك فانها تعد ارخص قطع غيار للسيارات اليابانية فى فئتها وموديلها
2/ ان هناك نوعان من السيارة المازدا 323 وهما متشابهان لحد كبير الاول موديل 82 وهى الدفعات التى كانت خاصة بالقوات المسلحة وهى سيارة يابانى تقفيل كوري وقد حدثت مشكلة انذاك لمستوردها وشكلها كما الصورة التى وضعها الاخ الفاضل اعلاه والثانى هو موديل 83 وهو يابانى وقد طرحت موديلاته لدول الخليج واهم ما يميزة الاكصدامات النيكل وليست الفبر كموديل 82 بالاضافة لوجود تكييف اصلى بها وليس استيراد
3/كان من وقت ليس ببعيد هناك طلب بالسوق على تلك السيارة بصورة كبير لفترة ما وذلك قبل انتشار القروض والزيرو
اخيرا سيدى الفاضل اوافق الراي القائل ان السيارات الاوتوماتيكية القديمة غير محبذة نظرا لزيادة احتمالات اعطالها وكذلك صعوبة الحصول على قطع غيارجديدة لها كما انها ذات اعطال مكلفة نسبيا
وفى النهاية اقدم اعتذارى على طول الحديث واتمنى لك التوفيق

ياباشا كوريا ملهاش دعوة بامازدا ولا عمرها عملت شراكة معاها ثانيا المازدا من بعد السبعينات وشركة فورد دخلت معاها بحصة فى الشركة عشان كدة شوفنا الموديلات الكبيرة الحجم زى 929 اما كوريا مجمعتش عربيات مازدا والمعلومات المنتشرة دى غير صحيحة وشكرا

[agwaa]

hossammoustafa شكرا جزيلاًعلى مشاركاتك ومساهماتك الرائعة
ولو سمحت لي عندي إستفسار صغير
أنا معايا نفس عربيتك ونفس اللون ( تكاد تكون هية )
وسؤالي : المساعدين الأربعة بدأوا يشتكوا ولي زميل في العمل ( كان راكب نفس السيارة لفترة ) وصف لي عفشجي في القومية بيقص المساعدين ويكبسهم و العملية دي بتكلف أول مرة بس
بعد كدة صيانة المساعد رخيصة جدا - وده على حد قول زميلي - فأيه رأي سيادتك
أم أبحث عن مساعدين ملو إستيراد أحسن
أرجو الرد سريعا لأني حددت مع العفشجي يوم الخميس القادم للعملية دي
وأعتذر عن الإطالة
وشكراً

[ghareeb]

هي مسألة السعر دي بتفرق من واحد للتاني ..كل واحد بيحط السعر اللي شايفه مناسب لعربيته..بس السعر دا عالي شوية
في واحد موديل 84 بحالة جيدة جداً وصاحبها عارضها على 18 ألف

باشا ممكن تقولنا إزاى نتصل بصاحب العربية الى إنتى بتقول عليها ده عشان انا بدور على عربية 323 بحالة جيدة جدا
و شكرا ليك مقدما على المساعدة

[bahaa660]

بالنسبه للاخ اللي قدامه 323معروضه علي 18 ممكن يقلي اشوفها ازاي

[amr_elrashidy]

ياباشا كوريا ملهاش دعوة بامازدا ولا عمرها عملت شراكة معاها ثانيا المازدا من بعد السبعينات وشركة فورد دخلت معاها بحصة فى الشركة عشان كدة شوفنا الموديلات الكبيرة الحجم زى 929 اما كوريا مجمعتش عربيات مازدا والمعلومات المنتشرة دى غير صحيحة وشكرا

ياريت تأكدلنا المعلومة دى من اى مصدر جبتها...معقول الناس اللى من سنه 82 بتقول انها كورى دى غلطانة؟؟؟؟؟؟؟؟؟؟ اكيد فى اثبات انها يابانى او كورى برشامة او ستيكر او اى لصقة جوه العربية بتدل على كده

[ELSADAT]

المازد عربية جامدة انامعايا واحد 82 عيز اركب لها جنط اركب مقاس كام

[turbocharger]

ياريت تأكدلنا المعلومة دى من اى مصدر جبتها...معقول الناس اللى من سنه 82 بتقول انها كورى دى غلطانة؟؟؟؟؟؟؟؟؟؟ اكيد فى اثبات انها يابانى او كورى برشامة او ستيكر او اى لصقة جوه العربية بتدل على كده

خش على الويكابديا ياشباشا واقرى تاريخ المازدا من أول ماطلعت مش هتلاقى حاجة اسمها كوريا فى الموضوع دا بخلاف ان مازدا دلوقتى 70 % من أسهمها اصبحت أمريكى

[mohamed777]

على فكرة يا جماعة انا معايا المازدا 82 من دفعات القوات المسلحة وكل حتة مختومة فيها صنع فى اليابان اول مرة اسمع انها كورى